የየዕለታቱ ሰሙነ ሕማማት

፨፨፨ "የየዕለታቱ ሰሙነ ሕማማት"፨፨፨
፨፨፨ ሰኞ:-ጌታችን ከቢታኒያ ሲወጣ ተራበ፤ ቅጠል ያለባትን
በለስ ከሩቅ አይቶ
በለሲቱን ቀረባት፤ ነገረ ግን ከቅጠል በቀር ምንም
አልተገኘባትም፡፡ ከአሁን
ጀምሮ ማንም ከአንች ፍሬን አይብላ ብሎ እረገማት በለስ
የተባሉአ እስራኤላዊ
ናቸው፡፡ ጌታም በዕለተ ሠኞ ሁለት ነገሮችን አድረጓል ፩
ማቴ.21÷18 ቅጠል
ብቻ የተገኘባትን ዕፀበለስ እረግሟል፡፡" ፪…
ሉቃ.19÷45-46" ወደ ቤተ
መቅደስ ገብቶ የሚሸጡትን የሚለውጡትን "ቤቴ የፀሎት ቤት
ናት እንጅ
የነጋደዎች ዋሻ አይደለችም" ብሎ ያንን ነጋደወቹ የያዙትን
በሙሉ
እየገለባበጠ ቤተ መቅደሱን የፀሎት ቤት አድረጓል፡፡ # ፨፨፨
ማክሰኞ:-
ሻጮቹንና ለዋጮቹን ከቤተ መቅደስ ባወጣ ጊዜ ይሔንን
በማን ኃይል
እንዳደረገው፡ የአይሁድ መምህራን ጠይቀዉት ነበር።
ማቴ.21፥13
ስለመሆኑም የጥያቄ ቀን ይባላል፡፡
፨፨፨ ረቡዕ:-ምክረ አይሁድ ይባላል። ምክንያቱም የአይሁድ
ሊቃነ ካህናት እና
ጸሐፍት ፈርሳዊያን ጌታን እንዴት መያዝ እንዳለባቸው ምክር
ያጠናቀቁበት ቀን
ነው፡፡
፨፨፨ ሐሙስ:-በቤተ ክርስቲያን የተለያዩ ስያሜዎች ያላቸው
በርካታ፡
ድርጊቶች የተፈፀመበት ነው፡፡
ፀሎት ሐሙስ ይባላል፡፡ ጌታ ኢየሱስ አይሁድ መጥተው
እስኪይዙት ድረስ
ሲፀልይ ያደረበት ነውና ፀሎት ሐሙስ ተባለ። ሕጽበት ሐሙስ
ይባላል፡፡
ጌታችን በዚህ ዕለት የደቀ መዛሙርቱን እግር ጎንተስ ብሎ
በታላቅ ትኅትና
አጥቧልና፤ የሐዲስ ኪዳን ሐሙስ ይባላል። ምክንያቱም የኦሪት
መስዋዕት
የሆነውን የእንሥሣት ደም ማብቃቃቱን ገልጦ ለድህነተ አለም
ራሱን የተወደደ
መስዋዕት አድረጎ ያቀረበበት ዕለት በመሆኑ፡ የነፃነት ሐሙስ:-
ምክንያቱም
ለሀጢአትና ለዳቢሎስ ባሪያ መህን ማብቃቱንና የሰው ልጅ
ያጣውን፡ ክብር
መልሶ ማግኘቱ የተረጋገጠበት ቀን ስለሆነ ነው፡፡
፨፨፨ ዓርብ:-ጌታችን ከጲላጦስ አደባባይ እስከ ሊጦስጥራ
የተንገላታበት፣
ለአዳምና ለልጆቹ፡ በመልዕልተ መስቀል ለሞት፡ እራሱን
አሳልፎ የሰጠበት ቀን
ነው፡፡
፨፨፨ ቅዳሜ:-በዚች ዕለት የጌታችን መከራ በማሰብ በፆም
ታስባ ስለምትውል
ቅዳም ስዑር ወይም የተሻረችው ቅዳሜ ትባላለች፡፡ ካህናቱም
ለምዕመናን
ልምላሜ ቄጤማን የሚያድሉበት ዕለት ስለሆነ ለምለም
ቅዳሜም ትባላለች፡፡
እንደዚሁም ልዑል እግዚአብሔርም በዚህ ቀን ፳፪ቱን ስነ
ፍጥረታት ፈጥሮ
ከሰራው ያረፈበት ዕለት ናት። መልካም የዖም ሳምብት፥
የስግደትና የእግዚኦታ
ሳምንት ይሁንልን አሜን ይቆየን።
እንዲሁ እንዳለን በሠላም በጤና ጠብቆ ለብረሃነ ትንሳኤው
በሠላም በፍቅር
ያድረሰን፡፡ አሜን።፨፨፨፨

የሕማማት ጥያቄዎችና መልሶቻቸው

የሕማማት ጥያቄዎችና መልሶቻቸው
የሕማማት ጥያቄዎችና መልሶቻቸው
1 በሕማማት ለምን መስቀል አንሳለምም ወይም
አናማትብም ?
የመስቀል ክብር እና ኃይል የታወቀው ጌታ በመስቀለ ከተሰቀለ
በኋላ ነው በሰሞነ ሕማማት ከሰኞ እስከ አርብ ያሉት ቀናት
የዓመተ ፍዳ መታሰቢያ ናቸው በነዚህ ዘመናት ሰዎች
የመስቀልን አገልገሎት እንዳልጀመሩ ለማሳየት በሰሞነ
ሕማማት በቤተክርስተያን ስርዓት መሰረት መስቀል
መሳለምም
ሆነ የማማተብ ስርዓት የለም
2 በሰሞነ ሕማማት ለምን አንንሳሳምም?
ይሁዳ ጌታውን በመሳም አሳልፎ ሰጥቶአል እኛም እንደ ይሁዳ
ክፋት ካለው መሳሳም መለየታችችንን ለማሰረዳት ከዚሀ
በተጨማሪም ፍፁም ሰላም በዘመነ ፍዳ እንዳልነበረ
ለማሳየት
በሰሞነ ሕማማት እሰከ ምሳሳም የደረሰ ጥብቅ ሰላምታ የለም
3 በሰሞነ ሕማማት የማይፈቀዱ ሌሎቸ ነገሮች ምን ምን
ናቸው ? ማንኛውም ለስጋ የሚያደሉ ተግባሮችን መቀነስ እና
ቢቻለን አበዛኛውን ጊዜአችንን በቤተ እግዚአብሔር የጌታን
መከራ ሕማም በማሰብ በፆም በስግደት በጸሎት ማሳለፍ
በትዳር ያሉ በመኝታ ከመተዋወቅ መታቀብ
ቢቻል አመጋገባችንን ከወትሮው መቀነስ
4 ስለ ሰሞነ ሕማማት በመጽሐፍ ቅዱስ የተጻፈ አለን?
ነብዩ ኢሳይያስ "በእውነት ደዌአችንን ተቀበለ ሕማማችንንም
ተሸክሞአል " ኢሳ53፤4 ይላል ሕማማት የሚለው ቃለ
በቀጥታ
ከመጽሐፍ ቅዱስ ተወሰደ ሲሆን የጌታን መከራ የምናስብበት
ሳምንት ነው የጌታችንን ሞቱን ሕማሙን ማሰብ መዘከር
እንደሚገባ ቅዱስ ጳውሎስ እነዲህ ይላል
" ጌታ እስኪመጣ ድረስ ሞቱን ትናገራላችሁና" 1ቆሮ11፤26
ይህ ሳምንት ለአይሁድና ለመሰሎቻቸው የደስታ ወቅት
ቢሆንም
ለክረስትያኖች በጥልቅ ኅዘን ውስጥ የሚገቡበት ሳምንት ነው
እንዲሀ ተብሎ እንደተጻፈ'' እናንተ ታለቅሳላችሁ ሙሾም
ታወጣላችሁ ዓለም ግን ደስ ይለዋል እናንተም ታዝናላችሁ ነገር
ግን ኃዘናችሁ ወደ ደስታ ይለወጣል'' ዮሐ16፤20
በእርግጥ ኃዘናችን ትንሳኤውን እሰክናይ ለጥቂት ጊዜ ቢሆንም
ግን እናዝናለን በትነሳኤው ደግሞ ደስታውን እንካፈላለን።
ሰኞ አይሁድ እንዴት እንደሚይዙት ለመማከር ክፉ
ጉባኤያቸውን
ጀመሩ
''በዚያን ጊዜ የካህናት አለቆች የሕዝብም ሽማግሎች ቀያፋ
በሚባለው በሊቀ ካህናቱ ግቢ ተሰበሰቡ ጌታ ኢየሱስንም
በተንኮል ሊያስይዙት ሊገሉትም ተማከሩ" ማቴ26፡3_4
ይህንን ጉባዔ ቅዱሰ ዳዊት የከፉዎቸ ጉባዔ እያለ ይጠራዋል
"ብዙ ውሾች ከበውኛልና የክፋተኞች ጉባኤም ያዘኝ"
መዝ21፤16
አይሁድ ሰኞ የጀመሩትን ዕረቡ ውሳኔአቸውን አጠናቀው
በምሴተ
ሐሙስ ከዕራትና ከቁርባን በኋላ ሰይፍና ጎመድ ይዘው መጡ
በፈቃዱ ራሱን አሳልፎ ሰጣቸው ያዙትም እስከ አርብ ስድስት
ሰአት ሲያንገላቱት ቆይተው ከበዙ መከራ በኋላ ሰቀሉት ዘጠኝ
ሰአት ላይ ቅድስት ነፍሱን በፈቃዱ ከቅዱስ ስጋው ለየ ከአሰራ
አንድ ሰአት በፊት ዮሴፍና ኒቆዲሞስ በምስጋና ገንዘው ቀበሩት
።
ከሕማሙ ከመከራው በረከት ያሳትፈን
ሰላመ እግዚአብሔር ከሁላችን ጋር ይሁን

ሆሳዕና እና ምሳሌነቱ!

ሆሳዕና እና ምሳሌነቱ!
• ጌታችን የታሰሩ አህዮች ለምን መረጠ?
• ሃዋርያት ለምን ልብሳቸው አነጠፉለት ?
• ጌታ ለምን በፈረስ ላይ አልተቀመጠም?
• ዝንባባ የምን ምሳሌ ነው?
• በሆሣዕና በእጃችን እደ ቀለበት ማሰራችን የምን ምሳሌ
ነው?
ቤተ ፋጌ የድሆች መንደር ናት፡- ጌታ የድሆች መንደር ወደደ፡፡
እኛ ድሆቹን ባለ ፀጋ ሊያደርገን ስለኛ ብሎ ራሱን ድሃ ያደረገ
አምላክ ነውና፡፡ቤተ ፋጌ ለእየሩሳሌም በጣም ቅርብ ናት፡፡
እኛም ለቤተ ክርስትያን ቅርብ መሆን አለብን፡፡
እየሩ ሳሌም ቤተ ክርስትያን ናት እንቅረባት ፡፡እየሩ ሳሌም
እመቤታችን ናት እንቅረባት ፡፡ጌታ ቤተሳጌ በደረሰ ጊዜ
የተመሳቀለ መንገድ ቁሞ ሁለቱን ደቀ መዛሙርቱ ላከ *ሁሩ
ሃገረ ቅድመክሙ* ወደ ፊታችሁ ላለው ሃገር ሂዱ ወደ
መንደሪቱ ግቡ አላቸው፡፡
በተመሳቀለ ቦታ መቆሙ፡- ወደ ፊት በመስቀል ላይ
እሰቀላለሁ ሲል ነው፡፡
ሁለቱ ደቀ መዛሙርቱ ሲልካቸው በፊታችሁ ላለው ሃገር ሂዱ
ያን ጊዜ አህያ ከውርንጭላዋ ጋር ታስራ ታገኛላችሁ ፈታችሁ
አምጡልኝ አላቸው፡፡
ጌታችን ብዙ ያልታሰሩ አህዮች እያሉ ለምን የታሰሩትን መረጠ?
አህዮቹ የታሰሩት ሌባ ሰርቆ ነው ያሰራቸው፡፡ ወንበዴ ሰርቆ
ነው ያሰራቸው
አህዮቹ ለጌታ ውለታ ሰርተዋል፡፡ ጌታ ሲወለድ
አሙቀውታልና፡፡ ለጌታ ውለታ ልንመልስ ያልቻልነው እኛ
ሰዎች ብቻ ነን፡፡
የታሰሩት እዲፈቱ የመረጠበት ሚስጥር፡-እኔ ከሃጥአታችሁ
ልፈታችሁ የመጣሁ ነኝ ሲል ነው፡፡
ወንበዴው አህዮቹን ሰርቆ በመንደር እንዳሰራቸው
ዲያብሎስም ለሰው ልጅ በሃጥአት ሰንሰለት ከሲኦል መንደር
አስራቸው ነበርና፡፡
ሃዋርያቱ ሲልካቸው ምን ታደርጋላችሁ የሚላችሁ ሰው ቢኖር
ጌታቸው ይሻቸዋል በልዋቸው አላቸው፡፡ የፈጠራቸው እሱ
ነውና፡፡
ከአህያዋ ጀርባ ሃዋርያት ልብሳቸው አነጠፉለት ለምን?
ለምንስ ኮርቻ አላደረጉለትም? ለምንስ ልብሳቸው መረጡ?
ለስላሳ ህግ የሰራህልን አንተ አባት ነህ ሲሉ ነው፡፡ለስላሳ ህግ
የተባለው ወንጌል ነው
ወንጌል ፍቅር ናት የሚረግማችሁ መርቁ ትላለችና፡፡ልብስ
የሰውነት ነውር ይሸፍናል፡፡ ነውረ ሃጥአታችን የምትሸፍንልን
አምላክ ነህ ሲሉ ነው፡፡ እሱ ልብሳችን ነውና፡፡ ነውራችን
የሚሸፍንልን እሱ ነውና፡፡ችግሩ ግን ነውረ ሃጥአታችን
የሚሸፍንልን ልብስ እርሱ መሆኑን አለማወቃችን ነው፡፡
አብሮን እንዳለ አለማስተዋላችን ነው፡፡ስለዚ እንደ ሃዋርያት
ሃጥአታችንን አስቀድመህም የሸፈንክልን ዛሬም የምትሸፍንልን
ወደፊትም የምትሸፍንልን አምላክ አንተ ነህ ልንለው ይገባል፡፡
ጌታችን በሁለቱ አህያዎች በጥበብ ተቀመጠ፡- በሰው የማይቻል
በእግዚአብሔር ዘንድ ግን የሚቻል መሆኑ ጥበበኛ አባት ሁሉን
የሚችል አባት መሆኑ የሚገልጽ ነው፡፡ አንድም ወንጌልን
ኦሪትና ሃዲስን ሁለቱ አስታርቆ አስማምቶ አንዱን አንዱን
እየመገበ የሚሄድ መሆኑ የሚያመለክት ነው፡፡
ጌታ ለምን በፈረስ ላይ አልተቀመጠም?
ትንቢትና ምሳሌውን ለመፈጸም ነው፡፡ ት.ዘካ9፡9 ” አንቺ
የጽዮን ልጅ ሆይ፥ እጅግ ደስ ይበልሽ፤ አንቺ የኢየሩሳሌም ልጅ
ሆይ፥ እልል በዪ፤ እነሆ፥ ንጉሥሽ ጻድቅና አዳኝ ነው፤ ትሑትም
ሆኖ በአህያም፥ በአህያይቱ ግልገል በውርጫይቱ ላይ ተቀምጦ
ወደ አንቺ ይመጣል።”
በአህያ መቀመጡ
•ትህትናን ለማስተማር
•የሰላም ዘመን ነው ሲል
•ለፈለጉኝ ሁሉ የቅርብ አምላክ ነኝ ሲል በንጽህና በየዋህነት
ለሚኖሩ መእመናን አድሬባቸው እኖራለሁ ሲል፡፡
•አህያዎች ትሁታን ናቸው ረጋ ብለው ነው የሚሄዱት፤በቀላሉ
ትወጣበታለህ፤በቀላሉ ትይዘዋለህ፤እንደፈለክም ታዝዋለህ፤እኛ
በትእቢት ተይዘን ነው እንጂ በየዋህነት ብንመላለስ እሱ
ያድርብን ነበር፡፡ እኛ የእግዚአብሔር ማደርያ ነንና፡፡
ትልቅዋ አህያ የኦሪት ምሳሌ ነው
1.ትልቅዋ አህያ ሸክም የለመደች ናት ህገ ኦሪትም የተለመደች
ህግ ናትና፡፡
2.የእስራኤል ምሳሌ ነው፡-ትልቅዋ አህያ ሸክም እንደለመደች
ሁሉ እስራኤልም ህግ ለመፈጸም በህግ ለመራመድ የለመዱ
ናቸው፡፡
3.የአዳም ምሳሌ ነው፡- አዳም ሸክም የበዛበት ነበርና
ውርጭላዋ
1.በህገ ወንጌል ትመሰላለች፡-ምክንያቱም ወንጌል ኢየሱስ
ክርስቶስ የመሰረታት የሰራት አዲስዋ ህግ ናትና፡፡
2.በአህዛብ ትመሰላለች፡-ትንሽዋ አህያ ሸክም የለመደች
አይደለችም እንዲሁም አህዛብም ህግህን የመቀበል የለመደ
አይደሉም፡፡ ለህግህ አዲስ ናቸውና፡፡
3.የእመቤታችን ምሳሌ ናት፡- የዓለም ሸክም አቅልላለችና
በእመቤታችን ትመሰለላለች፡፡ እመቤታችን ድህነተ
ምክንያታችን ጌታን የተሸከመች ንጽህት እንከን የሌላት እናት
ናትና፡፡
ህዝቡም ልብሳቸው እያወለቁ በጎዳና አነጡፉለት ለምን?
እንኳን አንተ የተቀመጥክባት አህያም ክብር ይገባታል ብለው
ነው፡፡እስራኤላውያን ጌታ የተቀመጠባት አህያ አከበሩ፡፡ ይህ
ትውልድ ግን ጌታ የተቀመጠባት እመቤታችን ማክበር
ተሳናቸው፡፡ልብሳቸው ማንጠፋቸው፡- ለክብሩ መግለጫ ነው፡፡
ሌሎችም ቅጠል አነጠፉለት፡ ሰስት አይነት ቅጠል አነጠፉለት
ዝንባባ፤የቴመር ዛፍ፤የወይራ ዛፍ አነጠፉለት፡፡
ዝንባባ
1.ዝንባባ፡- ይስሃቅ በተወለደ ጊዜ ደስ ብሎት አብርሃምን
ዝንባባ ይዞ እግዚአብሔር አመስግነዋል፡፡
2.ዝንባባ ደርቆ እንደገና ሂወት ይዘራል፡- የደረቀ ሂወታችን
የምታለመልም አምላክ ነህ ሲሉ ነው፡፡
3.ዝንባባ የሰላም ምልክት ነው፡- የሰላም አምላክ ነህ ሲሉ
ነው
4.ዝንባባ የደስታ መግለጫ ነው፡- አንተ ደስ የምታሰኝ
ሃዘናችንም የምታርቅልን አምላክ ነህ ሲሉ ነው፡፡
5.ዝንባባ እሾሃማ ነው፡- አንተ ህያው አሸናፊ አምላክ ነህ ሲሉ
ነው፡፡
6.ዝንባባ እሳት አይበላውም ለብልቦ ይተወዋል እንጂ፡፡ ጌታም
አንተ ባህሪህን የማይመረመር ነው ሲሉ ነው፡፡
ሆሣዕና በእጃችን እደ ቀለበት ማሰራችን የምን ምሳሌ ነው?
1.ጌታ ለአዳም የሰጠው ቃል ኪዳን ለማስታወስ፡-ከልጅ ልጅህ
ተወልጄ አድነሃለሁ ያለውን የተስፋ ቃል ለማስታወስ፡፡
2.ጌታ ለእመቤታችን የገባላትን ቃል ኪዳን ተምሳሌት ነው
3.ጌታ ለእስራኤላውያን የሰጣቸው ቃል ኪዳን ተምሳሌት ነው
4.ጌታ ለአዳም ከሰይጣን ግዛት ነጻ እንዳወጣው ሁሉ እኛም
ከሰይጣን ግዛት ከመከራ ስጋ ከመከራ ነፍስ ከክፋት ከሃጥአት
አውጣን ማረን ለንስሃ ሞት አብቃን ከቤትህ አትለየን እንደ
ቸርነትህ ይቅር በላን ስንል ከጌታ ደግመን ላናጠፋ ቃል
የምንገባበት ነው፡፡
ስለዚ እንደ ታሰሩ አህዮች መፈታት አለብን፡፡ ሁላችን ታስረናልና
ቤተ ክርስትያን በመሄድ እንድንፈታ እናድርግ፡፡ የታሰሩት ሁሉ
በካህናት አባቶቻችን አማካኝነት እዲፈቱ ልናድርግ ይገባናል፡፡
ለምን ቢባል አምላካችን ይፈልገናል አባታችን አማላካችን
ንጉሳችን ኢየሱስ ክርስቶስ ይፈልገናል፡፡ ጌታ ጸጋውን አብዝቶ
ለዘላለሙ ከቤቱ አይለየን የነጻነት አባት ካለን ሱስና ልማድ ሁሉ
ነጻ አድርጎ ለሱ እንድንገዛ እርሱ ይርዳን
አሜን ተባረኩ መልካም በዓል፡፡

ሆሣዕና

።።።።።።ሆሳዕና።።።።። ።።
«ሆሳዕና» ቃሉ ከሁለት አረማይክ ቃላት የተሰራ ሲሆን
ትርጉም
«እባክህ እርዳ፣ አሁን አድን» ማለት ነው። እብራይስጡም
ይህንኑ ቃል ወርሶ « הושענא » ሆሻአና ሲል ይገኛል። አዎ
«አሁን አድን፣ እባክህ እርዳን» ብሎ የአዳም ዘር ያጣውን
ልጅነትና የደረሰበትን ሞት ለመላቀቅ የሚያሰማው የጩኸት
ድምጽ ነው፣ «ሆሳዕና»!!!
ዳዊት ነቢይ በመንፈስ ቅዱስ ተመልክቶ ማዳኑን ሲጣራና አሁን
ናልን ሲል ከዘመናት በፊት አድምጠነዋል። የውስጥ ዓይኖቹ
ሩቅ አይተዋል። ማዳኑንም ሽተው እንዲህ ሲል ዘምሮለታል።
«አቤቱ፥ እባክህ፥ አሁን አድን አቤቱ፥ እባክህ፥ አሁን አቅና»
መዝ ፻፲፰፣፳፭
ያ ማለት ደግሞ « אָנָּ֣א יְ֭הוָה הֹושִׁ֘יעָ֥ה נָּ֑א אָֽנָּ֥א
יְ֝הוָ֗ה הַצְלִ֘יחָ֥ה נָּֽא » አና ያኽዌ ሆሳአና አና ያኽዌ
ሆስሊኻ ና» የሚለው የእብራይስጡ ቃል ነው።
ሆሳዕና እና ምሳሌነቱ!
• ጌታችን የታሰሩ አህዮች ለምን መረጠ?
• ሃዋርያት ለምን ልብሳቸው አነጠፉለት ?
• ጌታ ለምን በፈረስ ላይ አልተቀመጠም?
• ዝንባባ የምን ምሳሌ ነው?
• በሆሣዕና በእጃችን እደ ቀለበት ማሰራችን የምን ምሳሌ
ነው?
ቤተ ፋጌ የድሆች መንደር ናት፡- ጌታ የድሆች መንደር ወደደ፡፡
እኛ ድሆቹን ባለ ፀጋ ሊያደርገን ስለኛ ብሎ ራሱን ድሃ ያደረገ
አምላክ ነውና፡፡ቤተ ፋጌ ለእየሩሳሌም በጣም ቅርብ ናት፡፡
እኛም
ለቤተ ክርስትያን ቅርብ መሆን አለብን፡፡
እየሩ ሳሌም ቤተ ክርስትያን ናት እንቅረባት ፡፡እየሩ ሳሌም
እመቤታችን ናት እንቅረባት ፡፡ጌታ ቤተሳጌ በደረሰ ጊዜ
የተመሳቀለ መንገድ ቁሞ ሁለቱን ደቀ መዛሙርቱ ላከ *ሁሩ
ሃገረ ቅድመክሙ* ወደ ፊታችሁ ላለው ሃገር ሂዱ ወደ
መንደሪቱ ግቡ አላቸው፡፡
በተመሳቀለ ቦታ መቆሙ፡- ወደ ፊት በመስቀል ላይ
እሰቀላለሁ ሲል ነው፡፡
ሁለቱ ደቀ መዛሙርቱ ሲልካቸው በፊታችሁ ላለው ሃገር ሂዱ
ያን ጊዜ አህያ ከውርንጭላዋ ጋር ታስራ ታገኛላችሁ ፈታችሁ
አምጡልኝ አላቸው፡፡
ጌታችን ብዙ ያልታሰሩ አህዮች እያሉ ለምን የታሰሩትን መረጠ?
አህዮቹ የታሰሩት ሌባ ሰርቆ ነው ያሰራቸው፡፡ ወንበዴ ሰርቆ
ነው ያሰራቸው
አህዮቹ ለጌታ ውለታ ሰርተዋል፡፡ ጌታ ሲወለድ
አሙቀውታልና፡፡
ለጌታ ውለታ ልንመልስ ያልቻልነው እኛ ሰዎች ብቻ ነን፡፡
የታሰሩት እዲፈቱ የመረጠበት ሚስጥር፡-እኔ ከሃጥአታችሁ
ልፈታችሁ የመጣሁ ነኝ ሲል ነው፡፡
ወንበዴው አህዮቹን ሰርቆ በመንደር እንዳሰራቸው
ዲያብሎስም ለሰው ልጅ በሃጥአት ሰንሰለት ከሲኦል መንደር
አስራቸው
ነበርና፡፡
ሃዋርያቱ ሲልካቸው ምን ታደርጋላችሁ የሚላችሁ ሰው ቢኖር
ጌታቸው ይሻቸዋል በልዋቸው አላቸው፡፡ የፈጠራቸው እሱ
ነውና፡፡
ከአህያዋ ጀርባ ሃዋርያት ልብሳቸው አነጠፉለት ለምን?
ለምንስ ኮርቻ አላደረጉለትም? ለምንስ ልብሳቸው መረጡ?
ለስላሳ ህግ የሰራህልን አንተ አባት ነህ ሲሉ ነው፡፡ለስላሳ ህግ
የተባለው ወንጌል ነው
ወንጌል ፍቅር ናት የሚረግማችሁ መርቁ ትላለችና፡፡ ልብስ
የሰውነት ነውር ይሸፍናል፡፡ ነውረ ሃጥአታችን የምትሸፍንልን
አምላክ ነህ ሲሉ ነው፡፡ እሱ ልብሳችን ነውና፡፡ ነውራችን
የሚሸፍንልን እሱ ነውና፡፡ችግሩ ግን ነውረ ሃጥአታችን
የሚሸፍንልን ልብስ እርሱ መሆኑን አለማወቃችን ነው፡፡
አብሮን
እንዳለ አለማስተዋላችን ነው፡፡ስለዚ እንደ ሃዋርያት
ሃጥአታችንን አስቀድመህም የሸፈንክልን ዛሬም የምትሸፍንልን
ወደፊትም
የምትሸፍንልን አምላክ አንተ ነህ ልንለው ይገባል፡፡ጌታችን
በሁለቱ አህያዎች በጥበብ ተቀመጠ፡- በሰው የማይቻል
በእግዚአብሔር ዘንድ ግን የሚቻል መሆኑ ጥበበኛ አባት ሁሉን
የሚችል አባት መሆኑ የሚገልጽ ነው፡፡ አንድም ወንጌልን
ኦሪትና
ሃዲስን ሁለቱ አስታርቆ አስማምቶ አንዱን አንዱን እየመገበ
የሚሄድ መሆኑ የሚያመለክት ነው፡፡
ጌታ ለምን በፈረስ ላይ አልተቀመጠም?
ትንቢትና ምሳሌውን ለመፈጸም ነው፡፡ ት.ዘካ9፡9 ” አንቺ
የጽዮን ልጅ ሆይ፥ እጅግ ደስ ይበልሽ፤ አንቺ የኢየሩሳሌም ልጅ
ሆይ፥
እልል በዪ፤ እነሆ፥ ንጉሥሽ ጻድቅና አዳኝ ነው፤ ትሑትም ሆኖ
በአህያም፥ በአህያይቱ ግልገል በውርጫይቱ ላይ ተቀምጦ ወደ
አንቺ ይመጣል።”
በአህያ መቀመጡ
•ትህትናን ለማስተማር
•የሰላም ዘመን ነው ሲል
•ለፈለጉኝ ሁሉ የቅርብ አምላክ ነኝ ሲል በንጽህና በየዋህነት
ለሚኖሩ መእመናን አድሬባቸው እኖራለሁ ሲል፡፡
•አህያዎች ትሁታን ናቸው ረጋ ብለው ነው የሚሄዱት፤በቀላሉ
ትወጣበታለህ፤በቀላሉ ትይዘዋለህ፤እንደፈለክም ታዝዋለህ፤እኛ
በትእቢት ተይዘን ነው እንጂ በየዋህነት ብንመላለስ እሱ
ያድርብን ነበር፡፡ እኛ የእግዚአብሔር ማደርያ ነንና፡፡
ትልቅዋ አህያ የኦሪት ምሳሌ ነው
1.ትልቅዋ አህያ ሸክም የለመደች ናት ህገ ኦሪትም የተለመደች
ህግ ናትና፡፡
2.የእስራኤል ምሳሌ ነው፡-ትልቅዋ አህያ ሸክም እንደለመደች
ሁሉ እስራኤልም ህግ ለመፈጸም በህግ ለመራመድ የለመዱ
ናቸው፡፡
3.የአዳም ምሳሌ ነው፡- አዳም ሸክም የበዛበት ነበርና
ውርጭላዋ
1.በህገ ወንጌል ትመሰላለች፡-ምክንያቱም ወንጌል ኢየሱስ
ክርስቶስ የመሰረታት የሰራት አዲስዋ ህግ ናትና፡፡
2.በአህዛብ ትመሰላለች፡-ትንሽዋ አህያ ሸክም የለመደች
አይደለችም እንዲሁም አህዛብም ህግህን የመቀበል የለመደ
አይደሉም፡፡ ለህግህ አዲስ ናቸውና፡፡
3.የእመቤታችን ምሳሌ ናት፡- የዓለም ሸክም አቅልላለችና
በእመቤታችን ትመሰለላለች፡፡ እመቤታችን ድህነተ
ምክንያታችን ጌታን የተሸከመች ንጽህት እንከን የሌላት እናት
ናትና፡፡
ህዝቡም ልብሳቸው እያወለቁ በጎዳና አነጡፉለት ለምን?
እንኳን አንተ የተቀመጥክባት አህያም ክብር ይገባታል ብለው
ነው፡፡ እስራኤላውያን ጌታ የተቀመጠባት አህያ አከበሩ፡፡ ይህ
ትውልድ ግን ጌታ የተቀመጠባት እመቤታችን ማክበር
ተሳናቸው፡፡ ልብሳቸው ማንጠፋቸው፡- ለክብሩ መግለጫ ነው፡፡
ሌሎችም ቅጠል አነጠፉለት፡ ሰስት አይነት ቅጠል አነጠፉለት
ዘንባባ፤የቴመር ዛፍ፤የወይራ ዛፍ አነጠፉለት፡፡
ዘንባባ
1.ዘንባባ፡- ይስሃቅ በተወለደ ጊዜ ደስ ብሎት አብርሃምን
ዝንባባ ይዞ እግዚአብሔር አመስግነዋል፡፡
2.ዝንባባ ደርቆ እንደገና ሂወት ይዘራል፡- የደረቀ ሂወታችን
የምታለመልም አምላክ ነህ ሲሉ ነው፡፡
3.ዝንባባ የሰላም ምልክት ነው፡- የሰላም አምላክ ነህ ሲሉ
ነው
4.ዝንባባ የደስታ መግለጫ ነው፡- አንተ ደስ የምታሰኝ
ሃዘናችንም የምታርቅልን አምላክ ነህ ሲሉ ነው፡፡
5.ዝንባባ እሾሃማ ነው፡- አንተ ህያው አሸናፊ አምላክ ነህ ሲሉ
ነው፡፡
6.ዝንባባ እሳት አይበላውም ለብልቦ ይተወዋል እንጂ፡፡ ጌታም
አንተ ባህሪህን የማይመረመር ነው ሲሉ ነው፡፡
ሆሣዕና በእጃችን እደ ቀለበት ማሰራችን የምን ምሳሌ ነው?
1.ጌታ ለአዳም የሰጠው ቃል ኪዳን ለማስታወስ፡-ከልጅ ልጅህ
ተወልጄ አድነሃለሁ ያለውን የተስፋ ቃል ለማስታወስ፡፡
2.ጌታ ለእመቤታችን የገባላትን ቃል ኪዳን ተምሳሌት ነው
3.ጌታ ለእስራኤላውያን የሰጣቸው ቃል ኪዳን ተምሳሌት ነው
4.ጌታ ለአዳም ከሰይጣን ግዛት ነጻ እንዳወጣው ሁሉ እኛም
ከሰይጣን ግዛት ከመከራ ስጋ ከመከራ ነፍስ ከክፋት ከሃጥአት
አውጣን ማረን ለንስሃ ሞት አብቃን ከቤትህ አትለየን እንደ
ቸርነትህ ይቅር በላን ስንል ከጌታ ደግመን ላናጠፋ ቃል
የምንገባበት ነው፡፡
ስለዚ እንደ ታሰሩ አህዮች መፈታት አለብን፡፡ ሁላችን ታስረናልና
ቤተ ክርስትያን በመሄድ እንድንፈታ እናድርግ፡፡ የታሰሩት ሁሉ
በካህናት አባቶቻችን አማካኝነት እዲፈቱ ልናድርግ ይገባናል፡፡
ለምን ቢባል አምላካችን ይፈልገናል አባታችን አማላካችን
ንጉሳችን ኢየሱስ ክርስቶስ ይፈልገናል፡፡ ጌታ ጸጋውን አብዝቶ
ለዘላለሙ ከቤቱ አይለየን የነጻነት አባት ካለን ሱስና ልማድ ሁሉ
ነጻ አድርጎ ለሱ እንድንገዛ የእግዚአብሔር ቸርነት የድንግል
ማርያም አማላጅነት የቅዱሳን አበው ጥበቃ ይርዳን።

የዐቢይ ጾም 8ኛ ሳምንት ሆሣዕና

ሆሣዕና (የዐቢይ ጾም 8ኛ ሳምንት)
ሆሣዕና ከስምንቱ የዐቢይ ጾም እሑዶች አንዱና የመጨረሻው
ሳምንት ተብሎ የሚጠራው ከትንሣኤ ቀድሞ የሚገኝ
የሕማማት መገቢያ ዋዜማ ነው። ሆሣዕና አስቀድሞ ካለው
ረቡዕ ጀምሮ የሚታሰብ ታላቅ የቤተክርስቲያን የበዓል ቀን
እንደሆነ ይታወቃል። ይህን ስም በዚሁ ሰንበትና በዋዜማዎቹ
ዕለታት የሚዘመረው ጾመ ድጓ ‘ሆሣዕና በአርያም’’ ‘ሆሣዕና
ለወልደ ዳዊት’’ ‘ዕለተ ሆሣዕናሁ አርዓየ… ‘ ወዘተ. በማለት
ሆሣዕና የሚለውን ቃል ቅዱስ ያሬድና ሌሎችም አባቶች
በየቦታው እየጠቀሱና እየተዘመረለት በአህያ ውርንጭላ ላይ
ተቀምጦ ኢየሩሳሌም የገባበትን ሁኔታ እየተረከ ስለሚዘምር
ይህ ሰንበት በጌትነትና በክብር በውዳሴና ቅዳሴ ሆሣዕና
በአርአያም እየተባለ በሽማግሌዎችና በሕፃናት አንደበት
በድንጋዮችም ልሳን ሳይቀር እየተመሰገነ ወደ ቅድስት ሀገር
ኢየሩሳሌም በከብር ሲገባ ለሰጣቸው ለተቀደሰ ሰላሙና ፍቅሩ
መታሰቢያ ሆኖ የተሰጠ ነው።
አስቀድሞም በነቢየ እግዚአብሔር ዘካሪያስ እንደተነገረው
‘አንቺ የጽዮን ልጅ ሆይ እጅግ ደስ ይበለሽ ፣አንቺ የኢየሩሳሌም
ልጅ ሆይ እልል በይ እነሆ ንጉሥሽ ጻድቅና አዳኝ ነው ትሑትም
ሆኖ በአህያም በአህያያቱም ግልገል በውርንጫይቱ ላይ
ተቀምጦ ወደ አንቺ ይመጣል… ሰላምን ይናገራል’’ ዘካ.9፣9።
በማለት እንደሚመጣና የሠላምንም ብሥራት እንደሚያበሥር
ተናገሮ ነበር። ሲመጣም ‘ሁሉም ፈጥነው ልብሳቸውን ወሰዱ
በሰገነቱም መሰላል እርከን ላይ ከእግሩ በታች አነጠፉት።’’
በማለት ሊደረግለት የሚገባውን ገልጿል። 2ኛ ነገ. 9፣13 ።
የሆሣዕና በዓል በቤተክርስቲያን ጌታ ወደ ቤተመቅደስ ሲገባ
ሕዝቡ ፀበርት ወይም ዘንባባ በመያዝ ‘ቡርክ ዘይመጽእ በስመ
እግዚአብሔር - በእግዚአብሔር ስም የሚመጣ የተባረክ
ነው።’’ መዝ.117፣26 በማለት ስለተቀበሉት ይህን በማሰብና
በማድረግ ቤተክርስቲያናችን ዘንባባ ለሕዝበ ክርስቲያኑ
ይታደላል። በቤተክርስቲያን በአራቱም ማዕዘናት ይህን በዓል
የሚመለከቱ የቅዱስ ማቴዎስ (ማቴ. 21፣1-17)፤ የቅዱስ
ማርቆስ፣(ማር.11፣1-1 0)፤ የቅዱስ ሉቃስና
(ሉቃ.19፣29-38)፤ የቅዱስ ዮሐንስ (ዮሐ.12፣12-15)
ወንጌላት ይነበባሉ ። ታዲያ አኛ ይህን ዐቢይ በዓል
የምናከብረው እንዴት ነው? በነቢያቱ ከላይ እንደተገለጠው
በወንጌላቱም አንደተፈጸመው እርሱ ወደ እኛ የሚመጣበት ጊዜ
መቼ ነው? ሲመጣስ ምን እናድርግ? የእግዚአብሔርን
መምጫ ጊዜ ማሰብና መዘጋጀት ያለብን እንዴት ነው?
ምክንያቱም በዓሉ ከምንም በላይ የሚጠቅመን ለእኛ ነውና ።
ስለዚህ ይህን በዓል ስናከብር ሰላምንና ፍቅርን የእርሱን የክብር
አመጣጥ እያሰብን ልንተገብረው ይገባል።
ለጌታ የማያስፈልግ ፍጥረት የለም ይልቁንም የክብር ዘውድ
አድረጎ በመልኩ የፈጠረው ሰው ያስፈልገዋል።ያለ
እግዚአብሔር ፈቃድ የተፈጠረ ማንም የለም።እያንዳንዳችን
በእግዚአብሔር ዓላማና ዐቅድ የተፈጠርን እንደመሆናችን
መጠን እግዚአብሔር የሚከብርበትን ሥራ ልንሠራ
ይገባል።አህያ በሰው ሰውኛ ሲታይ የንቀትና የውርደት ሲመስል
ይችላል ።የአህያን ታሪክ በመጽሐፍ ቅዱስ ስንመለከት ግን
1. በለዓም በሥጋዊ ገንዘብ መንፈሳዊ ዓይኑ ታውሮ
እግዚአብሔር ያልረገማቸውን እስራኤላውያንን ሊራገም ሲሄድ
እስራኤላውያንን እንዳይራገም ለመንገር ከእግዚአብሔር ዘንድ
የተላከው መልአክ በሚሄድበት መንገድ ላይ ቆሞ ሳለ ከበለዓም
ይልቅ ያየችው የበለዓም አህያ ነበረች ። አህያይቱም መልአኩን
አክብራ መንገዱን እንደለቀቀችለት ቅዱስ መጽሐፍ
ይነግረናል። ዘኅ.22፣23።
2. በትንቢተ ኢሳያስ 1፣3 ‘ሰማይ ስሚ ምድርም አድምጪ በሬ
የገዢውን አህያም የጌታውን ጋጣ አወቀ እሥራኤል ግን
አላወቀም’’ እንደተባለው ጌታ በተወለደ ጊዜ ትንቢቱን
ምሳሌውን የሚያውቁ እሥራኤላውያን ባላወቁ ባለተቀበሉ
ሰዓት በዚያ በብርድ ወራት እናቱ የምታለብሰው ልብስ አጥታ
ቅጠል አልብሳው በነበረ ጊዜ ለጌታ ሙቀት የገበሩለት
እረኞቻቸውን ተከትለው የመጡ ከበቶች ላሞችና አህዮች
ናቸው። ‘ወአስተማወቅዎ አድግ ወላህም’’ እንዲል አባ
ሕርያቆስ በቅዳሴ ማርያም።።
3. በሆሣዕና ዕለት ከሌሎች እንስሳት ይለቅ ጌታን ለመሸከም
ለከብር የተሸከመችው አህያ ናት። ጌታን የተሸከመችው አህያ
ከዚያ በፊት ያላየችውና ያልተደረገላት ክብር ተደርጉላታል።
አህያ ከዚህ በፊት ለኛ እህል ተሸክማ ስትሄድ ሂጂ እያልን በዱላ
እንደበድባት ነበር፡ ነውም። ነገር ግን በሆሣዕና ዕለት እንኳን
በዱላ ልትደበደብ ቀርቶ ሰዎች በእርሷ ላይ ለተቀመጠው ጌታ
ሲሉ ልብሳቸውን ሁሉ እያነጠፉላት በንጣፍ ላይ ተራምዳለች ።
ስለዚህ ክርስቶስ በአህያይቱ ላይ እንዲቀመጥባት ልብስም አንደ
ተጎዘጎዘላት እኛም ጌታ በፀጋውና በረድኤቱ እንዲያድርብን
ልባችንን ከኃጢአትና ከተንኮል አንጽተን ፍቅርንና ትሕትና
ልንጎዘጎዝ ይገባል።ጌታ በኛ ላይ በፀጋው ሲያድር በእርሱና
በቅዱሳኑ ዘንድ ያለን ክብርና ፀጋ ታላቅ ነው። በነገር ሁሉ
መከናወን ይሆንልናል።ክርስቶስን በመሸከሟ የአህያይቱ ታሪክ
እንደተለወጠ ሁሉ በክርስቶስ ማደሪያነታችን ያለፈው መጥፎ
ታሪካችን ይለወጣል።እንግዲህ በእለተ ሆሣዕና ወደ
ኢየሩሳሌም ሲሄድ ሕዝቡ ሁሉ በደስታ በዝማሬ እንደ ንጉሰ
እንደተቀበሉት እኛም ሀሴትን አድርገን ‘ሆሣዕና እምርት እንተ
አቡነ ዳዊት…’’ በማለት እናመሰግናለን። ከበዓሉ ረድኤት
በረከት ያሳትፈን።አሜን።
የዕለተ ሰንበት መዝሙር (ከጾመ ድጓ)
ወእንዘ ሰሙን በዓለ ፋሲካ ቀርቡ አርዳኢሁ ለአምላከ ጽድቅ
ኀበ ደብረ ዘይት ሙራደ ዓቀብ ሀገረ እግዚአብሔር ወተቀበልዎ
ሕዝብ ብዙኃን አዕሩግ ወሕፃናት ነሢኦሙ አዕፁቀ በቀልት
እንዘ ይብሉ ሆሣዕና በአርያም ተፅዒኖ ዲበ ዕዋል ቦአ ሀገረ
ኢየሩሳሌም በትፍሥሕት ወበሐሴት ይሁቦሙ ኃይለ
ወሥልጣነ፡፡
ትርጉም: “በፋሲካ በዓል ሰሞን የእውነት አምላክ ደቀ
መዛሙርት ወደ ደብረ ዘይት ቀረቡ፤ በሀገረ እግዚአብሔር
(ኢየሩሳሌም) አቀበቱ ላይ ብዙ አረጋውያንና ሕፃናት የዘንባባ
ቅጠል ይዘው ሆሣዕና በአርያም እያሉ ተቀበሉት፣ በአህያ
ውርንጫ ላይ ተጭኖ በፍጹም ደስታ ወደ ኢየሩሳሌም ገባ።
ለእነዚህ ኃይልና ሥልጣንን ይሰጣቸዋል።

የዐቢይ ጾም 7ኛ ሳምንት ኒቆዲሞስ

ኒቆዲሞስ (የዐቢይ ጾም 7ኛ ሳምንት)
ዮሐ. 3÷1-11 ከፈሪሳውያንም ወገን የአይሁድ አለቃ የሆነ
ኒቆዲሞስ የሚባል አንድ ሰው ነበረ፤ እርሱም በሌሊት ወደ
ኢየሱስ መጥቶ። መምህር ሆይ፥ እግዚአብሔር ከእርሱ ጋር
ከሆነ በቀር አንተ የምታደርጋቸውን እነዚህን ምልክቶች
ሊያደርግ የሚችል የለምና መምህር ሆነህ ከእግዚአብሔር
ዘንድ እንደ መጣህ እናውቃለን አለው። ኢየሱስም መልሶ።
እውነት እውነት እልሃለሁ፥ ሰው ዳግመኛ ካልተወለደ በቀር
የእግዚአብሔርን መንግሥት ሊያይ አይችልም አለው።
ኒቆዲሞስም። ሰው ከሸመገለ በኋላ እንዴት ሊወለድ ይችላል?
ሁለተኛ ወደ እናቱ ማኅፀን ገብቶ ይወለድ ዘንድ ይችላልን?
አለው። ኢየሱስም መለሰ፥ እንዲህ ሲል። እውነት እውነት
እልሃለሁ፥ ሰው ከውኃና ከመንፈስ ካልተወለደ በቀር ወደ
እግዚአብሔር መንግሥት ሊገባ አይችልም። ከሥጋ የተወለደ
ሥጋ ነው፥ ከመንፈስም የተወለደ መንፈስ ነው። ዳግመኛ
ልትወለዱ ያስፈልጋችኋል ስላልሁህ አታድንቅ። ነፋስ
ወደሚወደው ይነፍሳል፥ ድምፁንም ትሰማለህ፥ ነገር ግን
ከወዴት እንደ መጣ ወዴትም እንዲሄድ አታውቅም፤ ከመንፈስ
የተወለደ ሁሉ እንዲሁ ነው። ኒቆዲሞስ መልሶ። ይህ እንዴት
ሊሆን ይችላል? አለው። ኢየሱስም መልሶ እንዲህ አለው።
አንተ የእስራኤል መምህር ስትሆን ይህን አታውቅምን?
እውነት እውነት እልሃለሁ፥ የምናውቀውን እንናገራለን
ያየነውንም እንመሰክራለን፥ ምስክራችንንም አትቀበሉትም።
ስለ ምድራዊ ነገር በነገርኋችሁ ጊዜ ካላመናችሁ፥ ስለ ሰማያዊ
ነገር ብነግራችሁ እንዴት ታምናላችሁ? ከሰማይም ከወረደ
በቀር ወደ ሰማይ የወጣ ማንም የለም፥ እርሱም በሰማይ
የሚኖረው የሰው ልጅ ነው።
የዕለተ ሰንበት መዝሙር (ከጾመ ድጓ)
ሖረ ኀቤሁ ዘስሙ ኒቆዲሞስ ወይቤሎ ለኢየሱስ ረቢ ሊቅ ንሕነ
ነአምን ብከ ከመ እምኀበ አብ መጻእከ ከመ ትኩን መምህረ፤
ዕጓለ አንበሳ ሰከብከ ወኖምከ አንሥአኒ በትንሣኤከ፡፡
ትርጉም: ስሙ ኒቆዲሞስ የተባለው ሰው ወደ ጌታችን ኢየሱስ
ሄደ፤ መምሕር ሆይ ልታስተምር ከእግዚአብሔር አብ ዘንድ
እንደመጣህ እናምንብሃለን አለው። የአንበሳ ደቦል ተኛህ፣
አንቀላፋህም፤ በትንሣኤህ አንሣኝ።
እውነት እውነት እልሃለሁ፡- ሰው ዳግመኛ ከውኃና ከመንፈስ
ካልተወለደ የእግዚአብሔርን መንግሥት አያይም፡፡ ጌታችንና
መድኀኒታችን ኢየሱስ ክርስቶስ ይህንን የተናገረው ለኒቆዲሞስ
ነው፡፡
ኒቆዲሞስ የሃይማኖት ሊቅ ነው፡፡ ብዙ የተማረ ብዙ ያወቀ
ሰው ነው፡፡ ከዚህም የተነሣ ሊቅ - ምሁር - አለቃ ተብሎ
ተጠርቶአል፡፡ በጊዜው ከነበሩ ሰዎች ከፍ ያለና የላቀ ዕውቀት
የነበረው ሰው ነበር፡፡ በሌሊት ወደ ጌታ እየመጣ ይማር ነበር፡፡
የማታ ተማሪ ነበር፡፡ ቀን - ቀን የምኩራብ አስተማሪ ሆኖ ብዙ
ሰዎችን ያስተምር ስለ ነበረና እርሱ የሚያስተምራቸው አይሁድ
ጌታን ስላልተቀበሉ ቀን ለቀን መጥቶ የሚማርበት አመቺ ጊዜ
አልነበረውም፡፡
በአይሁድ ሕግ ጌታን የሚከተልና የሚቀበል ሰው ከምኲራብ
የሚባረር ስለሆነ እነርሱን ላላማስቀየም ማታ ነበር
የሚማረው፡፡ ኒቆዲሞስ ለጌታ ከሰው ችሎታ በላይ የሆኑ
ተአምራትን ስለምትሠራ እኛን ለማስተማርና ለመምከር
ከእግዚአብሔር ዘንድ ተልከህ የመጣህ ነህ ብሎ
መስክሮለታል፡፡ ጌታም ለእናንተ ተልኬ የመጣሁ ከሆነና
እናንተን ለማስተማር እንደ መጣሁ ከተረዳህ ሰው ዳግመኛ
ከውኃና ከመንፈስ ካልተወለደ ወደ እግዚአብሔር መንግሥት
አይገባም አለው፡፡
ኒቆዲሞስ ስላልገባው እኔ አርጅቼአለሁ፤ እንዴት ነው ወደ እናቴ
ማኅጸን ተመልሼ የምገባውና ዳግም የምወለደው? ብሎ
ኢየሱስ ክርስቶስን ጠየቀው፡፡ ጌታም፡- ሰው ከሰው ከተወለደ
ሥጋዊ ነው፤ የሰው ልጅ ነው፡፡ የእግዚአብሔር ልጅ ለመሆን
በመንፈስ መወለድ አለበት፡፡ ከእግዚአብሔር መወለድ ነፋስ
ከየት ተነሥቶ ወዴት እንደሚነፍስ እንደማይታወቅ ያለ ረቂቅ
ምሥጢር ነው አለው፡፡ አሁንም ያ ሊቅ፤ ያ አዋቂ አልገባኝም
አለ፡፡ ኢየሱስ ክርስቶስም፡- አንተ የእስራኤል ሊቅና አዋቂ
ሆነህ እንዴት ይህን አታውቅም አለው፡፡ ከሰማይ ከወረደው
በቀር ወደ ሰማይ የሚወጣ የለም፤ የምናውቀውንም
እንናገራለን ካለው በኋላ ጥያቄውን በዚህ ገታ፡፡
ኒቆዲሞስ ወደ ጌታችን ወደ ኢየሱስ ክርስቶስ መጥቶ መማሩ
የምያስመሰግነው ተግባር ነው፡፡ አይሁድ ወገኖቹ ጌታን
ሳይከተሉት እርሱ ጌታን መውደዱ የሚያስደንቅ ነው፡፡
ኒቆዲሞስ የሚያመሸው ከጌታ ጋር ነበር፡፡ ባለችው ትርፍ
ጊዜው ሁሉ ወደ ፈጣሪው ይሔድ ነበር፡፡ ይህ ታላቅ ዕድል
ነው፡፡ ቀን ሲያስተምርና ሲደክም ስለሚውል ማታ - ማታ
ማረፍ ይገባው ነበር፡፡ ኒቆዲሞስ ግን ቤቴ ገብቼ ልረፍ
አላለም፡፡ ባለ ሥልጣንና ባለጸጋ ስለ ነበር ደጅ የሚጠናው
ሕዝብና መሰል ባልንጀሮቹ ይፈልጉት ነበር፡፡ ይሁን እንጂ
ከእነርሱ ጋር አላመሸም፡፡
ከዚህ አባት ታላቅ ትምህርት ልንማር ያስፈልጋል፡፡ እኛ ዛሬ
የምናመሸው የት ነው? የምናመሸውስ ከማን ጋር ነው? ምን
ስናደርግ ነው የምናመሸው? ኒቆዲሞስ ቤቱ አልነበረም
የሚያመሸው፤ ከእውነተኛው መምህር ጋር እንጂ፡፡ ኒቆዲሞስ
ጽድቁንና በረከቱን እየያዘ ነበር ወደ ቤቱ ይገባ የነበረው፡፡ እኛ
ወደ ቤታችን የምንገባው እየከበርን ነው ወይ? ጸድቀን ነው
የምንገባው ወይስ ጎስቁለን?
የዛሬው ሰው እየሰከረ፣ እየጨፈረ፣ እየደማ፣ እየቆሰለ አብዶ
ነው የሚመለሰው፡፡ በቤት ያሉትም እንቅፋት ያገኘው ይሆን?
ይሞት ይሁን? እያሉ እየተሳቀቁ ነው የሚያመሹት፡፡
የሚሞትም አለ፡፡ ማምሸት እንደ ኒቆዲሞስ ከጌታ ጋር ነው
እንጂ! ኒቆዲሞስ ከጌታ ጋር በማምሸቱ ፈጣሪውን አወቀ፡፡
ጌታን ማወቅ ብቻ ደግሞ አይበቃም፡፡ ማወቅማ አጋንንትም
ያውቁታል፡፡ ከመንፈስ መወለድ መወለድ ያስፈልጋል፡፡
ሰው ዕፀ በለስን በበላ ጊዜ የእግዚአብሔር ልጅነቱን ተነጥቆ
ነበር፡፡ ጌታ መጥቶ ዳግም ሰው እስከሚያደርገን ድረስ
የሰይጣል ልጆች ሆነን ነበር፡፡ ከዚያም በአርባና በሰማኒያ ቀን
ከአብራከ መንፈስ ቅዱስና ከማኅፀነ ዮርዳኖስ ተወልደናል፡፡
አባታችን የምንለው ለዚህ ነው፡፡ ከእርሱ ከተወለድንና ልጅነትን
ካገኘን እንደገና ልጅነታችንን ካገኘን እንደገና ልጅነታችንን
እንዳናጣ አክብረን እንያዘው፡፡ መጀመሪያም አላወቅንበትም
ነበር፡፡ አዳም ከገነት የሚወጣ አልመሰለውም ነበር፡፡ ሰይጣን
አታሎታል፡፡ እኛም እንደገና እንዳንታለል ልጅነታችን
እንዳይሰረዝ እንጠንቀቅ፡፡
የብዙዎቻችን ልጅነት ዛሬ እየተወሰደ ነው፡፡ ልጅነታችንን
እያስነጠቅነው ነው፡፡ እነ ኤሳው እየነጠቁን ነው፡፡ ብዙዎች
እንደ ያዕቆብ ልጅነታችንን ሊወስዱብን አሰፍስፈዋል፡፡ ሰይጣን
እንደ አዳም ሊነጥቀን አሰፍስፏል፡፡ ዛሬ በጣም አርጅተናል፡፡
ኒቆዲሞስ አርጅቶ ነበር፡፡ በጥምቀትና በንስሓ ግን አዲስ
ሕይወት አግኝቶአል፤ ታድሷል፡፡ ያረጀው ሕይወቱ ለመለመ፡፡
ያረጀው ሰውነታችንን በሥጋውና በደሙ በንስሓ እናድሰው፡፡ ይህ
ከሆነ ነው የእግዚአብሔርን መንግሥት የምንወርሰው፡፡
ወስብሐት ለእግዚአብሔር

ኦርቶዶክስ ተዋህዶ ነኝ: የአብይ ፆም 6ኛ ሰንበት ገብርኄር!!!!!

የአብይ ፆም 6ኛ ሰንበት ገብርኄር!!!!!
+++++++++++++++ +++++++++++++++
+++++++++++++++ +++
ስያሜው የቅዱስ ያሬድ ሲሆን በዚህ ቀን ስለ ቅን አገልጋዮች ፤
ለአገልጋዮች የሚያገለግሉበት ፀጋ የሚሰጥ ፤አገልጋዮችን
‹ገብርኄር› እያለ ዋጋ የሚሰጥ አምላክ መሆኑ እየታሰበ
ይመለካል፡፡
1. የዕለቱ የቅዱስ ያሬድ መዝሙር ርዕስ
መኑ ውእቱ ገብርኄር
(ቸር አገልጋይ ማን ነው?)
2. የዕለቱ ቅዳሴ …የባስልዮስ
በቅዳሴ ሰዓት የሚነቡ የመፅሃፍ ቅዱስ ክፍሎች
1ኛ ጢሞ 2፡1-16(በዲያቆን)
1ኛ ጴጥ5፡1-12(በንፍቀ ዲያቆን)
ሀዋ 1፡6-9(በንፍቀ ካህን)
3. የዕለቱ ምስባክ
ከመ እግበር ፈቃድከ መከርኩ አምላኪየ
ወሕግከኒ በማእከለ ከርስየ
ዜኖኩ ጽድቅከ በማኅበር ዐቢይ
አምላኬ ሆይ ፈቃድህን ለማድረግ ወደድኩ
ህግህም በልቤ ውስጥ ነው
በታላቁም ጉባኤም ጽድቅህን አወራለሁ፡፡ መዝ 39፡8
4. በዕለቱ የሚነበብ ወንጌል ማቴ 25፡14-31
5. የዕለቱ ትምህርት(ቸር አገልጋይ ማን ነው?)
ቸር አገልጋይ(ገብርኄር) ማቴ 25፡14-30 በዚህ ዕለት
በቅዳሴ ሰዓት የተነበበው ቃለ ወንጌል እንዳመለከተን
መድሃኒታችን የወንጌል አደራ በምሳሌ እናዳስተማረ
ተገንዝበናል፡፡ ትምህርቱም እንድ ባለፀጋ ሰው ነበር፡፡ ወደሩቅ
አገር ለመሄድ ባሰበ ጊዜ አገልጋዮችን ጠርቶ ከመንገዱ
እስኪመለስ ድረስ ይስራበት ዘንድ ለአንዱ አምስት መክሊት፤
ለሁለተኛው ሁለት ፡ ለሶስተኛው አንድ መክሊት ሰጣቸው፡፡
አምስት
መክሊት የተቀበለው ወጥቶ ወርዶ ሌላ አምስት መክሊት
በማትረፍ አስር መክሊት አደረገው፡፡ ሁለት መክሊት
የተቀበለውም ወጥቶ ወርዶ እጥፍ አትርፎ አራት መክሊት
አደረገው፡፡አንድ መክሊት የተቀበለው ግን ወደ ስራ ከመግባቱ
በፊት በልቡ ውስጥ ስጋት ፤ጥርጥር ፤ፍርሃትንና አለማመንን
ስላነገሰ ስሰራበት ቢጠፋብኝስ ፤ ቢሰርቁኝስ
ቢቀሙኝስ እያለ በማሰብ እሰራለሁ ብዬ ያለኝን ከማጣ ለምን
ደብቄ አስቀምጬ በመቆየት ሲመጣ የሰጠኝን አልመልሰም
ብሎ መክሊቱን ቆፍሮ ቀበረው፡፡ ጊዜው ሲደርስ ባለንብረቱ
መጣና አገልጋዮቹን ይተሳሰባቸው ጀመር፡፡
በቅድሚያ አምስት የወሰደው መጣና ‹ጌታዬ ሆይ አምስት
መክሊት ሰጠኸኝ ነበር፡፡ ይኸውና ሌላ አምስት መክሊት
አትርፌያለሁ› ብሎ አስር መክሊት ለጌታው ሰጠ፡፡ ጌታውም
መልካም አደረክ አንተ መልካም አገልጋይ (ገብርኄር) በጥቂቱ
ስለታመንክ በብዙ ላይ እሾምሃለሁ› ተባለ፡፡
ሁለተኛው ‹ሁለት መክሊት ሰጠኸኝ ነበር እነሆ አራት መክሊት›
ብሎ እጥፍ ማትረፉን ገልፆ ለጌታው አስረከበ፡፡ እንደ ባለ
አምስቱ ‹መልካም አደረግህ ቸር አገልጋይ ነህ በጥቂቱ
ስለታመንክ በብዙ ላይ እሾምሃለሁ›› ተባለ
ሶስተኛው መጣ ሰነፍ ቃሉም መራራ ነው፡፡ የሰነፍ አካሉ ብቻ
ሳይሆኑ አእምሮውም ሰነፍ ነው፡፡ ጌታው ገንዘቡን ሲጠይቀው
‹ጌታ ሆይ አንተ ካልዘራህበት የምታጭድ ፤ ካልበተንክበት
የምትሰበሰብ ጨካኝ ሰው መሆንህን አውቃለሁ፡፡ ስለዚህ
ፈራሁህ ሄጄም መሬት ቆፍሬ መክሊቴን ጉድጓድ ውስጥ
ቀበርኩ፡፡ ገንዘብህን ይኸውልህ ውስድ አለው፡፡ ጌታውም ይህን
ያህል ጨካኝ እንደሆንኩ ካወቅህ ንብረቴን ከነወለዱ
ልትመልስው ይገባህ ነበር፡፡ገንዘቤን ልትሰራበት ሲገባህ ለምን
ቀበርከው ብሎ መክሊቱን ወደ እርሱ ወስዶ ለባለ አምስቱ
ጨምሩለት ‹ላለው ይጨመርለታል ይትረፈረፍለታልም
ለሌላው ግን ያው ያለው ይወሰድበታል › ይህን የማይረባ
አገልጋይ ግን ልቅሶ ፤ጥርስ ማፏጨት ወዳለበት ጽኑ የፍርድ
ቦታ ውሰዱት አለ ይላል
በምሳሌ የተሰጠው የመድሃኒታችን ትምህርት፡፡ የትምህርቱም
ትርጉም
እንደሚከተለው ነው፡፡
የንብረቱ ባለቤት መድሃኒታችን ኢየሱስ ክርስቶስ ነው፡፡ ሶስቱ
አገልጋዮች ልዩ ልዩ ፀጋ ተሰጥቶአቸው ያሉ ህዝበ ክርስቲያኖች
ምሳሌዎች ናቸው፡፡ስጦታው በአኃዝ ሲታይ ልዩነት መኖሩ አንዱ
ፀጋ ከሌላው የሚለይ መሆኑን ያሳያል፡፡
የአገልጋዮቹ ባህሪ
1. የመጀመሪያውና የሁለተኛው አገልጋዮች መንፈስ ሁለቱም
ሰርቶ ማግኘት እንደሚቻል የሚያምኑ ፤ ከጌታቸው ታማኞች ፤
በስራ ላይ የሚያጋጥማቸውን ችግር በማሰብ ጊዜያቸውን
የማያጠፉ ናቸው፡፡
ሁለተኛው አገልጋይም እንደ መጀመሪያው አገልጋይ ለምን
አምስት አልተሰጠኝም ብሎ ያለኩርፊያ በተሰጠው የሚሰራ
ነው፡፡ ባለ አምስቱ አምስት ሲያተርፍ ባለሁለቱም ሁለት
በማትረፍ ተመሳሳይ ትጋት የታየባቸው አገልጋዮች ናቸው፡፡
ዋጋቸው እኩል ነው ፤ለሁለቱም የተሰጠው የክብርም ስም
አንድ ነው፡፡ ገብርኄር የሚል የገቡበት የክብር ስፍራ አንድ
ነው፡፡ ያም ‹ጌታችን ደስታ ነው› ሁለቱም በጥቂት የታመኑ
ነበሩ፡፡ከሰጪው አንጻር ሲታይ የባለ አምስቱ እንደ ባለ ሁለቱም
፤ የባለ ሁለቱ እንደ ባለአምስቱ ጥቂት ነበር፡፡ ሰው በተሰጠው
ሳያንጎራጉር ፈጣሪውን ቢያገልግል ክብር ያገኛል፡፡ ለስው ልጅ
የሚጠቅመውን ችሎታውን ፤ፀጋውን መቁጠር ሳይሆን
በተሰተው ፀጋ ማገልገል ነው፡፡ እነዚህን አገልጋዮች በእውነት
በፍቅር በእምነት የሚያገለግሉ የቤተክርሰቲያን አገልጋዮች
ያመለክታሉ፡፡
2. የሶስተኛው አገልጋይ ባህሪ ፤ መልካም ጎኑ ስጦታው አነሰኝ
አለማለቱ ነው፡፡ በርግጥ ስንፍናውን ስለሚያውቅ ይሆናል፡፡
ይህ ሰው ከስራ ይልቅ በስጋ ጊዜ የሚፈጠረው ችግር አስቀድሞ
ይታየዋል፡፡አንዱን ሁለት ሲያደርግ ሳይሆን ያንኑ ያለውን
ሲቀማ ይታየዋል፡፡በጌታው ፊት እንደወንድሞቹ አይነቱን ትርፍ
ይዞ ቀርቦ ሲሸለም ሳይሆን ዓይነታውም ጠፍቶበት ለጌታው
የሚመልሰውን ሲያጣ ይታየዋል፡፡
በመሆኑም ምንም መስራት አልቻለም፡፡ የተሰጠውን መክሊት
ኪሱን አላምነው ብሎ መሬት ቆፍሮ ቀበረው፡፡‹ጨካኝ
መሆንህን ስላወቅሁ ይጠፋብኛል ብዬ ብርህን
አስቀምጬዋለሁ ይþውልህ ና ወሰድ› ነው ያለው፡፡ ሰነፍ
የሚናገረውም አያምርም ተቀምጦ መዐት ከማውራት ዝም
አይልም፡፡
ዛሬም ቢሆን ተቀምጠው መዐት የሚያወሩ የእግዚአብሄር ፀጋ
የቀበሩ ፤ ባስተምርና መናፍቅ ተከራክሮ ቢረታኝስ ?
የማውቀውን እውነት ለመስበክ ስጀምር ቢያሳስሩኝስ?
በቤተክርስቲያን ህዝብ በገበያ በልዩ ልዩ ቦታዎች ያሉትን
ሃጢያተኞች ብቃወም ጠላት ሆነው ቢነሱብኝ? ለምን ዝም
ብዬ ደመውዜን ሳልስራ አልበላም ብለው የሚኖሩ ስንት
አገልጋዮች አሉ፡፡ የዚህ ሰው ችግሩ መክሊቱ አንድ መሆኑ
ሳይሆን
በዚያው በተሰተው አለመስራቱ ነው፡፡ እያንዳንዱ አምኖ
በመቀበል ሊያገለግል ይገባዋል፡፡ ባለ ሁለት በባለ አምስቱ ፤
ባለ አንዱ በባለ ሁለቱ ሊቀና አይገባውም፡፡ ሁሉም ሊቀ ጳጳስ ፤
ጳጳስ ፤ ቄስ አይሆንም፡፡ ሁሉም ግን በተሰጠው ፀጋ ቢያገለግል
እውነተኞች ሊቃነ ጳጳሳት ፤ ጳጳሳት ፤ ቀሳውስት የሚያገኙትን
ዋጋ ያገኛል፡፡ ሁሉም ባለ ራዕይ ፤ ወንጌላዊ ፤ዘማሪ ፤ፈዋሽ
ሊሆን አይችልም፡፡ ለእያንዳንዱ ልዩ
ልዩ ፀጋ አለው፡፡ ሁሉም በፀጋው ቢያገለግል እኩል ዋጋ
ያገኛል፡፡
ወንድሜ አንተስ ፀጋህ ምንድን ነው? ፀጋህን ታውቀዋለህ?
ታገለግልበታለህን? አንቺስ እህቴ? መቼም ክርስቲያን ሁሉ
የክርስቶስ አካል ነው፡፡ የስራ ክፍል የሌለው የአካል ክፍል
ደግሞ የለም፡፡ አንተም/ አንቺም የክርሰቶስ አካል ነህ /ነሽ፡፡
ስለዚህ አካሉ በመሆንህ ደግሞፀጋ አለህ/አለሽ ፡፡ በመሆኑም
እንደ ፀጋችን እናገልግል፡ ፀጋውን እንቀበለው፤ ወንጌልን
በጊዜውም አለጊዜውም ሲሞላልንም ሲጎድልብንም እንስበክ
፤ ሀብታሙ ይመፅውት ፤ መምህሩ ያስተምር ፤ ዘማሪው
ይዘምር ፤ ፀሃፊው ይፃፍ ፤ ሁሉም በፀጋው ያገልግል፡፡እንድ
መክሊት እንደተቀበለው ሰው ነገ እንዲህ ብሆንስ ፤እንደዚያ
ቢፈጠርስ እያልን ባለማመን ዕለታችንን ጊዜአችንን አናባክን፡፡
መልካሙን እረኛም ያድለን! አሜን!
ወስብሃት ለእግዚአብሄር!!!!!!

ኦርቶዶክስ ተዋህዶ ነኝ:

።።ረቡዕ የሚፀለይ አምላክን የወለደች የእመቤታችን የድንግል
ማርያም ምስጋና።።
፩የምድር ሁለተኛ የሆንሽ ሰማይ ሆይ የሰማያት ሰራዊት
(መላዕክት) ንዕፁ ነሽ ይላሉ ድንግል ማርያም የምስራቅ ደጅ
ናት ሙሽራዋ ንፁህ የሆነ ንፅህት የሰርግ ቤት ናት አብ በሰማይ
አይቶእንዳቺ ያለ አላግኝምና አንድ ልጁን ላከዉ በአንቺም ሰው
ሆነ ቅድስት ሆይ ልምኝልን
፪አምላክን የወለድሽ እመቤታችን ሆይ ትዉልድ ሁሉ አንቺን
ብቻ ያመሰግኑሻል
፫የእግዚአብሄር ሀገር ከተማ ሆይ ነበያት ድንቅ ድንቅ ነገርን
የተናገሩልሽ ደስ የተሰኙ የፅድቃን ማደሪያ ሆነሻል ና የምድር
ንግስታት ሁሉ በብርሀንሽ ይሄዳሉ ማርያም ሆይ ትውልድ ሁሉ
ያመሰግኑሻል ካንቺ ለተውለደውም ይስግዱለታል ያግኑታልም
ቅድስት ሆይ ለምኝልን
፬የዝናብ ዉሀ የታየብሽ የዕውነት ደመና አንቺ ነሽ አብ የልጁ
ምልክት አደረገሽ መንፈስ ቅዱስ አደረብሽ የልዑል ሀይል
ጋርደሽ ማርያም ሆይ ለዘላለም የሚኖር የአብን ልጅ ቃልን
የወለድሽልን መጥቶም ከሀጥያት አዳነን ደስ የተሰኘህ ሆነህ
ምስራችን ይተናገርክ መልአኩ ገብርኤል ሆይ የተሰጠህ ክብር
ታላቅ ንው ወደኛ ይመጣን የጌታን ልደት ንገርከን ልድንግል
ፀጋን የተመላሽ ሆይ እግዚእብሄር ካንቺ ጋርነውና ደስ ይበልሽ
ብለህ አበሰርካት ቅድስት ሆይ ለምኝልኝ
፭ፀጋን አገኘሽመንፈስ ቀዱስ አደረብሽ የልዑል ህይልም ጋረደሽ
(ፀለለብሽ) ማርያም ሆይ በዕውነት ቅዱሱን ወለድሽ ዐለምን
ሁሉ የሚያድን መጥቶአዳነን ቅድስት ሆይ ለምኝልን
፮አንደበታችን የድንግልን ስራ ያመሰግናል ጌታችንና
ምድሃኒታችን ኢይሱስ ክርስቶስ በዳዊት አገር ከእርስዋ
ስለተወለደ አምላክን የወለድች ማርያምን ዛሬ እናመስግናት
አሕዛብ ኑ ማርያምን እናመስግናት እናት እና ድንግል ሁለቱንም
ሁናልችና ርኩሰት የሌሌብሽ እና የአብ ቃል መጥቶ ካንቺ ሰው
ሆነ ንፅሕት ድንግል ሆይ ደስ ይብልሽ ነውር የሌለብሽ
ፍፅመትና ጉድፍ የሌለብሽ ሙዳይ ሆይ ደስ ይበልሽ፡፡ስለቀደመ
ሰው ሰው አዳም ሁለተኛ አዳም የሆነ የክርስቶስ ማደርያው
የምትናገሪ ገነት ሆይ ደስ ይበልሽ፡፡ከአባቱ ያልተለየ አንድ እሱን
የተሸከምሽ ሆይ ደስ ይበልሽ በክብር ጌጥ ሁሉ ያጌጠ እርሱ
መጥቶ ሰው የሆነብሽ ንፅሕት የሰርግ ቤት ሆይ ደስ ይበልሽ
እሳት ባህሪ ያላቃጠለሽ ዕፀ ጳጦስ ደስ ይበልሽ በኪሩቤል ላይ
የሚቀምጥዉ ሰማያዊ መልኮት በስጋ የተሽከምሽ ገረድ እና
እናት ድንግል እና ሰማይ ሆይ ደስ ይበልሽ፡፡ስለዚህ ንፁሀን
ከሆነ መላዕክት ጋር ብፍፁም ደስታ ደስ ተሰኝተን እናመስግን
በሰማይ ለእግዚእብሄር ምስጋና ይሁንብምድርም ዕርቅ ይሁን
እንበልክብርና ምስጋና ጌትንት ያለው እርሱ አንቺን ወድዋልና
ደስ ይበልሽ፡፡
፯ከቅዱሳን ክብር የማርያም ክብር ይበልጣል፣የአብን ቃል
ለመቀበል በተገባ ተገኝታለች እና፡፡መላዕክት የሚፈሩትን
ትጉሆች በሰማይ የሚያምሰግኑትን ድንግል ማርያም
በማህፀንዋ ተሸከመችው ፣ይህቺ ከኪሩቤል ትበልጣልች፤
ክሶስቱ አካል ለአንዱ ማድሪያ ሁናልችና፡፡የንቢያት ሀገራቸው
እየሩሳሌም ይህቺ ናት ፡፡ ለቅዱሳን ሁሉ የደስታቸው ማድርያ
ናት በጨለማ ና በሞት ጥላ ውስጥ ለሚኖሩ ሰዎች ታላቅ
ብርሀን ወጣላቸው፡፡ በቅዱሳን ላይ የሚያድር እግጻብሄር እኛን
ለማዳን ልዩከሆነች ድንግል ሰው ሆኗልና ኑ ይህን ድንቅ እዩ፡፡
ስለተግለጠልን ሚስጥር ምስጋና አቅርቡ፤ሰው የእምይሆን
ሰውሁኗልና፤ቃልተዋህዷልና ፤ጥንት የሌለው ስጋ ጥንታዊ
ቀዳማዊሆነ፡፡ዘመን የማይቆጠርለት መለኮት ዘመን
ተቆጠረለት፡፡የማይታወቅ ተገለጥ፤ የማይታይ ታየ፤የህያው
የእግዚአብሄር ልጅ በእርግጥ ሰው ሆነ፡፡ትላንት የነበረው፣
ዛሬም ያለው ፣መቼምየሚኖረው ኢየሱስ ክርስቶስ
አንሰግድለትና እናመስግነው ዘንድ አንድ ባህሪ ነው ቅድስት ሆይ
ለምኝልን፡፡
፰ ነብዩ ሕዝቀኤል ስለእርስዋ መስከረ፤ድንቅ በሆነ ታላቅ
ቁልፍ የተዘጋች ደጅ በምስራቅአየሁ አለ ከሀያላን ጌታ
በቀርውድ እርስዋ ገብቶ የወጣ የለምቅድስት ሆይ ለምኝልን፡፡
፱ኖሕትም ደጅም መድሀኒታችን የወለደች ደንግል ናት፡፡ እርሱን
ከወለደች በሃላ እንድ ቀድሞው ብድንግልና ኖራልችና፡፡ መጥቶ
ምህረት ከሌለው ጠላት እጅ ያዳነንጌታን የወለድሽ ሆይ ፤
የማህፀንሽ ፍሬ የተባረከ ነው አንቺ ፍፅመትና የተባረከሽ ነሽ
የዕወነት አምላክ በሆነ በክብር ባለቤት ዘንድ ባለሟልነትን
አግኝተሻልና በምድር ላይ ከሚኖር ሁሉ ይልቅ ገናንነትና ክብር
ላንቺ ይገባል፡፡ የአብ ቃል መጥቶ በአንቺ ሰው ሆነ፡፡ከሰውም
ጋር ተመላለሰ፡፡መሀሪ ይቅር ባይ ሰዉን ወዳጅ ነዉና በልዩ
አመጣጡ አዳነን ቅድስት ሆይ ልምኝልን፡፡
(ሼር በማድረግ ያካፍሉ)

ኦርቶዶክስ ተዋህዶ ነኝ: ኦርቶዶክስ ተዋህዶ ነኝ: መጋቢት 27

ኦርቶዶክስ ተዋህዶ ነኝ: ኦርቶዶክስ ተዋህዶ ነኝ: መጋቢት 27: አንድ አምላክ በሚሆን በአብ በወልድ በመንፈስ ቅዱስ ስም አሜን መጋቢት 27 ለስም አጠራሩ ክብር ምስጋና ይግባውና ቸሩ አምላካችን መድኃኔዓለም ክርስቶስ ያደረገው ድንቅ ተአምር ይህ ነው፡- በዚህች ዕለት ጌታችን በእ...

ኦርቶዶክስ ተዋህዶ ነኝ: መጋቢት 27

አንድ አምላክ በሚሆን በአብ በወልድ በመንፈስ ቅዱስ ስም
አሜን
መጋቢት 27
ለስም አጠራሩ ክብር ምስጋና ይግባውና ቸሩ አምላካችን
መድኃኔዓለም ክርስቶስ ያደረገው ድንቅ ተአምር ይህ ነው፡-
በዚህች ዕለት ጌታችን በእስክንድርያ ባደረገው ታላቅ ተአምር
ብዙ አይሁድ በስሙ አምነው በአባ ቴዎፍሎስ እጅ
ተጠምቀዋል፡፡ ይኸውም እንዲህ ነው፡- በእስክንድርያ አገር
ስሙ ፈለስኪኖስ የሚባል አይሁዳዊ ባለጸጋ ሰው ነበር፡፡
እርሱም እንደ አባቶቹ የኦሪትን ሕግ ብቻ የሚጠብቅ ሰው
ነው፡፡ እንዲሁም ድሀ የሆኑ ሁለት ክርስቲኖች ነበሩ፡፡
በአንደኛው ላይ ሰይጣን የስድብ መንፈስ አሳድሮበት ጓደኛውን
‹‹ወንድሜ ሆይ ክርስቶስን ለምን እናመልከዋለን? እኛ ድኆች
ነን፡፡ ይህ ክርስቶስን የማያመልክ አይሁዳዊ ፈለስኪኖስ ግን
እጅግ ባለጸጋ ነው›› አለው፡፡ ጓደኛውም ‹‹ዕወቅ አስተውል፣
የዚህ ዓለም ገንዘብ ከእግዚአብሔር የሆነ አይደለም፤ ምንም
አይጠቅምም፡፡ ጥቅም ቢኖረው ጣዖትን ለሚያመልኩ፣
ለአምነዝራዎች፣ ለነፍሰ ገዳዮችና ለአመፀኞች ሁላ
ባልሰጣቸውም ነበር፡፡ አስተውም ነቢያትም ሆኑ ሐዋርያት
ድኆች ነበሩ ነገር ግን ጌታችን ‹ወንድሞቼ› ይላቸው እንደነበር
አስተውል…›› እያለ መከረው፡፡ ነገር ግን ጓደኛውን ሰይጣን
አድሮበታልና ምክሩን ሊሰማው አልቻለም፡፡
ከዚህም በኋላ ይህ ክፉ ሰው ወደ ባለጸጋው አይሁዳዊ ወደ
ፈለስኪኖስ ዘንድ ሄዶ ‹‹አንተን እንዳገለግል ተቀበለኝ›› አለው፡፡
ባለጸጋውም አይሁዳዊ ‹‹በሃይማኖቴ የማታምን አንተ
ልታገለግለኝ አይገባህም›› አለው፡፡ ዳግመኛም ያ ጎስቃቋላ
‹‹ተቀበለኝ እንጂ ወደ ሃይማኖትህ እገባለሁ፣ ያዘዝከኝንም ሁሉ
እፈጽማለሁ›› አለው፡፡ አይሄዳዊውም ‹‹ቆየኝ ከመምሀሬ ጋር
ልማከር›› አለው፡፡ መምህሩም ‹‹ክርስቶስን የሚክድ ከሆነ
ግረዘውና ተቀበለው›› አለው፡፡ አይዳዊውም ተመልሶ መጥቶ
መምህሩ እንደነገረው አድርጎ ተቀበለው፡፡ ከዚህመ በኋላ ወደ
ምኩራባቸው ወሰደው፡፡ የምኩራባቸውም አለቃ ‹‹ክርስቶስን
ክደህ አይሁዳዊ ትሆናለህን?›› አለው፡፡ እርሱም ‹‹አዎን
እክደዋለሁ›› አለው፡፡ የምኩራባቸውም አለቃ መስቀል
ሰርተው በላዩ የክርስቶስን ሥዕል እንዲያደርጉ መጻጻንም
የተመላች ሰፍነግ በዘንግ ላይ አሥረው ከጦር ጋር እንዲሰጡት
አዘዘ፡፡ ከዚያም ‹‹ከተሰቀለው ሥዕል ላይ ምራቅህን ትፋ፣
መጻጻውንም ወደ አፉ አቅርብለት፣ ክርስቶስ ሆይ ወጋሁህ
እያልክ በጦሩ ውጋው›› አሉት፡፡ እርሱም እንዳዘዙት አድርጎ
ሥዕሉን በጦር ወጋው፡፡ ወዲያውም የዕውነት ሆኖ በተደጋጋሚ
ውኃና ደም ከሥዕሉ ፈሰሰ፡፡ ለረጅም ጊዜም በድምድር ላይ
እየፈሰሰ ታየ፡፡ በዚያም ጊዜ ያ ከሃዲ ደርቆ እንደ ድንጋይ ሆነ፡፡
በአይድም ላይ ሁሉ ታላቅ ፍርሃት ወደቀባቸው፡፡ ‹‹እውነትም
የአብርሃም ፈጣሪ ስለእኛ ተሰቅሏል፤ እኛም ዓለምን ለማዳን
የመጣ የሕያው የእግዚአብሔር ልጅ እርሱ እንደሆነ
አመንበት›› እያሉ ጮኹ፡፡
ከዚህም በኋለ አለቃቸው ከዚያ ከደሙ ወስዶ የአንዱን ዐይነ
ሥውር ዐይኖቹን አስነካው፡፡ ወዲያውም ዐይነ ሥውሩ ማየት
ቻለና ሁሉም አመኑ፡፡ ወደ ሊቀ ጳጳሳት አቡነ ቴዎፍሎስ ሄደው
የሆነውን ሁሉ ነገሩት፡፡ አቡነ ቴዎፍሎስም ከካህናቱ ሁሉ ጋር
ወደ አይሁድ ምኩራብ ሄዶ ውኃና ደም ከእርሱ ሲፈስ መስቀሉን
አገኘው፡፡ ከደሙም ወስዶ የራሱንና በዚያ ያሉትንም ሁሉ
ግንባራቸውን በመቀባት በረከትን ተቀበሉ፡፡ መስቀሉንም
በክብር ቀስደው በቤተ ክርስያን ውስጥ አስቀመጡት፡፡ ደሙ
የፈሰሰበትንም ምድር አፈሩን አስጠርጎ ለበረከትና ለሕሙማን
ፈውስ ሊሆን በሸክላ ዕቃ ውስጥ አኖረው፡፡ ከዚህም በኋላ
አይዳዊው ፈለስኪኖስ ከነቤተሰቡ አቡነ ቴዎፍሎስን ተከተለው፡፡
ከአይሁድም ብዙዎቹ የቀደሙ አባቶቻቸው በሰቀሉት የክብር
ባለቤት በሆነ በመድኃኔዓለም ክርስቶስ አመኑ፡፡ አቡነ
ቴዎፍሎስም በስመ ሥላሴ አጥምቆ ሥጋ ወደሙን
አቀበላቸው፡፡ እነርሱም ጌታችንን እያመሰገኑና ክብሩን
እየመሰከሩ ኖሩ፡፡
/////////////// /////////////
ዳግመኛም በዚህች ዕለት ኢትዮጵያዊው ሰማዕት ቅዱስ
ገላውዲዮስ ዐረፈ፡፡ ይኽም ቅዱስ አባቱ ልብነ ድንግል
ሃይማኖቱ የቀና ነበርና ልጁን ገላውዲዮስንም በሃይማኖት አንጾ
አሳደገው፡፡ በዘመኑም አህመድ ግራኝ ተነሥቶ አብያተ
ክርስቲያናትን አቃጠለ፣ ክርስቲያኖችን ፈጀ፡፡ ንጉሡ ልብነ
ድብግልም ሠራዊቱን እስኪያሰባስብ ድረስ ከእርሱ ሸሸ፡፡
በስደትም ላይ እንዳለ ድንገት ታሞ ሞተ፡፡ ግራኝም አብያተ
ክርስቲያናትን እያቃጠለና ክርስቲያኖችን እየፈጀ 15 ዓመት
ኖረ፡፡ ብዙዎችንም በኃይል አሰለማቸው፡፡ ‹‹የሚቃወመኝና
የሚችለኝ የለም›› እያለ ሲታበይ ቅዱስ ገላውዲዮስ ተነሣና
በየቦታው ያሉ የግራኝን መኳንንቶች አሸነፋቸው፡፡ ግራኝም
ይህን ሲሰማ ተቆጣና ከቱርክ አርበኞች ጋር ሆኖ ገላውዲዮስን
ገጠመው፡፡ ገላውዲዮስም ግራኝን ገደለው፡፡ አብያተ
ክርስቲያናትም መልሰው ታነጹ፣ የቀናች ሃይማኖትም
ተመለሰች፡፡
ቅዱስ ገላውዲዮስም በመጋቢት 27 ቀን የጌታችንን የስቅለቱን
በዓል እያከበረ እያለ የሙስሊሞች ወገን የሆኑ ብዙ ጭፍሮች
ድንገት ደርሰው ከበቡት፡፡ ከእርሱ ጋር የነበሩት ጥቂት ሰዎችም
ገላውዲዮስን ‹‹የጦር መኰንኖቻችን እስከሰበሰቡ ድረስ ፈቀቅ
እንበል›› ቢሉት ሰማዕትነቱን ተመኝቶት ነበርና እምቢ
አላቸው፡፡ እስላሞቹም በአንድነት ከበው በጦር ወግተው
ገደሉት፣ አንገቱንም ቆረጡትና የሰማዕትነትን አክሊል
ተቀዳጀ፡፡ ዳግመኛም በዚህች ዕለት ታላቁ አባት አባ መቃርስ
ዕረፍታቸው ነው፡፡ በረከታቸው ይደርብን በጸሎታቸው
ይማረን፡፡
የከበሩ ቅዱሳን አባቶቻችን በሠሩልን ሥርዓት መሠረት
የመጋቢት 27 የመድኃኔዓለም ክርስቶስ የስቅለቱን በዓል ወደ
ጥቅምት 27 ቀን መጥቶ እንዲከበር አባቶቻችን ወስነዋል፡፡
መልአኩ ቅዱስ ገብርኤል እመቤታችንን ያበሠራትና
የጌታችንም ፅንሰት የተከናወነው በመጋቢት ወር በ29ኛው ቀን
በዕለተ እሁድ በ3 ሰዓት ነው፣ ነገር ግን ብሥራቱና ፅንሰቱ ግን
ታኅሣሥ 22 ቀን እንዲከበር ቅዱሳን አባቶች እነ ቅዱስ
ደቅስዮስ ወሰኑ፡፡ እነርሱም በዓሉን በዚሁ ዕለት
አክብረውታል፡፡ አንድም ነገረ ልደቱን ከማክበር አስቀድሞ
ነገረ ፅንሰቱን ማዘከር ማክበር ተገቢ ስለሆነ ነው፡፡ በዓቢይ
ጾም ወቅት ደግሞ ፍጹም ሐዘን ልቅሶ ጾም ጸሎት ይያዛል
እንጂ ደስታ ፌሽታ እልልታ ጭብጨባ የለም፡፡ ዓቢይ ጾም
ፍጹም የሐዘን ወራት ነው፡፡ ታቦት አውጥቶ በዓል ማክበር
ስህተት ነው፤ የአባቶችንም ሥርዓት ማፍረስ ነው፡፡ ምስጋና
ይድርሳቸውና ቅዱሳን አባቶቻችን ሁሉንም ነገር በሥርዓት
በሥርዓቱ አድርገው ሰፍረው ቆጥረው አስቀምጠውልናል፡፡
ከዓቢይ ጾም በኋላ ያሉትን 50 ቀናት ረቡዕና ዓርብንም
ጭምር ሥጋ እንኳን እንድንበላ ነው ሥርዓት የሠሩልን፡፡
አባቶቻችን የሠሯት ሕግ ፍጽምት ናት፡፡ በዚህም መሠረት
አባቶቻችን ሥርዓትን ሠሩልንና የመጋቢት 27 የጌታችንን
የስቅለቱን በዓል ወደ ጥቅምት 27 ቀን አምጥተው እንዲሁም
የመጋቢት 5 የአቡነ ገብረ መንፈስ ቅዱስን የዕረፍት በዓል ወደ
ጥቅምት 5 ቀን አዙረው እንዲከበር አድርገዋል፡፡
በዚህ ታላቅ የዐቢይ ጾም ወቅት ለጾም፣ ጸሎት፣ ስግደታችን
ብዙ ጊዜ የምንሰጥበት ተጋድሎአችንን በእጅጉ በመጨመር
ከአምላካችን ሞት ጋር የምትተባበርበት ወቅት ነው፡፡
አባቶቻችን እንዳሉት ጌታችንን ‹‹ከእኛ ጋራ መከራን
ስለተቀበልክ እኛም ከአንተ ጋራ መከራን እንቀበላለን፡፡
በመስቀል ላይ የተቀበልከው የመከራህ ተሳታፊዎች
አድርገኸናልና በመከራ ስለመሰልንህ እንደዚሁ በጌትነትህ
በምትመጣበት ጊዜ በዕለተ ምጽዓት ከአገልጋዮችህ ከወዳጆችህ
ቅዱሳን ጋራ ክብርን አድለን›› እያልን ጾም ጸሎት ስግደት
ምጽዋት ተጋድሎአችን በመጨመር በእጅጉ የምንተጋበት
ወቅት ነው፡፡ ሞቱን በሚመስል ሞት ከመድኃኔዓለም ክርስቶስ
ጋር ተባብረን በኋላም ትንሣኤውን በሚመስል ትንሣኤ ከእርሱ
ጋር ለመተባበር ዝግጁ የምንሆነበት ታላቅ ወቅት ነው፡፡ ሮሜ
6፡5፡፡ ስለዚህ እኔም ገድለ ቅዱሳኑንና ስንክሳሩን ሳላቋርጥ
በየቀኑ መጻፌን የምቀጥለው ዐቢይ ጾሙ እንዳለቀ ነው፡፡
አምላከ ቅዱሳን መድኃኔዓለም ክርስቶስ መዋዕለ ጾሙን
በሰላም ያስፈጽመን!!!
እጅግ የከበሩ ቅዱሳን አባቶቻችን እነ አቡነ ዘርዐ ቡሩክ፣ እነ
አቡነ መብዓ ጽዮን ራሱ ጌታችን እንደነገራቸውና እነርሱም
ሲያደርጉት የነበረውን ነገር እንደነገሩን ‹‹የመድኃኔዓለምን
የሞቱን መታሰቢያ ያደረገ የተኮነኑ ነፍሳትን ከደይን ያወጣል፣
በሞቱም ጊዜ ሥቃይን አያያትም፡፡›› ስለዚህም የጥምቀት
ወገኖች የሆንን የተዋሕዶ ልጆች ሁላችን የመድኃኒታችንን
ሞቱን በአንክሮ እናዘክር ዘንድ የልቡናችን ዐይን ወደ ቀራንዮ
አደባባይ ይመልከት፡፡
እነሆ ክፉዎች አይሁድ ሰይጣን ልባቸውን አስቶታልና እንደ
ወረንጦና እንደ ወስፌ እንደመርፌም ያለ 300 እሾህ ያለው
ስረወጽ አድርገው አክሊል ሠርተው ከፍላት አግብተው በጉጠት
አንስተው ‹ኢየሱስ ናዝራዊ ንጉሥ ነህ ዘውድ ይገባሃል› ብለው
በራሱ ላይ ደፉበት፡፡ ለአክሊለ ሦኩም 73 ስቁረት ነበረው፡፡
እራሳቸው እንደ መሮ፣ ወርዳቸው እንደ ሞረድ 4 ማዕዘን
አሠርተው ቁመታቸውን ክንድ ከስንዝር፣ ስለታቸውን እንደ
ወስፌ አድርገው 73 ችንካር ሠርተው በ73ቱ ስቁረት
አግብተው በጌታችን በራሱ ላይ ቢመቱበት ሥጋ ለሥጋ ገብቶ
መሐል ልቡን ወጋው፡፡ አክሊለ ሦኩን በራሱ ላይ አድርገው
ሲያበቁ ከቤት ወደ አደባባይ እያመላለሱ ‹‹ንጉሥ ሆይ!...››
እያሉ ምራቃቸውን እየተፉበት ተዘባበቱበት፡፡ መስቀል
አሸክመው ከሊቶስጥራ እስከ ቀራኒዮ ድረስ እያዳፉ ሲወስዱት
136 ጊዜ በምድር ላይ ጣሉት፡፡ ከኋላ ያሉት ‹‹ፍጠን›› እያሉ
ገፍትረው ይጥሉታል፣ ከፊት ያሉት ደግሞ ‹‹ምን
ያስቸኩልሃል?›› እያሉ መልሰው ገፍትረው ይጥሉታል፡፡ ከዚህ
በኋላ ክፉዎች አይሁድ ቁመታቸውን ክንድ ከስንዝር ስለታቸው
ደግሞ እንደ ወስፌ የሆኑ 5 ችንካሮችን ሠርተው ሳዶር
በሚባለው ችንካር ቀኝ እጁን፣ በአላዶር ግራ እጁን፣ በዳናት
ሁለት እግሮቹን፣ በአዴራ መሐል ልቡንና በሮዳስ ደረቱን
ቸንክረው የአዳም ራስ ቅል ባለበት ቀራኒዮ አደባባይ ላይ
ሰቅለውታል፡፡
ክፉዎች አይሁድ መድኃኔዓለም ክርስቶስን እንደያዙት የኋሊት
አስረው አፍንጫውን 25 ጊዜ ቢመቱት ደሙ በመሬት ላይ
እንደ ውኃ ፈሰሰ፡፡ ከጌቴሴማኒ እስከ ሐና ቤት ድረስ አስረው
የፊተኞቹ ሲጎትቱት የኋለኞቹ እየለቀቁት የኋለኞቹም በተራቸው
ሲጎትቱት የፊተኞቹ ይለቁታል፡፤ እንዲህ እያደረጉ 65 ጊዜ
ከመሬት ጋር አጋጭተውታል፡፡ ሳውል በእግሩ ሲረግጠው
ጌታችን ‹‹መመለስህ ላይቀር ለምን ትረግጠኛለህ?›› ቢለው
ስለዚህ ንግግርህ ብሎ ሳውል 440 ጊዜ አስገረፈው፡፡
ክፉዎች አይሁድ መድኃኒታችንን በሁለት ግንዶች መካከል
አድርገው 65 ጊዜ ከግንዱ ጋር አጋጩት፡፡ ቀያፋ
በሚመረምረው ጊዜ ጌታችን ‹‹አምላነቴን አንተው ራስህ
ተናገርኽ›› ቢለው አይሁድ በእጃቸው ሲመቱት እጃቸውን
ቢያማቸው ድንጋይ ጨብጠው 120 ጊዜ ፊቱን ጸፉት፡፡ አይሁድ
ወደ ጲላጦስ ዘንድ ሲወስዱት ‹‹ምናልባት ጲላጦስ ባይፈርድበት
እንኳ እንዳይቆጨን›› ብለው 305 ጊዜ በሽመል
ደብድበውታል፡፡ በአምላክነቱ ቻለው እንጂ የአንዱ ምት ብቻ
በገደለው ነበር፡፡ በርባን የይሁዳ የሚስቱ ወንድም (አማቹ)
ስለነበር እርሱ እንደፊታለትም ከዋጋው ከ30ው ብር ጋር አብሮ
ተደራድሮበት ነበር፡፡
ሰይጣን ልባቸውን ለክፋት ያስጨከናቸው ክፉዎች አይሁድ
በጲላጦስ አደባባይ የጌታችንን ፂሙን 80 ጊዜ ነጭተውታል፡፡
ጲላጦስ እንደ ሕጋቸው 41 ብቻ ገርፈው እንዲለቁት ቢያዝም
ክፉዎች አይሁድ ግን ጌታችንን ሲገርፉት ‹‹አሠቃቂ ግርፋቱን
አይተን ልባችን እንዳይራራ›› ብለው ሰንጠረዥ ገበጣ ሰርተው
ሲጫወቱ አንዱ ተነስቶ እስከ 60 እና 70 ድረስ ይገርፍና
ሲደክመው ‹‹ቆጠራችሁን?›› ብሎ ይጠይቃል፡፡
‹‹አልቆጠርንም›› ሲሉት ከድካሙ የተነሣ ‹‹እኔው ልግረፍ
እንደገና እኔው ልቁጠር›› ብሎ ትቶት ሲቀመጥ ሌላኛው
ይነሣና እንደዛኛው ሁሉ በተራው 60 እና 70 ይገርፈዋል፡፡
ሁሉም እንዲህ እያሳሳቱ የራሳቸውን ሕግ እየተላለፉ አይሁድ
ጌታችንን ሥጋው አልቆ አጥንቱ እንደበረዶ ነጭ ሆኖ እስኪታይ
ድረስ 6666 ጊዜ ጽኑ ግርፋትን ገረፉት፡፡ በእነዚህ ሁሉ ግርፋቱ
ወቅት 366 ጊዜ ሥጋው ተቆርሶ መሬት ላይ ወድቋል፡፡
የመድኃኔዓለም ወገኖች ሆይ! የጌታችን ሞቱ በፈቃዱ መሆኑንና
የትዕግሥቱን ብዛት አይተን እናደንቅ ዘንድ ከመጻሕፍት ጠቅሰን
እንነግራችኋለን፡፡ አይሁድ ጌታችን አብርሃም ሳይወለድ በፊት
እርሱ ከባሕርይ አባቱ ከአብ ከባሕርይ ሕይወቱ ከመንፈስ ቅዱስ
ጋር በአንድነት በሦስትነት የሚመሰገን አምላክ መሆኑን
ቢነግራቸው ሊወግሩት ድንጋይ አነሡ፡፡ እሱ ግን ጊዜው ገና
ነበርና ተሰውሮአቸው በመካከላቸው አልፎ ሲሄድ በፍጹም
አላዩትም ነበር፡፡ በቅዱስ ወንጌል ላይ እንዲህ ተብሎ
እንደተጻፈ፡- ‹‹አባታችሁ አብርሃም ቀኔን ያይ ዘንድ ሐሤት
አደረገ፥ አየም ደስም አለው። አይሁድም:- ገና አምሳ ዓመት
ያልሆነህ አብርሃምን አይተሃልን? አሉት። ኢየሱስም:- እውነት
እውነት እላችኋለሁ፥ አብርሃም ሳይወለድ እኔ አለሁ አላቸው።
ስለዚህ ሊወግሩት ድንጋይ አነሡ፤ ኢየሱስ ግን ተሰወራቸው
ከመቅደስም ወጥቶ በመካከላቸው አልፎ ሄደ፡፡›› ዮሐ 8፡
56-59፡፡
ዳግመኛም በዮሐንስ ወንጌል ላይ እንደተጻፈው አይሁድ
መድኃኔዓለምን ሊይዙት የጦር መሣሪያቸውን ሰብስበው ወደ
ጌቴሴማኒ በመጡ ጊዜ ‹‹ማንን ትፈለጋላችሁ?›› ቢላቸው
‹‹የናዝሬቱን ኢየሱስን እንፈልጋለን›› ሲሉት ‹‹እኔ ነኝ››
ቢላቸው ከአንደበቱ የወጣውን መለኮታዊ ቃል ብቻ መቋቋም
አቅቷቸው መሬት ላይ ወድቀው ተዘርረዋል፡፡ ይህም ክስተት
በተደጋጋሚ ተከስቷል፡፡ (ዮሐንስ ወንጌል ላይ ምዕራፍ 18
ከቁጥር አንድ ጀምሮ ይመለከቷል፡፡) እናም የጌታችን ሞቱ
በፍጹም ፈቃዱ ባይሆን ኖሮ በጌቴሴማኒ ሊይዙት የመጡት
ክፉዎች አይሁድን እንደመጀመሪያው ሁሉ በተሠወራቸው ነበር
አሊያም ከአንደበቱ በሚወጣው አምላካዊ ቃሉ ብቻ ባጠፋቸው
ነበር፡፡ በመጨረሻ ግን ጌታችን ወደዚህች ምድር የመጣበትን
ዓላማ ይፈጽም ዘንድ እንዲገድሉት በፈቃዱ ራሱን አሳልፎ
ቢሰጣቸው ያን ሁሉ እጅግ አሠቃቂ መከራ አደረሱበትና
ለመስቀል ሞት አበቁት፡፡
ወዮ ለዚህ ለመድኃኒዓለም ፍጹም ትዕግስት አንክሮ ይገባል!
ዓለምን በመዳፉ የያዘ አምላክ በአይሁድ እጅ እንደሌባ ተያዘ፡፡
ሠራዊተ መላእክት ለምሥጋና በፊቱ የሚቆሙለት
መድኃኔዓለም እርሱ ሊፈረድበት በፍርድ አደባባይ ቆመ፡፡
በእስራት ያሉትን የሚፈታ እርሱ በብረት ችንካር ተቸነከረ፡፡
ሰማይን በከዋክብት ምድርም በአበባ ያስጌጠ እርሱ ግን የእሾህ
አክሊል በራሱ ላይ ደፋ፡፡
ዓለሙን ሁሉ በቸርነቱ የሚመግብ እርሱ ተጠማሁ አለ፡፡
ወዮ የመድኃኔዓለም የማዳኑ ምሥጢር ምንኛ ድንቅ ነው!!!
ለዚህ ባሕርይው አንክሮ ይገባል፡፡
በመድኃኔዓለም ክርስቶስ ሞት በአንድነት እናለቅስ ዘንድ
ቅዱሳን ሁላችሁ ኑ! መድኃኒታችን ሙቷልና ፍጥረታት ሁሉ
ያለቅሳሉ፤ መያዝንና መታሠርን የተቀበለ መድኃኒታችን
ሙቷልና፡፡ ጥፊንና ግርፋትን የተቀበለ መድኃኒታችን ሞተ፡፡
መደብደብንና መመታትን የታገሰ መድኃኒታችን ሞተ፡፡ ሄኖክ
እግዚአብሔር ‹‹በሴም ቤት ይደር›› ብሎ አብ ስለራሱ
የተናገረለት የመድኃኒታችንን ሞቱን ታይ ዘንድ ና፡፡ አብርሃም
ቃልኪዳን የገባልህን የመድኃኒታችንን ሞቱን ታይ ዘንድ ና፡፡
ይስሐቅ ከሰይፍ ቤዛ የሆነህን የመድኃኒታችንን ሞቱን ታይ
ዘንድ ና፡፡ ያዕቆብ በበረሃ የታገለህ የመድኃኒታችንን ሞቱን ታይ
ዘንድ ና፡፡ ኢዮብ በደመና የታየህ የመድኃኒታችንን ሞቱን ታይ
ዘንድ ና፡፡ ሙሴ ስለ እርሱ ‹እንደእኔ ያለ ነቢይ ይነሣል› ብለህ
የተናገርኽለት የመድኃኒታችንን ሞቱን ታይ ዘንድ ና፡፡ ዳዊት
‹‹እነሆ በኤፍራታ ሰማነው፣ በበረሃ ዛፍም አገኘነው›› ብለህ
የተናገርኽለት የመድኃኒታችንን ሞቱን ታይ ዘንድ ና፡፡ ኤርሚያስ
‹‹የክቡሩን ዋጋ ሠላሳ ብር ተቀበሉ›› ብለህ የተናገርኽለት
የመድኃኒታችንን ሞቱን ታይ ዘንድ ና፡፡
ኢሳይያስ ‹‹ወልድ ሰው ለመሆን ተገለጠልን፣ ሕፃን ተወለደልን፣
ድንቅ መካር ኃያል አምላክ›› ብለህ የተናገርኽለት
የመድኃኒታችንን ሞቱን ታይ ዘንድ ና፡፡ ሕዝቅኤል ‹‹አምላክ
ወደ ተዘጋች ደጃፍ ገባ፣ ከተዘጋች በርም ወጣ›› ብለህ
የመድኃኒታችንን ሞቱን ታይ ዘንድ ና፡፡ ዳንኤል ነጭ ሐር ለብሶ
ያየኸውን የመድኃኒታችንን ሞቱን ታይ ዘንድ ና፡፡ ኤልያስ ከሞት
በፊት የሰወረህ በእሳት ፈረሶች ያሳረገህ የመድኃኒታችንን ሞቱን
ታይ ዘንድ ና፡፡ ሕዝቅያስ የፀሐይ መግባቱን ያሳየህ
የመድኃኒታችንን ሞቱን ታይ ዘንድ ና፡፡ ምናሴ ችንካሮችህን
ከእግር ብረት የፈታ የመድኃኒታችንን ሞቱን ታይ ዘንድ ና፡፡
ኢዮስያስ ፋሲካውን ያደረግህ የመድኃኒታችንን ሞቱን ታይ ዘንድ
ና፡፡ አናንያ፣ አዛርያና ሚሳኤል ከእሳት ምድጃ ያዳናች
የመድኃኒታችንን ሞቱን ታይ ዘንድ ኑ፡፡ አብያና ሲላ ፌንቶስ
ከመወለዱ አስቀድሞ ያመናችሁበት የመድኃኒታችንን ሞቱን
ታይ ዘንድ ኑ፡፡ የቀድሞ አባቶች ነቢያት ሁላችሁ ከፋራን ተራራና
ከቴማን ይመጣል ያላችሁት የመድኃኒታችንን ሞቱን ታይ ዘንድ
ኑ፡፡ አሞፅ በአድማስ ቅጥር ያየኸው የመድኃኒታችንን ሞቱን
ታይ ዘንድ ና፡፡ ዘካርያስ በተራራዎች መካከል ያየኸው
የመድኃኒታችንን ሞቱን ታይ ዘንድ ና፡፡ ዕዝራ በአርፋድ በረሃ
ያየኸው የመድኃኒታችንን ሞቱን ታይ ዘንድ ና፡፡
ስምዖን በክንድህ የታቀፍከውን ሕፃን የመድኃኒታችንን ሞቱን
ታይ ዘንድ ና፡፡ ዮሴፍ እንደ አንተ የተሸጠ የመድኃኒታችንን
ሞቱን ታይ ዘንድ ና፡፡ ጠራቢ ዮሴፍ በትከሻህ ያዘልከው በክንድህ
የተሸከምከው ሕፃን የመድኃኒታችንን ሞቱን ታይ ዘንድ ና፡፡
መጥምቁ ዮሐንስ ከሕፃንነትህ ጀምሮ በበረሃ ያለ እናት ያለ
አባት ያሳደገህ መንገዱንም እንድትጠርግለት ያዘጋጀህና
መለኮትን እንድታጠምቅ የመረጠህ የመድኃኒታችንን ሞቱን
ታይ ዘንድ ና፡፡
ኢያቄምና ሐና ሆይ የልጃችሁን ልቅሶዋን የልቧንም መዘንጋት
ታዩ ዘንድ ኑ፡፡ ከሔዋን እስከ ፋኑኤል ልጅ እስከ ሐና ያላችሁ
ሁላችሁ ቅዱሳት ሴቶች የድንግልን ልቅሶዋን ታዩ ዘንድ ኑ፣
አንድ ልጇ ሙቷልና፡፡ የለመለመ የሥጋ ሞት ሕንፃ
የተጀመረበት የአቤል ተከታዩ፣ ከጎኑ የፈሰሰው ደም ሔዋንን
ከጥፋት ያዳናት የተገደለ መድኃኒታችን ነው፡፡ የናቡቴ ጓደኛው
የተገፋው መድኃኒታችን ነው፡፡ አቤል ስለሚስቱ ሞተ፡፡ ናቡቴም
ስለ ወይኑ ቦታ ሞተ፡፡ መድኃኒታችን ግን በቀኙ ያነጻት ዘንድ
ስለቤተክርስቲያን ሞተ፡፡ ነፍሳችሁን ይወስዷታልና
መውረዱንም አላወቁምና ስለ ወገኖቹ ኃጢአት እስከ ሞት
ደረሰ ብሎ ስለ እርሱ የተናገረ አባቱን እንስማው፡፡ ሙሴም
እርሱን ያውቁት ዘንድ አላሰቡትም፣ በሚመጣበት ቀንም
አላወቁትም አለ፡፡ ዕዝራ በባሕር ጥልቅ ያለውን ማወቅ
እንዳይችሉ ወልድንም ማወቅ እንዲሁ ሆነባቸው አለ፡፡
ጳውሎስም ብታውቁትስ ኖሮ የክብርን ጌታ እግዚአብሔርን
ባልሰቀላችሁት ነበር አለ፡፡
በመሰደድ፣ ያለምንም በደልም በፍርድ አደባባይ በመቆም
መከራ መስቀልን በመሸከም አብነት የሆናችሁ ሰማዕታት
ሁላችሁ ኑ የመድኃኔዓለምን የሞቱን ዕለት አስባችሁ በጋራ
አልቅሱለት፡፡ ሁሉ የእርሱ ከእርሱ ለእርሱ ተፈጥሮ ሳለ በምድር
ላይ ምንም ሳይኖረው ራሱን እንኳን የሚያስጠጋበት ቤት
ሳይኖረው አብነት የሆናችሁ ባሕታውያንና መነኮሳት ሁላችሁ ኑ
በዛሬዋ ዕለት ስለሞተው አምላካችሁ መሪር ዕንባን
አልቅሱለት፡፡ ሕግ ጠብቆ፣ ሥርዓት አክብሮ፣ ነዳያንን
በመመገብና ያዘኑትን በማጽናናት 33 ዓመት በምድር ላይ ኖሮ
አብነት የሆናችሁ እናንት በዓለም ሆናችሁ ሕግ ጠብቃችሁ፣
አሥራት በኩራቱን አውጥታችሁ፣ ድሆችን በመርዳት የምትኖሩ
ክርስቲያኖች ሁላችሁ የመድኃኔዓለምን የሞቱን ዕለት ታስቡ ኑ፡፡
‹‹የተጠራችሁለት ለዚህ ነውና ክርስቶስ ደግሞ ፍለጋውን
እንድትከተሉ ምሳሌ ትቶላችሁ ስለ እናንተ መከራን
ተቀብሎአልና›› ብሎ ቅዱስ ጴጥሮስ እንደጻፈልን (1ኛ ጴጥ
2፡21) እርሱ ንጹሕ ባሕርይ ሲሆን ወደ መጥምቁ ቅዱስ
ዮሐንስ ዘንድ ወደ ዮርዳኖስ በመሄድ ለተጠመቅን ለእኛ
ለተነሣሕያን ለሁላችን አብነት የሆነን መድኃኒታችን ስለእኛ
ሞቷልና ሞቱን እናስብ ዘንድ ኑ በቤቱ ተሰብስበን
እናልቅስለት፡፡ መታሰያውንም እናድርግለት፡፡ ጌታችን ሞቶ
ተቀብሮ ካረገ በኋላ ለቅዱሳን ሐዋርያትና ለቅዱሳን አባቶቻችን
ለእነ አቡነ መባዓ ጽዮን፣ ለእነ አቡነ ዘርዐ ቡሩክ እንደነገራቸው
የሞቱን መታሰቢያ የሚያደርግ ኃጠአተኛ እንኳ ቢሆን ሲኦልን
አያያትም፡፡ የመድኃኔዓለምን የሞቱን መታሰቢያ የሚያድርግ
ቢኖር ሲኦል ራሷ አፍ አውጥታ ‹‹ይህችን ነፍስ ወደኔ
አታምጡብኝ›› ብላ ትጮሃለች እንጂ ችላ አትቀበለውም፡፡
የጌታችን ወዳጆቹ ዮሴፍ ኒቆዲሞስ በድርብ በፍታና በመቶ
ወቄት ሽቱ ገንዘው በሐዲስ መቃብር ሊቀብሩት ቢሉ ጌታችን
ያን ጊዜ ዐይኑን ክፍቶ ‹‹በሰውነቴ መዋቲ ብሆን በመለኮቴ
ሕያው ነኝ እንጂ ምነው እንደ እሩቅ ብእሲ ዝም ብላችሁ
ትገንዙኛላችሁን?›› አላቸው፡፡ ይህን ጊዜም ዮሴፍ ኒቆዲሞስ
በታላቅ ድንዳጤ ሆነው ‹‹አቤቱ ጌታችን ሆይ! እንግዲያስ ምን
እያልን እንገንዝህ?›› አሉት፡፡ መድኃኒታችንም እንዲህ እያላችሁ
ገንዙኝ አላቸው፡- ‹‹ቅዱስ እግዚአብሔር ቅዱስ ኃያል ቅዱስ
ሕያው ዘኢይመውት ዘተወልደ እማርያም እምቅድስት ድንግል
ተሣሃለነ እግዚኦ፡፡ ቅዱስ እግዚአብሔር ቅዱስ ኃያል ቅዱስ
ሕያው ዘኢይመውት ዘተጠምቀ በዮርዳኖስ ወተሰቅለ ዲበ ዕፀ
መስቀል ተሣሃለነ እግዚኦ፡፡ ቅዱስ እግዚአብሔር ቅዱስ ኃያል
ቅዱስ ሕያው ዘኢይመውት ዘተንሥአ እሙታን አመ ሣልስት
ዕለት ዐርገ በስብሐት ውስተ ሰማያት ወነበረ በየማነ አቡሁ
ዳግመ ይመጽእ በስብሐት ይኰንን ሕያዋነ ወሙታነ ተሣሃለነ
እግዚኦ› እያላችሁ ገንዛችሁ ቅበሩኝ አላቸው፡፡›› ከዚህም በኋላ
መድኃኒታችን ለወዳጆቹ ለ12ቱ ሐዋርያት፣ ለ72ቱ አርድእት፣
ለ36ቱ ቅዱሳት አንስት ‹‹እስከ ሦስት ቀን እነሣላችኋለሁ እዘኑ
አልቅሱ፣ እህል ውኃ አትቅመሱ በሏቸው›› ብሎ ለዮሴፍና
ለኒቆዲሞስ አክፍሎት አስተማራቸው፡፡
ዳግመኛም መድኃኔዓለም ክርስቶስ ከዕርገቱ በኋላ ለቅዱሳን
ሐዋርያት የሞቱን መታሰቢያ እንዲያደርጉ ነግሯቸዋልና፡፡
ሕማሙንና ሞቱንም እንዲዘክሩ አዟቸዋልና አሁንም ያንን
ሁሉ የመድኃኔዓለምን ሞቱን ያላሰበና የሞቱን መታሰቢያ በዓል
ያላከበረና እርሱንም የማይወደው ቢኖር ዕድል ፈንታው ጽዋ
ተርታው ከአይሁድ ጋር ነው፡፡
የመድኃኔዓለምን የሞቱን መታሰቢያ አድርገን ሞቱን
በሚመስል ሞት ከእርሱ ጋር ተባብረን ትንሣኤውን በሚመስል
ትንሣኤ ከእርሱ ለመተባበር ያብቃን፡፡

ሰኞ የሚፀለይ አምላክን የወለደች የድንግል ማርያም ምስጋና
ጌታ በልቡ ያዘነና የተከዘ አዳምን ነፃ ያወጣውና ወደ ቀድሞው
ቦታው ይመልሰው ዘንድ ወደደ ቅድስት ሆይ ለምኝልን።
ከድንግል ያለወንድ ዘር በሥጋ ተወለደና አዳነን። ከይሲ
(ዲያብሎስ) ያሳታት ሔዋንን እግዚአብሔር ምጥሽንና ጻርሽን
አበዛዋለው ቢሎ ፈረደባት ሰውን ወደደና ነፃ አደረጋት። ቅድስት
ሆይ ለምኝልን።
ሰው የሆነና በኛ ያደረ ቃል ኢየሱስ ክርስቶስ ነው። ክብሩንም
ለአባቱ አንደ እንደመሆኑ ክብር አየን። ይቅር ይለን ዘንድ
ወደደ። ቅድስት ሆይ ለምኝልን።
ነቢዩ ኢሳያስ በመንፈስ ቅዱስ የአማሩኤልን ምሥጢር አየ
ስለዚህም ሕፃን ተወለደልን ወልድም ተሰጠን ብሎ አሰምቶ
ተናገረ። ቅድስት ሆይ ለምኝልን።
ሰው ሆይ ፈጽመህ ደስ ይበልህ እግዚአብሔር ዓለሙን
ወዶታልና አንድ ልጁንም የሚያምንበት ሁሉ እስከ ዘለዓለም
ፈጽሞ ይድን ዘንድ አሳልፎ ሰጥቷልና ልዑል ክንዱን ሰደደልን።
ቅድስት ሆይ ለምኝልን።
የተበረው የሚኖረው የመጣው ዳግመኛ የሚመጣውም ቃል
ኢየሱስ ክርስቶስ ያለመለወጥ ፍጹም ሰው ሆነ አንዱ ወልድ
በሥራው ሁሉ አልተለየም የእግዚአብሔር ቃል መልኮት አንድ
ነው እንጂ ። ቅድስት ሆይ ለምኝልን።
የነቢያት ሀገራቸው ቤተልሔም ሆይ ደስ ይበልሽ ሁለተኛው
አዳም ክርስቶስ በአንቺ ዘንድ ተወልዷልና ከምድር (ከሲኦል)
ወደ ገነት ይመልሰው ዘንድ አዳም ሆይ መሬት ነበርክና ወደ
መሬት ትመለሳለህ ብሎ የፈረደበትንም የሞት ፍርድ ያጠፋለት
ዘንድ፤ ቡዙ ኃጢያት ባለችበት የእዚአብሔር ጸጋ ትበዛለች።
ቅድስት ሆይ ለምኝልን።
የሰው ሁሉ ሰውነት ደስ ይላታል በሰማይ ለእግዚአብሔር
ምስጋና ይሁን በምድርም ሰላም ለሰውም እርሱ በሚፈቅደው
እያሉ አሰምተው ንጉሥ ክስርቶስን ከመላእክት ጋር
ያመስግኑታል። የቀድሞውን እርግማን አጥፍቷልና የጠላትን
ምክሩን አፈረሰበት ለአዳምና ለሔዋን የዕዳ ደብዳቤያቸውን
ቀደደላቸው በዳዊት ሀገር የተወለደ መድኃኒታችን ኢየሱስ
ክርስቶስ አዳምና ሔዋንን ነፃ አደረጋቸው ።ቅድስት ሆይ
ለምኝልን።
በዚህ ዓለም ለሚኖሩ ሰዎች ሁሉ የምታበራ እውነትኛ ብርሃን
ስለሰው ፍቅር ወደ ዓለም የመጣው ፍጥረት ሁሉ በመጣትህ
ደስ አለው አዳምን ከስህተት አድረኸዋልና ሔዋንንም ከሞት
ጻዕረኝነት ነፃ አድርገኻታልና የምንወለድበትን መንፈስ (ረቂቁን
ልደት) ሰጠኸን ከመላእክት ጋርም አመስገንህ ቅድስት ሆይ
ለምኝልን።
ወስብሐት ለእግዚአብሔር ለወላዲቱ ድንግል ወለመስቀሉ

ኦርቶዶክስ ተዋህዶ ነኝ: የቤተ ክርስቲያን ደጃፉን ለምን እንደሚሳለሙ ያውቃሉ?

የቤተ ክርስቲያን ደጃፉን ለምን እንደሚሳለሙ ያውቃሉ?
በትእምርተ መስቀል ከአማትበን በኋላ የቤተ መቅደሱን ደጃፍ
በእምነት ስንሳለም ተመልክተው የሚገርማቸው አይጠፉም
እንዲህ ያሉ ሰዎች ዐጸዱን ደጃፉን በበሩን መስኮቱን
መሳለማችን እነርሱ እንደሚያስቡት ያለ ምክንያት አይደለም፡፡
ደጃፉን የምንሳለምበት የተለያየ ምክንያት አለን፡፡
፩. ቤተ መቅደሱን እንዲሁ በውስጡና በዙሪያው ያለውን የነካ
ስለሚቀደስበት
“የቅብዐት ዘይትን ወስደህ ማደሪያውን በእርሱም ያለውን ሁሉ
ትቀድሳለህ ቅዱስም ይሆናል” ሲል ለሙሴ አዞታል ኦሪ ዘፀ
፵፥፱/40፥9/
እግዚአብሔር ቤተ መቅደሱና በዙሪያው ያሉ ሁሉ እንዲቀደሱ
አዟል፡፡ደብተራ ኦሪት ሲተከል የሰሎሞን ቤተ መቅደስ ሲሰራ
ዙሪያው በቅብዓ ቅዱስ ተቀድሷል የቤተ መቅደሱ ደጃፍ
መሳለም መሳም የሚያስፈልገው ለዚህ ነው፡፡ሕንጻ ቤተ
ክርስቲያኑ ደጃፉ በቅብዓ ሜሮን የከበረ የተቀደሰ ስለሆነ
የሚሳለመው የሚስመው የሚተባበሰው ሁሉ ይቀደሳል፡፡
፪. ቤተ መቅደስ የክርስቶስ ማደሪያ ስለሆነ
በሌላ በኩል ቅዱስ ጳውሎስ እንደተናገረ ቤተ ክርስቲያን
የክርስቶስ አካል ዘርፉ ልብሱ መቅደሱ ናት፡፡ ኤፌ
፭፥፳፫/5፥23/፡፡ አካል ከራስ ጠጉር እስከ እግር ጥፍር ያለውን
ሁሉ እንደሚይዝ ቤተ ክርስቲያን የክርስቶስ አካል ናት ሲባል
የቤተ ክርስቲያኑ አካል ሁሉ ያጠቃልላል፡፡ ስለዚህ አካሉ
የሆነችው ይህች ቤተ ክርስቲያን/ቤተ መቅደስ/ መሳለም
መተባበስ የጌታችንን የልብሱን ዘርፍ በመንካቷ አስራ ሁለት
በዓመት ሙሉ ደም ሲፈሳት ኖራ እንደተፈወሰችው ሴት
የእምነት ጥንካሬ ምልክት ነው ሉቃ ፰፥፵፫-፵፰ /8፥43-48/
፡፡በእምነት ለሚሳለም በእምነት ለሚኖር ሰው
የቤተክርስቲያን ደጃፎቿ ዐጸዱ በቅጽረ ቤተ ክርስቲያን ያለው
ጠበል አጥሩ ቅጥሩ ውስጡ ውጪው ሁሉ ፈውስና መድኃኒት
ይሆነዋል፡፡
፫. ቤተ መቅደሱ የመለኮት ማደሪያ ስለሆነ
ቤተ ክርስቲያን/ቤተ መቅደሱ/ የመለኮት ማደሪያ ነው፡፡
በሰማይ በክብር የሚኖር እግዚአብሔር በቤተ መቅደሱን
በረድኤት ያድራል፡፡ ቤተ መቅደሱን የክብሩ
መገለጫ አድርጎታልና፡፡ “አሁንም ስሜ ለዘለዓለም በዚያ
ይኖር ዘንድ ይህን ቤት መርጫለው ቀድሻለውም ዐይኖቼና
ልቤም ዘወትር በዚያ ይሆናሉ” ፪/2/ ዜና፯፥፲፮ /7፥16/
“ወደ ማደሪያዎቹ እንገባለን” መዝ ፻፴፩፥፯/131፥7/ እንዲል
ቤተ መቅደሱ የእግዚአብሔር ማደሪያ ስለሆነ ደጃፉ አጥሩ
ቅጥሩ ሁሉ የተቀደሰ በበረከት የተሞላ ነው፡፡ ስለዚህ ወደ ቤተ
መቅደስ የሚቀርብ ሰው ይህን እያሰበ ይሳለማል፡፡
ስለዚህ ሰው ሁሉ የቤተ ክርስቲያን ደጃፏን /ደጀ ሠላሟን/
“ሠላም ለኪ ቤተ ክርስቲያን አምሳለ ኢየሩሳሌም ቅድስት” /
ቅድስት የምትሆን የሰማያዊ ኢየሩሳሌም አምሳል የሆንሽ ቤተ
ክርስቲያን ሆይ
ሠላምታ ይገባሻል/ እያልን ደጃፏን አጥሯን እንሳለም::

ኦርቶዶክስ ተዋህዶ ነኝ: የዐቢይ ጾም አምስተኛ እሑድ ደብረ ዘይት

የዐቢይ ጾም አምስተኛ እሑድ ደብረ ዘይት
ተብሎ ይጠራል፡፡ የጌታችን ዳግም መምጣትና የዘመኑ
ምልክት የሚነገርበት ቀን በመሆኑ ዕለቱ ደብረ ዘይት
ተብሎ ተጠርቷል፡፡ ጌታችን ስለ ዓለም መጨረሻና ስለ
መምጣቱ ምልክት የተናገረው በደብረ ዘይት ተራራ ላይ
በመሆኑ ዕለቱ ደብረ ዘይት ተባለ (ማቴ. 24÷ 3)፡፡
ቅዱስ ያሬድ ዕለቱን ደብረ ዘይት ብሎ መሰየሙ ብቻ
ሳይሆን በዕለቱም ያቀረበው ዝማሬ እንዲህ የሚል
ነው፡-
“ወአመ ምጽአቱሰ ለወልደ እጓለ እመሕያው ይትከወሰ ኲሉ
ኃይለ ሰማያት ወምድር አሜሃ ይበክዩ ኲሎሙ ኃጥአን ምድር
ወይወርድ እግዚእነ እምሰማይ ዲበ ምድር በትእዛዙ ወበቃሉ
ወበአእላፍ መላእክቲሁ በንፍሐተ ቀርን ዘእም ኀበ
እግዚአብሔር ይምሐረነ አብ በይእቲ ሰዓት እሞተ ኃጢአት
እስመ ገባሬ ሕይወት”
ትርጉም፡-
“የሰው ልጅ በሚመጣበት ጊዜ የሰማይና የምድር
ሠራዊት ሁሉ ይነቃነቃል። ያን ጊዜ በምድር የሚኖሩ
ኃጢአተኞች ሁሉ ያለቅሳሉ፡፡ ጌታችንም ከአእላፍ
መላእክት ጋር በትእዛዙና በቃሉ መሠረት ከሰማይ ወደ
ምድር ይወርዳል፡፡ የእግዚአብሔር መለከትም
ይሰማል፡፡ በዚያች ሰዓት እርሱ ያድነን። እርሱ የሕይወት
ባለቤት ነውና።”
ቅዱስ ያሬድ የዘመረው የማቴዎስ ወንጌል
ምዕራፍ 24ን ነው፡፡ ጌታችን ሲመጣ ፍጥረት
እንደማይፀና ኃጢአተኞች ደስታ እንደማይሰማቸው
ይገልጣል፡፡ በኃይሉ ፊት ፍጥረት፣ በፍርዱ ፊት ኃጥአን
መቆም አይችሉምና፡፡
ጌታችን ኢየሱስ ክርስቶስ ይመጣል። በብሉይ
ኪዳን እመጣለሁ ብሎ መጥቷል፡፡ በአዲስ ኪዳንም
እመጣለሁ ብሎ ቤተ ክርስቲያንን በተስፋ አስገዝቷታል፡፡
ፍጥረት ሁሉ የሚጠብቀው አንድ ታላቅ እንግዳ
ከፊታችን ባለው ባልራቀው ዘመን ይመጣል፡፡
የሚመጣው በትሕትና ሳይሆን በልዕልና ነው፡፡
በከብቶች በረት ሊጣል ሳይሆን በደመና በዙፋን
ተገልጦ ይመጣል፡፡ ስምዖን አረጋዊ እንደ ታቀፈው ሆኖ
አይመጣም፣ ሰማይና ምድር የማይችሉት ሆኖ
ይመጣል፡፡ ከእናቱ ጡትን እየለመነ አይመጣም፣
ለፍጥረት ሁሉ የሩጫውን ዋጋ ለመስጠት ይመጣል፡፡
ከሄሮድስ ፊት የሚሸሽ ሆኖ አይመጣም፡፡ ሰማይና
ምድር ሲያዩት ከፊቱ ይሰደዳሉ፡፡ ለእኛ ለክርስቲያኖች
መጣልን የምንለው እንግዳችን፣ ፈራጃችን እንጂ
መጣብኝ የምንለው አይደለም፡፡
የጌታችን ዳግም ምጽአት፡-
1. የጸሎታችን መልስ ነው።
2. የፍጥረት ምጥ ዕረፍት ነው።
3. የዘመናት ናፍቆት መልስ ነው።
4. የተስፋችን ፍጻሜ ነው።
5. የእምነታችን ክብር ነው።
6. የአዲስ ዓለም ጅማሬ ነው።
7. የዘላለም ሕይወት መክፈቻ ነው፡፡
የጸሎታችን መልስ ነው
ብዙ ሰዎች ክርስቶስ ዳግም ይመጣል ሲባሉ
ይፈራሉ፡፡ ፍርሃታቸው ግን ለንስሐ አያዘጋጃቸውም። ልበ
ሙሉ ሆነው ኃጢአት እንዳይሠሩ የመምጣቱ ዜና
ስለሚረብሻቸው ነው፡፡ የጌታችን ዳግም ምጽአት
በሚታሰብበት ቀን እንኳ ብዙ የኃጢአት መታሰቢያ
ሲደረግ ይውላል፡፡ ለብዙ ሰዎች እኩለ ጾም ከሥጋና
ከስካር ከተላቀቁ አንድ ወር መሆኑን ለመገናኘትም ወር
እንደሚቀራቸው የሚያስቡበት ቀን ነው፡፡ በጊዜያዊ
ጨዋነት የሰነበቱትም ሲሰክሩ የሚውሉበት የተውኔት
ቀናቸው ነው፡፡ ሃይማኖት የማይሞት ኃይል ነው፡፡ ከሰው
ልብ ግን ሊሞት የሚችለው ሰዎች እንደ ባሕል
ቆጥረውት ሲኖሩ ነው፡፡
የጌታችን መምጣት ግን የጸሎታችን መልስ
ነው፡፡ የምንፈራውና ያርቅልኝ የምንለው ሳይሆን
በየዕለቱ “መንግሥት ትምጣ” እያልን የምንጸልይበት
ትልቅ ርዕሳችን ነው፡፡ የዚህ ዓለም መንግሥት በግፍ
ተጀምሮ በግፍ የሚጠናቀቅ፣ በውሸትና በሐሰተኛ ተስፋ
ሰውን የሚያደክም፣ በጭካኔ ሲወዳደር የሚኖር፣ ደም
በደም የሆነ መንገድ ነው፡፡ በዚህ ክፉ ሥርዓት
የተጨነቁ ሁሉ ጽድቅና ሰላም የነገሠባትን የክርስቶስን
መንግሥት ይናፍቃሉ (ሮሜ. 14÷17)፡፡ የክርስቶስ
መንግሥቱ የምትገለጠው ጌታችን ምድራውያን
ነገሥታትን አሳልፎ ንጉሠ ነገሥት ሆኖ በሚነግሥበት
በዳግም ምጽአቱ ነው፡፡ ዳግም ምጽአቱ ምድራዊውን
ሥርዓት አሳልፎ አንድ መንግሥትን በሁሉ የሚያፀና
ነው፡፡
የፍጥረት ምጥ ዕረፍት ነው
ሐዋርያው ጳውሎስ፡- “ የፍጥረት ናፍቆት
የእግዚአብሔርን ልጆች መገለጥ ይጠባበቃልና” ይላል
(ሮሜ. 8÷19)፡፡ ዳግመኛም “ፍጥረት ሁሉ እስከ አሁን
ድረስ አብሮ በመቃተትና በምጥ መኖሩን
እናውቃለንና” ይላል (ቁ.22)፡፡ በሰው ኃጢአት
የተጨነቀው ሰው ብቻ ሳይሆን ፍጥረት በሙሉ ነው፡፡
እንስሳቱ አራዊቱ ሁሉ የሰውን ኃጢአት ቅጣት
እየተካፈሉ ነው፡፡ እነዚህ ሁሉ የሚያርፉት ክርስቶስ
ልጆቹን በክብር በሚገልጥበት በምጽአቱ ቀን ነው፡፡
ስለዚህ ፍጥረት ሳይወድ በግድ የሰውን ማረፍ
ይናፍቃል፡፡ የራሱም ዕረፍት ነውና፡፡ ዛሬ በብዙ ነገር
እናለቅሳለን፡፡ ብዙ ጭንቀቶችም ከበውን እንኖራለን፡፡
የክርስቶስ መምጣት ግን የፍጥረት ምጥ ዕረፍት ነው፡፡
የዘመናት ናፍቆት እርካታ ነው
ማራናታ ማለት ጌታ ይመጣል ወይም ጌታ
መጣ ማለት ነው (ኪዳነ ወልድ ክፍሌ መዝገበ ቃላት
ገጽ 609)፡፡ ይህ ቃል ዮሐንስ ራእዩን ሲዘጋ
ተጠቅሞታል፡- “ አሜን ጌታ ኢየሱስ ሆይ ና” (ራእ.
22÷20)። ዮሐንስ በራእዩ ስለሚመጣው የዘመናት
ጣር ካየ በኋላ የዚህ ሁሉ ማብቂያው ምንድነው? ብሎ
ሲያስብ የጌታ መምጣት ነው፡፡ ስለዚህ ማራናታ አለ፡፡
የጌታችን መምጣት የመከራው ድንበር ነው፡፡
በመጀመሪያ ምጽአቱ ሞት ተገደበ፣ በዳግመኛ ምጽአቱ
መከራ ገደብ ያገኛል፡፡
የተስፋችን ፍጻሜ ነው
የምንጠባበቃቸው ብዙ ተስፋዎች ቢኖሩም
ትልቁ ተስፋችን ክርስቶስ ነው፡፡ የምንጠብቃቸው
ነገሮች ቢሆኑልን እንኳ ሌላ መመኘታችን አይቀርም፡፡
ክርስቶስ ከመጣልን ግን ምንም እስከማያምረን
ለዘላለም ያረካናል። ሐዋርያው ጳውሎስ፡- “የተባረከው
ተስፋችንን እርሱም የታላቁን የአምላካችንንና
የመድኃኒታችን የኢየሱስ ክርስቶስ ክብር መገለጥ
እየጠበቅን ራሳችንን በመግዛትና በጽድቅ
እግዚአብሔርንም በመምሰል በአሁኑ ዘመን እንድንኖር
ያስተምረናል” (ቲቶ. 2÷12-13) ይላል፡ ሰዎች ተስፋ
ካላቸው ራሳቸውን ከሚጎዳ ነገር ይከላከላሉ፡፡
እንዲሁም ክርስቶስ ተስፋቸው የሆነ ይቀደሳሉ፡፡
በኃጢአት መጫወት ተስፋ መቁረጥ ነው፡፡ የክርስቶስ
ምጽአት የተስፋችን ፍጻሜ ነው፡፡ ለቤተ ክርስቲያን
የቀረላት ተስፋ የክርስቶስ መምጣት ነው፡፡
የእምነታችን ክብር ነው
ጌታችን ዳግመኛ የሚመጣው በናቀን ዓለም
ፊት እምነታችንን ሊያከብር ነው፡፡ የዘበቱብንና
ያስጨነቁን ለዘላለም ያፍራሉ፡፡ ዛሬ ቃሉን የረገጡ፣ ያን
ቀን ፍርዱን መርገጥ አይችሉም፡፡ የእግዚአብሔር ልጆች
የሆንም በዚያን ቀን በዘላለም ክብር ተውበን በጉን
እረኛችን አድርገን ወደ ፍስሐ ዓለም እንገባለን፡፡
የአዲስ ዓለም ጅማሬ ነው
በዮሐንስ ራእይ ላይ እንደ ተጻፈው “አዲስ
ሰማይና አዲስ ምድርን አየሁ ፊተኛው ሰማይና
ፊተኛይቱ ምድር አልፈዋልና፤ ባሕርም ወደፊት የለም”
ይላል (ራእ. 21÷1)፡፡ አዲስ ነገር የሚያስፈልገው
ፊተኛው ሲያረጅ ነው። ያረጀ ነገር መልኩ የወየበ፣
ጉልበቱ ያለቀ፣ ወደፊት ሊጠቅም የማይችል ነው፡፡
አሁን ፍጥረት አርጅቷል፡፡ በረዶ እየቀለጠ፣ የምድር
ሙቀት እየጨመረ፣ መሬቱ ማዳበሪያ እየፈለገ፣ ሰውም
በብዙ መድኃኒት እየኖረ ነው። ይህ የማርጀት ምልክት
ነው፡፡ ይህን አዲስ የሚያደርገው የክርስቶስ መምጣት
ነው፡፡ ሰውም ሞት ላይዘው በትንሣኤ፣ የሚመጣው
ዓለምም ማርጀት ላያገኘው በአዲስነት ይኖራል፡፡
የዘላለም ሕይወት መክፈቻ ነው
ጌታችን ሲመጣ ዘላለማዊት የምትሆን
መንግሥተ ሰማያት ትከፈታለች፡፡ ዛሬ በክርስቶስ ያመኑ
በበጎ ሥራ የፀኑ አማንያን በጊዜያዊ ማረፊያቸው
በገነት ይኖራሉ፡፡ ገነት ጊዜያዊ የነፍሶች ማረፊያ ናት፡፡
ክርስቶስ ሲመጣ ገነትና ሲኦል ያልፋሉ፡፡ መንግሥተ
ሰማያትና ገሀነመ እሳት ይከፈታሉ (ማቴ.
25÷34.41)፡፡
የዘላለም ዘመንም ይከፈታል፡፡ ዘወትር አዲስ
የሆነውን ጌታ እያየን በዘላለም ደስታ እንኖራለን፡፡
የጌታችን መምጣት ብዙ ትርፎች ያሉት ወደማይነገርም
ክብር የምንገባበት ነው፡፡ ዛሬ በዓለም ላይ የምናየው
መከራና ሰቆቃ የምጽአቱ ዋዜማ ነው፡፡ ይህ ሁሉ ጭንቅ
በክርስቶስ መምጣት ይጠናቀቃል፡፡ “አሜን፣ ጌታ
ኢየሱስ ሆይ፣ ቶሎ ና” /ራእ.22÷20/።

ኦርቶዶክስ ተዋህዶ ነኝ: ደብረ ዘይት

3 እርሱም በደብረ ዘይት ተቀምጦ ሳለ፥ ደቀ መዛሙርቱ
ለብቻቸው ወደ እርሱ ቀርበው። ንገረን፥ ይህ መቼ ይሆናል?
የመምጣትህና የዓለም መጨረሻ ምልክቱስ ምንድር ነው?
አሉት።
4 ኢየሱስም መልሶ እንዲህ አላቸው። ማንም እንዳያስታችሁ
ተጠንቀቁ።
5 ብዙዎች። እኔ ክርስቶስ ነኝ እያሉ በስሜ ይመጣሉና፤
ብዙዎችንም ያስታሉ።
6 ጦርንም የጦርንም ወሬ ትሰሙ ዘንድ አላችሁ፤ ይህ ሊሆን
ግድ ነውና ተጠበቁ፥ አትደንግጡ፤ ዳሩ ግን መጨረሻው ገና
ነው።
7 ሕዝብ በሕዝብ ላይ መንግሥትም በመንግሥት ላይ
ይነሣልና፥ ራብም ቸነፈርም የምድርም መናወጥ በልዩ ልዩ
ስፍራ ይሆናል፤
8 እነዚህም ሁሉ የምጥ ጣር መጀመሪያ ናቸው።
9 በዚያን ጊዜ ለመከራ አሳልፈው ይሰጡአችኋል
ይገድሉአችሁማል፥ ስለ ስሜም በአሕዛብ ሁሉ የተጠላችሁ
ትሆናላችሁ።
10 በዚያን ጊዜም ብዙዎች ይሰናከላሉ እርስ በርሳቸውም
አሳልፈው ይሰጣጣሉ እርስ በርሳቸውም ይጣላሉ፤
11 ብዙ ሐሰተኞች ነቢያትም ይነሣሉ ብዙዎችንም ያስታሉ፤
12 ከዓመፃም ብዛት የተነሣ የብዙ ሰዎች ፍቅር
ትቀዘቅዛለች።
13 እስከ መጨረሻ የሚጸና ግን እርሱ ይድናል።
14 ለአሕዛብም ሁሉ ምስክር እንዲሆን ይህ የመንግሥት
ወንጌል በዓለም ሁሉ ይሰበካል፥ በዚያን ጊዜም መጨረሻው
ይመጣል።
15 እንግዲህ በነቢዩ በዳንኤል የተባለውን የጥፋትን ርኩሰት
በተቀደሰችው ስፍራ ቆሞ ስታዩ፥ አንባቢው ያስተውል፥
16 በዚያን ጊዜ በይሁዳ ያሉት ወደ ተራራዎች ይሽሹ፥
17 በሰገነትም ያለ በቤቱ ያለውን ሊወስድ አይውረድ፥
18 በእርሻም ያለ ልብሱን ይወስድ ዘንድ ወደ ኋላው
አይመለስ።
19 በዚያችም ወራት ለርጉዞችና ለሚያጠቡ ወዮላቸው።
20 ነገር ግን ሽሽታችሁ በክረምት ወይም በሰንበት እንዳይሆን
ጸልዩ፤
21 በዚያን ጊዜ ከዓለም መጀመሪያ ጀምሮ እስከ ዛሬ ድረስ
ያልሆነ እንግዲህም ከቶ የማይሆን ታላቅ መከራ ይሆናልና።
22 እነዚያ ቀኖችስ ባያጥሩ ሥጋ የለበሰ ሁሉ ባልዳነም ነበር፤
ነገር ግን እነዚያ ቀኖች ስለ ተመረጡት ሰዎች ያጥራሉ።
23 በዚያን ጊዜ ማንም። እነሆ፥ ክርስቶስ ከዚህ አለ ወይም።
ከዚያ አለ ቢላችሁ አትመኑ፤
24 ሐሰተኞች ክርስቶሶችና ሐሰተኞች ነቢያት ይነሣሉና፥
ቢቻላቸውስ የተመረጡትን እንኳ እስኪያስቱ ድረስ ታላላቅ
ምልክትና ድንቅ ያሳያሉ።
25 እነሆ፥ አስቀድሜ ነገርኋችሁ።
26 እንግዲህ። እነሆ፥ በበረሀ ነው ቢሉአችሁ፥ አትውጡ፤ እነሆ፥
በእልፍኝ ነው ቢሉአችሁ፥ አትመኑ፤
27 መብረቅ ከምሥራቅ ወጥቶ እስከ ምዕራብ እንደሚታይ፥
የሰው ልጅ መምጣት እንዲሁ ይሆናልና፤
28 በድን ወዳለበት በዚያ አሞራዎች ይሰበሰባሉ።
29 ከዚያች ወራትም መከራ በኋላ ወዲያው ፀሐይ
ይጨልማል፥ ጨረቃም ብርሃንዋን አትሰጥም፥ ከዋክብትም
ከሰማይ ይወድቃሉ፥
30 የሰማያትም ኃይላት ይናወጣሉ። በዚያን ጊዜም የሰው ልጅ
ምልክት በሰማይ ይታያል፥ በዚያን ጊዜም የምድር ወገኖች ሁሉ
ዋይ ዋይ ይላሉ፥ የሰው ልጅንም በኃይልና በብዙ ክብር በሰማይ
ደመና ሲመጣ ያዩታል፤
31 መላእክቱንም ከታላቅ መለከት ድምፅ ጋር ይልካቸዋል፥
ከሰማያትም ዳርቻ እስከ ዳርቻው ከአራቱ ነፋሳት ለእርሱ
የተመረጡትን ይሰበስባሉ።
32 ምሳሌውንም ከበለስ ተማሩ፤ ጫፍዋ ሲለሰልስ
ቅጠልዋም ሲያቈጠቍጥ፥ ያን ጊዜ በጋ እንደ ቀረበ
ታውቃላችሁ፤
33 እንዲሁ እናንተ ደግሞ ይህን ሁሉ ስታዩ በደጅ እንደ ቀረበ
እወቁ።
34 እውነት እላችኋለሁ፥ ይህ ሁሉ እስኪሆን ድረስ ይህ ትውልድ
አያልፍም።
35 ሰማይና ምድር ያልፋሉ፥ ቃሌ ግን አያልፍም።
36 ስለዚያች ቀንና ስለዚያች ሰዓት ግን ከአባት ብቻ በቀር
የሰማይ መላእክትም ቢሆኑ ልጅም ቢሆን የሚያውቅ የለም።
37 የኖኅ ዘመን እንደ ነበረ የሰው ልጅ መምጣት እንዲሁ
ይሆናልና።
38 በዚያች ወራት ከጥፋት ውኃ በፊት፥ ኖኅ ወደ መርከብ
እስከገባበት ቀን ድረስ፥ ሲበሉና ሲጠጡ ሲያገቡና ሲጋቡም እንደ
ነበሩ፥
39 የጥፋት ውኃም መጥቶ ሁሉን እስከ ወሰደ ድረስ
እንዳላወቁ፥ የሰው ልጅ መምጣት ደግሞ እንዲሁ ይሆናል።
40 በዚያን ጊዜ ሁለት ሰዎች በእርሻ ይሆናሉ፤ አንዱ ይወሰዳል
አንዱም ይቀራል፤
41 ሁለት ሴቶች በወፍጮ ይፈጫሉ፤ አንዲቱ ትወሰዳለች
አንዲቱም ትቀራለች።
42 ጌታችሁ በምን ሰዓት እንዲመጣ አታውቁምና እንግዲህ
ንቁ።
43 ያን ግን እወቁ፤ ባለቤት ከሌሊቱ በየትኛው ክፍል ሌባ
እንዲመጣ ቢያውቅ ኖሮ፥ በነቃ ቤቱም ሊቈፈር ባልተወም
ነበር።
44 ስለዚህ እናንተ ደግሞ ተዘጋጅታችሁ ኑሩ፥ የሰው ልጅ
በማታስቡበት ሰዓት ይመጣልና።
የማቴዎስ ወንጌል 24 : 3-44

ኦርቶዶክስ ተዋህዶ ነኝ:እመቤታችን_እና_ኤልሳቤጥ

#እመቤታችን_እና_ኤልሳቤጥ
_
በመከራው ያልተለየችው ፣ በመስቀሉ ሥር ከነበሩት ቅዱሳት
አንስት ዝርዝር ውስጥ በቀዳሚነት የተጠቀሰችው
#እመቤታችን እሑድ ደርሶ ሴቶች ወደ መቃብሩ ሽቱ ይዘው
ማልደው ሲሔዱ ግን ከእነርሱ ጋር አልነበረችም፡፡ #ለምን
ይሆን? መልሱ ቀርቧልና ይነበብ...
21 21 21 21 21
21
ቅዱስ ሳዊሮስ ዘአንጾኪያ ‹‹ስለ ድንግል ማርያም ገና ማሰላሰል
ስጀምር ‹የቆምክባት ሥፍራ የተቀደሰች መሬት ናትና ወደዚህ
አትቅረብ›
የሚል ድምፅ ሲጮኽ ይሰማኛል›› በማለት እንደተናገረ ስለ
እመቤታችን
ልንጽፍ ብዕራችንን ባነሣን ቁጥር የኃጢአት ጫማችንን
ሳናወልቅ ወደ
እርስዋ መቅረብ እንደማይገባን ይሰማናል፡፡ ሰውና መላእክት
ተናግረው
ለመፈጸም የማይቻላቸውን ምስጋናዋን ለመናገር ስንነሣም
ድካማችንን
አውቀን እንሰቀቃለን፡፡ ‹ስለ እርስዋ መናገር የሚቻለው ምን
አንደበት
ነው? አስቦትስ ሊደርስበት የሚቻለው እንደምን ያለ ኅሊና ነው?
ነገር
ግን የሚቻለንን ያህል ከምስጋናዋ ጥቂት እንነግራችኋለን ›
ብለው
እስከመናገር የደረሱ አባቶቻችንን ስናይ ከምስጋናዋ ሰልፍ
መደመር
ያስጨንቀናል፡፡ አባቷ ዳዊት ‹በአባቶችሽ ፈንታ ልጆች
ተወለዱልሽ ፣
ስምሽን ለልጅ ልጅ ያሳስባሉ› ያላትን ስናስብ ደግሞ
የአባቶቻችን ልጆች
እንደመሆናችን የእመቤታችንን ስሟን ማሳሰብ ለእኛም
እንደተሠጠን
በማሰብ እንደሰታለን፡፡ እርስዋም ‹ትውልድ ሁሉ ብፅዕት
ይሉኛል›
ብላለችና ከትውልድ እንደመቆጠራችን የተናገረችው ትንቢት
ይፈጸማል
ብለን ስለ እመቤታችን ክብር እንናገራለን፡፡ ነቢዩ "በቀንና
በሌሊት
ደጆችዋ አይዘጉም" ሲል እንደተናገረላት ቀንና ሌሊት ምስጋናን
ሲሰሙ
የማይዘጉት የጆሮዎቿን ደጆች ተስፋ አድርገን ቅድስት ሆይ
ለምኚልን
ሳንላት አናድርም፡፡ እንደ ሰማይ ከዋክብት እንደ ምድር አሸዋ
በበዛው
ኃጢአታችን ምክንያት ስለ እመቤታችን መናገራችን የሚገባን
ባይሆንም
አባቷ ዳዊት በታላቅ ትሕትና ‹ልጄ ሆይ ስሚ እዪም ጆሮሽንም
አዘንብዪ›
እያለ እየተማጸነ እንዳመሰገናት እኛም ‹እናታችን ሆይ ስሚ እዪ
ጆሮሽንም አዘንብዪ› ብለን እየተማጸንን እናመሰግናታለን፡፡
ከአባ
ጊዮርጊስም ጋር ‹‹እመቤቴ ሆይ የኃጢአተኛ ሰው ምስጋና ለምኔ
ነው
አትበዪ የእኔ ኃጢአት የአንቺን ቅድስና አያረክሰውምና›
እንላለን፡፡ /
አርጋኖን/
21
ቅዱስ ዮሐንስ በወንጌሉ ማርያም ተብለው የተጠሩ አምስት
ሴቶችን በስም ጠቅሶ ሲጽፍ ለዐሥራ አራት ዓመታት በቤቱ
የኖረችውን
እመቤታችንን ግን ስምዋን ከመጥራት ይልቅ ‹የኢየሱስ እናት›
፣ ‹የጌታ
እናት› ፣ ‹እናቱ› ብሎ መጥራትን እንደመረጠ እኛም በዚህ
ጽሑፍ
እመቤታችን ብቻ ብለን እየጠራን ስለ እርስዋ ክብር
እንናገራለን፡፡ ይህ
ጽሑፍ ጥናታዊ ጽሑፍ አይደለም፡፡ የጽድቅ ፀሐይ የወጣበትን
ሰማይ ማን
አጥንቶ ይዘልቀዋል? የማይቻለውን ስለ ቻለችው ፣
የማይወሰነውን
ስለወሰነችው እመቤታችን ከምስጋና በቀር ማንም ሰው
ምሁራዊ
ትንታኔን ሊሠጥ አይችልም፡፡ ስለዚህ ስለ እመቤታችን በቅዱስ
ሉቃስ
ወንጌል ብቻ የተጻፉ አንዳንድ ነጥቦችን እናነሣለን፡፡
21 21 21
#እመቤታችን_እና_ቅዱስ_ገ ብርኤል
°
አምላክ በሰው ላይ የፈረደውን ፍትሐ ሞት በራሱ ለማድረግ
ሰው ሊሆንና ሊያድነው የገባውን ቃል ለመፈጸም በእርሱ ዘንድ
አምስት
ቀን ከግማሽ በእኛ ዘንድ አምስት ሺህ አምስት መቶ ዘመን
አስቆጥሮአል፡፡ ‹‹የዘመኑ ፍጻሜ በደረሰ ጊዜ›› ግን አምላክ
‹‹ከሴት››
ሊወለድ ፈቃዱ ሆነ፡፡ (ሊቁ ኤጲፋንዮስ እንዳብራራው እኛ
ከሴትና
ከወንድ እንደተወለድን ፤ እርሱ ግን በሁለተኛው ልደት ያለ ዘርዐ
ብእሲ
ከሴት ብቻ እንደተወለደ ልብ ይሏል) /ገላ.4/ አምላክ ይህንን
የማዳን
ሥራ ለመፈጸም የመረጣት ንጽሕት እመቤታችን ነበረች፡፡ ነገር
ግን
የሰውን ነጻ ፈቃድ /Free will/ የሚያከብር ነውና ሊወለድ
እንደወደደ
በራሱ ፈቃድ ብቻ ልወለድ ሳይል ወደ መረጣት ቅድስት
መልአኩን ላከ፡፡
ለመልእክት የተመረጠው መልአክ መላእክቱን ‹ባለንበት
እንጽና› ብሎ
ያረጋጋው መልአከ ሰላም ቅዱስ ገብርኤል ነበረ ፡፡ ይህ መልአክ
ሦስቱን
ወጣቶች ከእሳት መካከል ሊያወጣ እንደተላከ አሁን ደግሞ
የሰው
ልጆችን ከሲኦል እሳት መውጣት ለማብሠር ተላከ፡፡ ቅዱስ
ገብርኤል
እመቤታችን ፊት ለማብሠር ቆመ፡፡
21
የተላከው ከኃያሉ ባለ ሥልጣን ከእግዚአብሔር ዘንድ ቢሆንም
አነጋገሩ ከላይ እንደተላከ ሆኖ የተናገረው የሥልጣን ንግግር
ሳይሆን
የፍጹም ትሕትና ንግግር ነበር፡፡ ‹አምላክ ከአንቺ ሊወለድ
ወስኖአል!›
ብሎአትም አልተሠወረም፡፡ መልእክተኛ የሚያደርሰው
እንደተላከው
አድርጎ ነውና ይህችን ከፍጥረት ሁሉ የከበረች ንግሥት አደግድጎ
አመስግኖ አክብሮ አበሠራት፡፡ ‹ደስ ይበልሽ ጸጋን የሞላብሽ
ሆይ ጌታ
ከአንቺ ጋር ነው ፣ አንቺ ከሴቶች መካከል የተባረክሽ ነሽ›
አላት፡፡ ለሰው
የተለያየ ጸጋ ይሠጠዋል፡፡ ‹‹የጸጋ ሥጦታ ልዩ ልዩ ነው መንፈስ
ግን
አንድ ነው›› ይላል ሐዋርያው፡፡ የእመቤታችን ጸጋዋ ምን
ይሆን? ሰንል
ግን ይህ ነው ብሎ መወሰን አይቻልም፡፡ እግዚአብሔር
ለእርስዋ
ያልሠጠው ሀብት የለም ቅዳሴው ‹ወሀብተ ሰማያት ለማርያም
ድንግል›
‹የሰማያት ሀብት ለማርያም ድንግል ተሠጣት› እንደሚል
እመቤታችን
ጸጋ ሁሉ የተሞላች ናት፡፡ ስለዚህ መልአኩ በታላቅ አክብሮት
አመሰገናት፡፡
21 21 21
#ከንግግሩ_በጣም_ደነገጠች
°
እርስዋም ባየችው ጊዜ ‹ከንግግሩ በጣም ደነገጠች› የሶምሶን
ቤተሰቦች ማኑሔና አንትኮዬ የእግዚአብሔርን መልአክ ባዩ ጊዜ
እጅግ
ደንግጠው ነበር፡፡ ታላቁ መስፍን ጌዴዎን ደግሞ ‹ወዮልኝ
የእግዚአብሔርን መልአክ ፊት ለፊት አይቼአለሁና› ብሎ
እንዳይሞት
ፈራ፡፡ እግዚአብሔር ግን አይዞህ አትሞትም ብሎ አረጋጋው፡፡ /
መሳ. 5፡
22/ ታላቁ ነቢይ ዳንኤል ደግሞ መልአክ ባየ ጊዜ ‹‹ደም
ግባቴም ወደ
ማሸብሸብ ተለወጠብኝ፥ ኃይልም አጣሁ። …. ቀጥ ብለህም
ቁም
አለኝ። ይህንም ቃል ባለኝ ጊዜ እየተንቀጠቀጥሁ ቆምሁ።››
በማለት
እንዴት እንደፈራ ይገልጣል፡፡ እመቤታችን ቅዱስ ገብርኤልን
ስታየው ግን
የደነገጠችው መልአኩን በማየትዋ አልነበረም፡፡ ‹‹የቃሉን
አነጋገር
አይታ›› እንጂ፡፡ (አይታ ሲል ሰምታ ለማለት ነው፡፡
ትርጓሜውም ርዕያ
ቅሉ ሰሚዓ ሲል ነው ይላል፡፡) መልአኩን ስታይ ተንቀጠቀጠች
፣ መቆም
አቅቷት ተብረከረከች የሚል ቃል የለም እርስዋ የደነገጠችው
በንግግሩ
ብቻ ነበር፡፡ ይህ እንዴት ሊሆን ቻለ? ነቢያቱ ሳይቀር
የደነገጡባቸው
መላእክት እንዴት አላስደነገጡአትም? አዎ እርስዋ ያደገችው
በመላእክቱ እቅፍ ስለሆነ ነው፡፡ የእግዚአብሔር መልአክ
በአንድ ክንፉ
አቅፎ በአንድ ክንፉ ደግፎ ሰማያዊ ምግብ እየመገበ ያሳደጋት
እመቤታችን እንዴት መልአክ አይታ ትደነግጣለች? ነገሩን አልን
እንጂ
ራሳቸው መላእክት ሊያዩት የማይቻላቸውን አምላክ በማኅጸኗ
የምትይዘው እርስዋ እንዴት መላእክቱን ትፈራለች? ለእስዋ
እንግዳ
የሆነባት መልአክ መሆኑ ሳይሆን ሰላምታው ነበር፡፡
21 21 21
‹‹ #ይህ_እንዴት_ያለ_ሰላምታ _ነው; #ብላ_አሰበች››
°
አንዳንዶች እመቤታችን ስላደረገችው ነገር ብዙ አልተጻፈም
ብለው በመናገር ስለ እመቤታችን ለመናገር ስንነሣ ሊያሳቅቁን
ይሞክራሉ፡፡ ይህችን ጥቅስ ልብ ስንላት ግን ሐሴት
እናደርጋለን፡፡
መጽሐፍ ቅዱስ እመቤታችን ያደረገችውን ብቻ ሳይሆን
‹ያሰበችውንም›
ጭምር ጽፎልናል፡፡ ቅዱስ ሉቃስ መንፈስ ቅዱስ ገልጦለት
የእመቤታችንን ሃሳቧን ጻፈ! ሐዋርያቱ ሐሳቧን ሳይቀር ከጻፉ
እኛ
ተአምሯን ብንጽፍ ምን ጥፋት አለብን? ሃሳብ ከተጻፈ እንዴት
ተግባር
አይጻፍም?
እዚህ ላይ የምንማረው ታላቅ ትምህርት ልጅዋ ‹እኔ የዋህ
በልቤም ትሑት ነኝ› እንዳለው የእርስዋም ትሕትና የልብ
መሆኑን ነው፡፡
ሰው ሲመሰገን ‹ኸረ ለእኔ ይህ አይገባኝም› እያለ ላይ ላዩን በአፉ
ይቃወማል፡፡ በውስጡ ግን በምስጋናው ደስ ይለዋል፡፡
እመቤታችን ግን
ምስጋናን ስትሰማ ‹አይገባኝም› የሚል የአንደበት ንግግር
አልተናገረችም፡፡ ትሕትናዋ የልብ ነበርና ‹እንዴት ያለ ሰላምታ
ነው ብላ
አሰበች› መልአከ እግዚአብሔር ከፊቱ ቆሞ እያነጋገረው
የመልአኩን
ሰላምታ የሚመረምር ማን ነው; መልአክ ተገልጾ አመሰገነኝ
ብሎ
ሳይደነቅና ሳይደሰት ስለ ሰላምታው ምንነት ‹ይህ እንዴት ያለ
ሰላምታ
ነው;› ብሎ የሚያገናዝብስ ከሰው ልጅ መካከል ከእመቤታችን
በቀር
ማን ይገኛል;
21
መልአኩም ‹‹መልአኩም እንዲህ አላት፦ እርሱ ታላቅ ይሆናል
የልዑል ልጅም ይባላል፥ ጌታ አምላክም የአባቱን የዳዊትን
ዙፋን
ይሰጠዋል፤ በያዕቆብ ቤትም ላይ ለዘለላም ይነግሣል፥
ለመንግሥቱም
መጨረሻ የለውም።›› አላት፡፡
እመቤታችን ሔዋንን ያሳተው የዲያቢሎስ ሽንገላ ወደ እርስዋ
የመጣ ይሆንን ስትል ከመልአኩ የቀረበላት ሰላምታ
አስደንግጦአት
ነበር፡፡ ምስጋና ከሆነ ዘንድ ብላ ጆሮዋን የምትሠጥ
ስላልነበረች ‹ጸጋን
የተመላሽ› ፣ ‹ከሴቶች ሁሉ የተባረክሽ› ያላትን ምስጋናም
ከደስታ ይልቅ
በፍርሃት ተመለከተችው፡፡ ግእዙ እንዲያውም ‹‹እፎኑ ዘከመዝ
እንጋ
አምኃ ይትአምኁ›› ‹‹እንዲህ ያለውን ሰላምታ እንደምን
ይቀበሉታል››
ብላ አሰበች ይላል፡፡ ቅዱስ ገብርኤል ‹‹ማርያም ሆይ፥
በእግዚአብሔር
ፊት ጸጋ አግኝተሻልና አትፍሪ።›› በማለት ‹ጸጋን የተሞላሽ›
ያላት
በእግዚአብሔር ፊት ያገኘችው ጸጋ እንደሆነ ነገራት፡፡ ከዚያም
‹‹እነሆም፥ ትፀንሻለሽ ወንድ ልጅም ትወልጃለሽ፥ ስሙንም
ኢየሱስ
ትዪዋለሽ።›› በማለት አበሠራት፡፡ ቅዱስ ገብርኤል ‹ኢየሱስ›
የሚለውን
ስም ለዓለም አስታወቀ፡፡ ክርስትናም በገብርኤል አንደበት ወደ
እኛ
መጣ፡፡
21 21 21
‹ #ወንድ_ስለማላውቅ_ይህ_እ ንዴት_ይሆናል?›
°
አንዲት በጋብቻ ለመኖር ፍላጎትና ዕቅድ ያላት ድንግል
‹ትወልጂያለሽ› ተብሎ /ያውም በመልአክ አንደበት/ ቢነገራት
ማንን
እንደምታገባ ፣ ነገሩ መቼ እንደሚፈጸም ወዘተ ትጠይቅ
ይሆናል እንጂ
ሊሆን እንደሚችል ስለምታውቅ ‹‹ወንድ ስለማላውቅ ይህ
እንዴት
ይሆናል?›› አትልም፡፡ ሣራ ትወልጂአለሽ መባሉን ስትሰማ
‹‹እንዴት
ይሆናል?›› ያለችው አርጅቼአለሁ ብላ ነበር፡፡ እመቤታችን ግን
ገና
የዐሥራ አምስት ዓመት ብላቴና ሆና ሳለ የከበረ መልአክ
ትወልጂያለሽ
ሲላት ‹እንዴት ይሆናል?› ማለትዋ ለምንድር ነው? ሊቃውንቱ
‹‹ዘንተ ትቤ
ድንግል በእንተ ዘኢዓርገ ሕሊና እጓለ እመሕያው ውስተ ልባ››
ሲሉ
ይመልሳሉ ‹‹ድንግል የሰው ልጆች ሃሳብ ወደ እርስዋ ልብ
ስላልደረሰ
ይህንን አለች›› ማለት ነው፡፡ እመቤታችን ‹እርሱ ታላቅ
ይሆናል የልዑል
ልጅም ይባላል ፤ ጌታ አምላክም የአባቱን የዳዊትን ዙፋን
ይሠጠዋል ፤
በያዕቆብ ቤትም ላይ ለዘላለሙ ይነግሣል ለመንግሥቱ ፍጻሜ
የለውም›› ብሎ ስለምትወልደው ልጅ እየነገራት እንኳን
‹ወንድ
ስለማላውቅ ይህ እንዴት ይሆናል?› ብላ የምትጠይቅ የደናግል
መመኪያ
ናት፡፡ እግዚአብሔርም ነጻ ፈቃድዋን ሳይነካ ማኅተመ
ድንግልናዋን
ሳይለውጥ ከእርስዋ በኅቱም ድንግልና ተወለደ፡፡
21
በእስራኤል ብዙ ደናግል መሲሑን እንወልደዋለን ብለው
ድንግልናቸውን ጠብቀው የኖሩ አሉ፡፡ የቅዱስ ገብርኤል
ብሥራት
ከእነዚህ ደናግል ለአንዲቱ የተነገረ ቢሆን ኖሮ ‹ምኞቴ
ተፈጸመልኝ› ብላ
በተደሰተች ነበር፡፡ እመቤታችን ግን ራስዋን ለእግዚአብሔር
በንጽሕና
ስታቀርብ ለዚህ ክብር ራስዋን አስባ አታውቅም፡፡ ‹የባሪያዪቱን
ትሕትና
አይቶ› አምላክ ሲመርጣት እንዴት ይሆናል ያለችውም ለዚህ
ነበር፡፡
ቅዱስ ገብርኤል በእመቤታችን ፊት ቆሞ በጥያቄ ተያዘ፡፡
‹ቃሌን
ስላላመንህ ይህ ነገር እስከሚሆን ድረስ ዲዳ ትሆናለህ› ብሎ
ከስድስት
ወራት በፊት የካህኑ ዘካርያስን አንደበት የዘጋው መልአክ
በአምላኩ እናት
ፊት ግን የተግሣጽን ቃል እንኳን አልተናገረም፡፡ ‹‹መንፈስ
ቅዱስ በአንቺ
ላይ ይመጣል፥ የልዑልም ኃይል ይጸልልሻል ስለዚህ ደግሞ
ከአንቺ
የሚወለደው ቅዱስ የእግዚአብሔር ልጅ ይባላል።›› ብሎ
ጽንሰቱም
ልደቱም በረቂቅ አምላካዊ ጥበብ በግብረ መንፈስ ቅዱስ
እንደሚፈጸም
ነገራት ፤ በዘር በሩካቤ የተፈጸመ በመሆኑ በቂ ማስረጃ
ባይሆንም
የኤልሳቤጥን ከእርጅና ወዲያ መጽነስ ነገራት፡፡ በመጨረሻም
‹‹ለእግዚአብሔር የሚሳነው ነገር የለም›› አላት፡፡ እመቤታችን
የማይናወጥ እምነት አላትና ለእግዚአብሔር የሚሣነው ነገር
የለም
ስትባል በእርሱ ክሂሎት ላይ አንድም ቃል አልተናገረችም፡፡
12 21 2
‹‹#እነሆኝ_የጌታ_ባሪያ_እን ደቃልህ_ይደረግልኝ››
°
‹እነሆኝ› የሚለው ንግግር ራስን የማቅረብ ንግግር ነው፡፡
በመጽሐፍ ቅዱስ በአብዛኛዎቹ ቦታዎች ይህ ቃል የተቀመጠው
የተጠሩ
ሎሌዎች በጌቶቻቸው ፊት ሲቀርቡ በሚሠጡት መልስ ላይ ፣
እግዚአብሔር በቀጥታ የጠራቸው እንደ ሳሙኤል ያሉ ነቢያትና
ቅዱሳን
ያቀረቡት ራሴን አቅርቤአለሁ የሚል የትሕትና ንግግር ነው፡፡
እመቤታችንም ራስዋን ለአምላክ ማደሪያነት ‹እነሆኝ› ብላ
አቀረበች፡፡
ሌላው አስደናቂ ነገር ደግሞ ‹የጌታ ባሪያ› ብላ ራስዋን
መጥራትዋ
ነው፡፡ ‹የአምላክ እናት› ትሆኚ ዘንድ ተመርጠሻል ተብላ እንኳን
በትሕትና
የምትናገረዋ ተራራ እመቤታችን ‹የጌታ ባሪያ› ብላ ራስዋን
ጠራች፡፡
እንደ ቃልህ ይደረግልኝ ስትል አምላክ በማኅጸንዋ አደረ፡፡
ምሥጢረ ተዋሕዶ ተከናወነ፡፡ የማይታየው ታየ ፤ የማይወሰነው
ተወሰነ፡፡
የአምላክ የማዳን ሥራ የእመቤታችንን የይሁንልኝ ንግግር
ተከትሎ
ተወጠነ፡፡ እመቤታችን ‹ይሁንልኝ› እስክትል ድረስ የተጀመረ
የማዳን
ሥራ አልነበረም፡፡ ሁሉ የሚቻለው አምላክ እንኳን የከበረ
መልአኩን ልኮ
‹ይሁንልኝ› ስትል ጠብቆ ነው ሥራውን የጀመረው፡፡
21
ምናልባት እዚህ ላይ አንድ ሰው ተነሥቶ የእመቤታችንን ድርሻ
አልታየኝም ሊል ይችላል፡፡ ሌላውን እንተወውና እመቤታችን
ይሁንልኝ
የሚለውን ቃል ሳትናገር ለጥቂት ደቂቃዎች ብትዘገይ እንኳን
የሰው ልጅ
መዳን የዚያኑ ያህል ይዘገይ ነበር፡፡ አንድ ቀን ሙሉ ዝም
ብትልም አንድ
ቀን ይዘገይ ነበር፡፡ ቅዱስ ገብርኤል እንደሆን ተልዕኮውን
ሳይፈጽም
አይሔድም ፤ በግድ እሺ ሊያሠኛትም አይችልም፡፡
እግዚአብሔር ነጻ
ፈቃድዋን ጠብቋል፡፡ እንኳን ከእርስዋ ሊወለድ ለመረጣት
ቅድስት ቀርቶ
ከሕመሙ ሊፈውሰው ያሰበውንም ድውይ ፈቃድ የሚጠይቅ
የነጻነት
አምላክ ነው፡፡ ስለዚህ የእመቤታችን ‹ይሁንልኝ› ማለት ለእኛ
ድኅነት
ወሳኝ ነበር፡፡ የእመቤታችን ንግግር በሲኦል ያሉ ነፍሳት ሳይቀር
‹እሺ
በይ› ብለው የሚጮኹበት የተስፋቸው መጀመሪያ ነው፡፡
እመቤታችንም
ሙሉ ፈቃደኛ ነበረች፡፡ ‹‹ይሁንልኝ›› እንጂ ‹‹ይሁንብኝ››
አላለችም፡፡
ይሁንልኝ የሚለው ቃል በሙሉ ደስታ መቀበልን ያሳያል፡፡
ንግግርዋ
‹መቼስ ከታዘዘብኝ› የሚል ዓይነት በቅሬታ መቀበል
አልነበረም፡፡ በሙሉ
ደስታ ‹‹ይሁንልኝ›› ብላ ተቀበለች እንጂ፡፡
21 2
#እመቤታችን_እና_ኤልሳቤ ጥ
‹‹ወደ ይሁዳ ከተማ ፈጥና ወጣች … ኤልሳቤጥንም
ተሳለመቻት››
°
እመቤታችን በብሥራተ መልአክ በፈቃደ አምላክ ጌታን
ከጸነሰች
በኋላ በቀጥታ በመልአኩ አንደበት መጽነስዋ ወደተነገረላት
ዘመድዋ
ወደ ኤልሳቤጥ ለጉዞ ተነሣች፡፡ ይህ ጉዞ ላይ ላዩን ስናየው
ከአንድ ቦታ
ወደ ሌላ ቦታ መሔድ ይምሰል እንጂ በውስጡ እጅግ ትልቅ
ትምህርት
አለው፡፡ ኤልሳቤጥን ለመጠየቅ መሔድዋ ፣ ፈጥና መሔድዋ
እመቤታችን እንደምን ያለ ትሕትና ቢኖራት ነው የሚያሰኝ እና
በትዕቢት
ለተሞላው ዓለም እጅግ ትሕትናን የሚያስተምር ነው፡፡
ሰማያዊ መልአክ መጥቶ አመስግኖ አምላክን እንደምትወልድ
ነግሯት ፣ ከሴቶች ሁሉ የተባረከች እንደሆነች በእግዚአብሔር
ፊትም
ጸጋን እንዳገኘች ነግሯት ፣ ከተነገራትም በላይ ደግሞ ሰማይን
ያለ ባላ
ምድርን ያለ ካስማ ያቆመን አምላክ በማኅጸንዋ ይዛ
እመቤታችን
ዘመድዋን ኤልሳቤጥን ልትጠይቅ ሔደች፡፡ ይህን ማን
ያደርገዋል?
21
ሰው ችግርን ማጣትን ረሃብ ወዘተ መቋቋም እየቻለ ክብርን
ግን መቋቋም አይችልም፡፡ ከፍ ከፍ ባለ ቁጥር ብዙ ሰው
በትዕቢት
ይፈተናል፡፡ ሥልጣን ሲሠጠው የብዙ ሰው መልካምነት
ይጠፋል፡፡
መንፈሳዊ ጸጋ ሲሠጠው ደግሞ የበለጠ ይፈተናል፡፡ በሥልጣን ፣
በዕውቀት ፣ በጸጋ ወዘተ ብዙዎች ማንነታቸውን አጥተዋል፡፡
እመቤታችን
ከፍጥረት ሁሉ በላይ ናት፡፡ ሰው ምንም ዓይነት የቅድስና ደረጃ
ላይ
ሊደርስ ይችላል ፤ ከእመቤታችን ክብር ግን ማንም
አይደርስም፡፡ ሰማዕት
መሆን ፣ ጻድቅ መሆን ይቻላል፡፡ የአምላክን እናት መሆን ግን
አይቻልም፡፡
(ንግሥት ዕሌኒ ‹የክርስቲያኖች እመቤት አንቺ ትሆኚ;› ብለው
ሲጠይቋት
‹‹የእግርዋን እጣቢ እንኳን አላህልም›› እንዳለችው ነው)
እመቤታችን
በሥልጣን ቢባል ከፍጥረት ሁሉ በላይ ናት እንኳን ስለ እርስዋ
ስለ ስሟ
እንኳን ‹‹ስምሽም በእግዚአብሔር ዘንድ የሠለጠነ ነው››
ብሏል ሊቁ፡፡
በዕውቀት ቢባል ብትናገረው ሰማይና ምድር የማይሸከሙት
እርስዋ ግን
በልብዋ የጠበቀችው ከሰው አእምሮ በላይ የሆነ የጥበብ
መዝገብ ናት
፤ እኛ ተምረን የማንጨርሰው ምሥጢረ ሥጋዌ የተፈጸመው
በእርስዋ
ሰውነት ነው፡፡ በጸጋም ለእርስዋ ያልተሠጣት ምንም የለም፡፡
ሆኖም
በትሕትና ዘመድዋን ልትጠይቅ ተነሣች፡፡ አካሔድዋም
የንግሥትነት
የኩራት አልነበረም፡፡ ይልቁንም ‹ፈጥና ወጣች› ነው
የሚለው፡፡ መቅደስ
ሆና ሳለ ፍጥረት ሊሳለማት የሚገባት ሆና ሳለ ‹‹ኤልሳቤጥን
ተሳለመቻት›› አምላክን በማኅጸንዋ ይዛ ፍጥረት የሚሳለማት
እመቤታችን በትሕትና ኤልሳቤጥን ተሳለመቻት፡፡
ሰዎች /እውነትነቱ ያልተረጋገጠ/ ራእይ አይተናል ፣
ተገልጦልናል ፣ እንፈውሳለን ወዘተ ብለው ራሳቸውን ክበው
በሚኖሩበት
፣ በሀብታቸው በዝናቸው በእውቀታቸው ምክንያት ጠባያቸው
በሚከፋበት
፣ ወዳጅነታቸው በሚለወጥበት ዓለም ላይ ሆነን እመቤታችንን
ስናስባት
ምን ይሰማን ይሆን?
21 21
#የጌታዬ_እናት_ወደ_እኔ_ ትመጣ_ዘንድ_እንዴት_ይሆ ንልኛል
?
°
ሕገ ኦሪት ሲሠራ እንደነበረችው የካህኑ አሮን ሚስት ኤልሳቤጥ
ሁሉ ሕገ ወንጌል ስትሠራ ለመመስከር የታደለችው ሁለተኛዋ
ኤልሳቤጥ
ወደ እርስዋ የመጣችውን የዐሥራ አምስት ዓመት ብላቴና
እናትዋ
ልትሆን የምትጅልበት እድሜ ላይ ብትሆንም እንደ ታናሽ ልጅ
አልተቀበለቻትም፡፡ እመቤታችን በትሕትና ብትሳለማትም
ዝም ብላ
አልተመለከተቻትም፡፡ ገና የእመቤታችንን ሰላምታ በሰማች
ጊዜ መንፈስ
ቅዱስ ሞላባት፡፡ የእመቤታችን ሰላምታ ጸጋ መንፈስ ቅዱስ
እምዲመላብን ያደርጋልና ኤልሳቤጥን መንፈስ ቅዱስ
አናገራት፡፡
በታላቅ ድምፅም ጮኻ እንዲህ አለች። ‹‹አንቺ ከሴቶች
መካከል የተባረክሽ ነሽ፥ የማኅፀንሽም ፍሬ የተባረከ ነው።
የጌታዬ እናት
ወደ እኔ ትመጣ ዘንድ እንዴት ይሆንልኛል? እነሆ፥ የሰላምታሽ
ድምጽ
በጆሮዬ በመጣ ጊዜ ፅንሱ በማኅፀኔ በደስታ ዘሎአልና። ከጌታ፤
የተነገረላት ቃል ይፈጸማልና ያመነች ብፅዕት ናት።››
የዕድሜ ባለጸጋዋ ኤልሳቤጥ ኃይል አግኝታ ታላቅ ድምፅ
አሰማች፡፡ ኤልሳቤጥ ውዳሴ ማርያም ነው የጮኸችው፡፡
መንፈስ ቅዱስ
የሞላበት ሰው ንግግሩ እመቤታችንን ከነልጅዋ ምስጋና
ማቅረብ ነው፡፡
ኤልሳቤጥ ‹አንቺ የተባረክሽ ነሽ የማኅጸንሽም ፍሬ የተባረከ
ነው› ብላ
ጌታን ከእናቱ ጋር እንዳመሰገነች እኛም አባታችን ሆይ ብለን
እመቤታችን
ሆይን እናስከትላለን፡፡ ቅዱስ ገብርኤል ‹አንቺ ሴቶች ተለይተሸ
የተባረክሽ
ነሽ› ሲል ኤልሳቤጥ ‹የማኅጸንሽም ፍሬ ቡሩክ ነው› ብላ
እንደጨመረችበት እስከ ዕለተ ምጽአት ድረስ እየተቀባበልን
እናመሰግናታለን፡፡
ኤልሳቤጥ እመቤታችንን ‹የጌታዬ እናት› አለቻት ወላዲተ
አምላክ ፣ እመ አምላክ ፣ እመ ብርሃን የምንለው እንግዲህ
ከዚያ
ወዲህ ነው፡፡ የካህን ሚስት ናትና መቅደስ እመቤታችንን
እንደምን
መጥራት እንዲገባን አስተማረችን፡፡ አስከትላም አንዳች
አስደናቂ
ምስክርነት ሠጠች፡፡ ‹የሰላምታሽ ድምፅ በጆሮዬ በመጣ ጊዜ
ጽንሱ
በማኅጸኔ በደስታ ዘሎአል› አለች፡፡
መቼም ሳይንስ አዋቂ እንደሚረዳው ያም ባይሆን እናቶቻችን
እንደሚያውቁት የስድስት ወር ጽንስ በማኅጸን ሳለ መዝለሉ
የተለመደ
ተፈጥአዊ ክስተት ነው፡፡ እርግጥ አንድ ክስተት ሲደጋገም ድንቅ
መሆኑ
ስለሚቀር ነው እንጂ እንኳን የጽንስ መዝለል የጽንስ መፈጠር
ራሱ እጅግ
አስደናቂ ነበር፡፡ ግን አንዱ ተነሥቶ ‹‹ማንኛዋም ተራ ሴት
ልታውቀው
የምትችለውን ነገር ለምንድን ነው ተአምር አድርጋችሁ
የምታወሩት?››
ሊለን ይችላል፡፡ አዎ ማንኛዋም ጻድቅት ያልሆነች ወይም
እንደ
ኤልሳቤጥ መንፈስ ቅዱስ ያልሞላባት ሴት ጽንስ በማኅጸንዋ
መዝለሉን
ልታውቅ ትችላለች፡፡ ማንኛዋም ሴት ግን ጽንሱ በማኅጸንዋ
የዘለለው
በደስታ ይሁን በኀዘን ልታውቅ አትችልም፡፡ ልብ አድርጉ
ኤልሳቤጥ
ያለችው ‹‹ጽንሱ በማኅጸኔ ዘለለ›› ሳይሆን ‹‹ጽንሱ በማኅጸኔ
በደስታ
ዘለለ›› ነው፡፡
21
እኛ ኢትዮጵያውያን ምዕመናን መቼም ‹ማርያም ማርያም›
ተብለን ተወልደን ፣ ‹እንኳን ማርያም ማረችሽ› ‹ማርያም
ታኑርህ/ሽ›
ተባብለን ነው የኖርነው፡፡ በብዙ ሆስፒታሎች የማዋለጃ ክፍል
ውስጥ
የእመቤታችንን ሥዕል ማኖር የተለመደ ነው፡፡ አንዳንዶች
ታዲያ ‹ድንግል
ማርያምን ከጽንስ ጋር ምን ያገናኛታል?› ብለው ይንገሸገሻሉ፡፡
መጽሐፍ
ቅዱስን የሚያውቅ ሰው እንዴት ይኼን የሚያስገምተውን
ጥያቄ
ይጠይቃል? በመጽሐፍ ቅዱስ ባሕር ሲዋኙ ለኖሩና ባሕላችንን
በመጽሐፍ ቅዱስ ቃኝተው ላስረከቡን አበው ሊቃውንት ምስጋና
ይሁንና
ጽንስና እመቤታችንን ምን ያገናኛቸዋል የሚለውን ጥያቄ
እንግዲህ
‹የሰላምታሽ ድምፅ በጆሮዬ በመጣ ጊዜ ጽንሱ በማኅጸኔ
በደስታ
ዘሎአል› ያለችውን ኤልሳቤጥን መጠየቅ ነው፡፡ እኛ
የእመቤታችንን
ድምጽ ለጸነሱ ሴቶች ማሰማት ባንችል ስሟን እንዲሠሙ
ብናደርግ ማን
ይከለክለናል?
ቅዱስ ዮሐንስ ገና በእናቱ ማኅጸን ሳለ የእመቤታችንን ድምፅ
ሰምቶ
ዘለለ፡፡ ሐዋርያት በሲኖዶስ ፣ ቅዱስ ያሬድም እንዲሁ ሰገደ
ብለው
ተርጉመወታል፡፡ ቅዱስ ዮሐንስ ተፈጥሮ ገድቦት ነው እንጂ
ከእናቱ
ማኅጸን ወጥቶ ቢሆን ኖሮ ‹የጌታዬ እናት ወደ እኔ ትመጪ
ዘንድ እንዴት
ይሆንልኛል?›› ይል እንደነበር ጥርጥር የለውም፡፡ ይህን
እንዴት
አወቃችሁ ብንባል የመጥምቁን ጠባይ መች አጣነውና ጌታ
ሊጠመቅ
ወደ እርሱ ሲሔድ ‹‹እኔ በአንተ ልጠመቅ ያስፈልገኛል አንተም
ወደ እኔ
ትመጣለህን?›› ብሎ ሲናገር አየነው አይደል? በእናቱ ወጥቶ
ይሆን?
ለነገሩ የወጣው እንኳን በሁለቱም ነው፡፡ እናቱ ‹‹አንቺ ከሴቶች
ተለይተሸ
የተባረክሽ ነሽ የማኅጸንሽ ፍሬ ቡሩክ ነው›› ስትል ሰማን ፣
አባቱ ደግሞ
አንደበቱ ሲከፈትለት ‹‹የእስራኤል ጌታ አምላክ ይባረክ›› አለ
(ሉቃ.
፩፥፰፰) በወላጆቹ የወጣው ዮሐንስም አምላኩን ሲያጠምቅ
‹የቡሩክ
ልጅ ብርሃንን የምትገልጥ ይቅር በለን…› ብሎ አጠመቀው፡፡
የተባረከ
ቤተሰብ!
ከዚህ በኋላ እመቤታችን ‹ነፍሴ እግዚአብሔርን ታላቅ
ታደርገዋለች› የሚለውን ጸሎት ተናገረች፡፡ ይህ የእመቤታችን
ጸሎት ሰፊ
ምሥጢር ያለው ነው፡፡ ሁለት ነገሮች ብቻ ግን እናነሣለን፡፡
የመጀመሪያው አስደናቂ ነገር ለነቅዱስ ኤፍሬም ለነአባ
ሕርያቆስ
ምሥጢር ገልጣ ‹የጸጋህን ማዕበል ያዝ› እስኪሉ ድረስ እንግዳ
ድርሰት
እንዲደርሱ ያደረገች እመቤታችን ራስዋ በጸለየችው ጸሎት ግን
አብዛኛው ክፍል የአባቶቿ ነቢያት ጸሎት መሆኑ የእመቤታችንን
ትሕትና
ሲያስደንቀን ይኖራል፡፡
ሁለተኛው ነገር ‹ከእንግዲህስ ትውልድ ሁሉ ብፅዕት ይሉኛል
እርሱ ታላቅ ሥራን ለእኔ አድርጓልና› ያለችው ነው፡፡
እመቤታችን ሥጋዊ
የመመስገን ፍላጎት ኖሯት ‹ብፅዕት ይበሉኝ› የሚል ትእዛዝ
አልሠጠችም፡፡ የተናገረችው ትንቢት ነው እንጂ፡፡ ‹‹ትንቢት
ከቶ በሰው
ፈቃድ አልመጣምና፥ ዳሩ ግን በእግዚአብሔር ተልከው ቅዱሳን
ሰዎች
በመንፈስ ቅዱስ ተነድተው ተናገሩ።›› ይላል መጽሐፉ (፪ጴጥ.
፩፥፳፩)
እመቤታችንን ማመስገን ሰዎች ሊያስቆሙት የማይችሉት
ከመላእክት
የተቀበልነው ፣ ከኤልሳቤጥ የተማርነው በትንቢት የጸና አደራ
መሆኑን
እናስታውሳለን፡፡
21 21 21
#እመቤታችን_ለምን_አልመጣ ችም?
°
በሉቃስ ወንጌል የመጨረሻ ምዕራፍ ላይ እና በሌሎቹም
ወንጌላት ጌታችን በመቃብር ባደረ ጊዜ የነበረውን ሁኔታ
እናነባለን፡፡
በተለይም በተነሣበት ሌሊት ሴቶች ሽቱ ይዘው ሥጋውን ሊቀቡ
መጥተው
ነበር፡፡ ሆኖም መቃብሩ ባዶ ሆኖ አገኙት ፤ በመላእክትም
አንደበት ስለ
ጌታችን ትንሣኤ ተነገራቸው፡፡ ለሐዋርያትም ተናገሩ፡፡ ይህ ሁሉ
ሆኖ ግን
ቅዠት መስሎ የታያቸው ይበዙ ነበር፡፡
ጌታችን በመስቀል መከራ ተቀብሎ በሞተ ጊዜ ልብዋ በኀዘን
የቆሰለው እመቤታችን ነበረች፡፡ ምንም እንኳን የመሰቀሉን
ዓላማ
ብታውቅም የተቀበለው ለኅሊና የሚከብድ መከራ ግን እንኳን
አቅፋ
ያሳደገችውን ቅድስት እናቱን ለሚሰማው ሁሉ የሚያስለቅስ
ነበር፡፡
እመቤታችን እስከመጨረሻው ድረስ በመከራው አብራው
ነበረች፡፡ እንደ
ቅዱስ ጴጥሮስ ‹አይሁንብህ!› ብላ ከማዳን ሥራው ወደ ኋላ
ያልጎተተችው የፍቅርዋ ጽናት ጎድሎ አይደለም፡፡ ያለ እሱ ሞት
የዓለም
ድኅነት እንደማይሆን ተረድታ እንጂ፡፡
21
በመከራው ያልተለየችው ፣ በመስቀሉ ሥር ከነበሩት ቅዱሳት
አንስት ዝርዝር ውስጥ በቀዳሚነት የተጠቀሰችው እመቤታችን
እሑድ
ደርሶ ሴቶች ወደ መቃብሩ ሽቱ ይዘው ማልደው ሲሔዱ ግን
ከእነርሱ
ጋር አልነበረችም፡፡ ለምን? ከእርስዋ በላይ የልጅዋ ሥጋ ሽቱ
እንዲቀባ
ማን ሊያስብ ይገባል? እንደምንስ አስቻላት? ነገሩ ወዲህ ነው!
እመቤታችን ልጅዋ ሞትን ድል አድርጎ እንደሚነሣ ታውቅና
ታምን ነበር፡፡
ስለዚህ ሕያዉን ከሙታን መካከል ልትፈልግ አልተነሣችም፡፡
አባቷ
አብርሃም ልጁን ይስሐቅ እንዲሞት ሲፈቅድ እግዚአብሔር
ልጄን ከሞት
ያስነሣልኛል ብሎ እንዳመነ እመቤታችንም የተወደደ ልጅዋን
እግዚአብሔርነቱ ‹ከሙታን እንኳን ሊያስነሣው እንዲቻለው
አስባለች፡፡› (ዕብ. ፲፩፥፲፱)
21
ምንጭ:-
ዲያቆን ሄኖክ ኃይሌ
ነሐሴ 2005
የዚህን ጽሑፍ የትግርኛ ትርጉም ማንበብ ለምትችሉ ወይም
የምትፈልጉ https:// www.facebook.com /
photo.php?
fbid=8933399507 28526&set=a.363
600530369140.84 551.10000157588
2711&type=1&pnr ef=story
21
የእግዚአብሔር ቸርነት፣ የድንግል ማርያም አማላጅነት፣
የቅዱሳን መላእክት ተራዳኢነት፣ የጻድቃን፣ የሰማዕታት፣
የቅዱሳን ሐዋርያት፣ የቅዱሳን አበው መነኮሳት፣ የቅዱሳት
አንስት፣ የደናግላንና የቅዱሳን ሁሉ ምልጃና ቃል-ኪዳናቸው
ባለንበት ከሁላችን ጋር ይሁን!!!
†† † † ††
ለአባ ሕርያቆስ ፤
ለቅዱስ ኤፍሬም ፤
ለቅዱስ ያሬድ ፤
ለአባ ጊዮርጊስ ዘጋስጫ
የተገለጸች እመቤታችን እኛንም በበረከት እና በረድኤት
ትጎብኘን ፤ ከልጅዋ ከወዳጅዋ ከመድኃኔዓለም ዘንድ ታማልደን
፤ አሜን!!!
†† † † ††
ከዋክብት የሚያመሰግኑት
በስማቸውም የሚጠራቸው:
የፀጋው ብዛት የማይታወቅ
ጌታችን አምላካችንና መድኃኒታችን ኢየሱስ ክርስቶስ ሆይ
ለሐዋሪያት እንዲሁም ለቀደሙ አባቶቻችን ምሥጢሩን
እንደገለጽክላቸው ለእኛም ግለጽልን። አሜን አሜን አሜን!!!
†† † † ††
ወ ስ ብ ሐ ት ለ እ ግ ዚ አ ብ ሔ ር
ወ ለ ወ ላ ዲ ቱ ድ ን ግ ል
ወ ለ መ ስ ቀ ሉ ክ ቡ ር

ኦርቶዶክስ ተዋህዶ ነኝ: ©ኦርቶዶክስተዋህዶነኝ®™ “ዑራኤል የተባለ መልአክ ሊረዳኝ መጣ፡፡” መ/ዕዝ. ሱቱ. 2፡1

በስመ አብ ወወልድ ወመንፈስ ቅዱስ አሐዱ አምላክ አሜን::
በፍጹም መጠበቅን ጠብቆ ለዚህ ያደረሰን አምላካችን ክብርና
ምስጋን አምልኮትና ውዳሴ ይድረሰውና ይህን ታላቅ መልአክ
በችሎታችን መጠን እንድናመሰግን እግዚአብሔር ይርዳን፤
አምላክ ባለንበት ከሁላችን ጋር ይሁን፤ ምስጢሩን ይግለጥልን
አሜን፡፡
“ዑራኤል የተባለ መልአክ ሊረዳኝ መጣ፡፡” መ/ዕዝ. ሱቱ. 2፡1
በመንገድህ ሁሉ ይጠብቁህ ዘንድ መላእክቱን ስለ አንተ
ያዝዛቸዋልና፤ እግርህም በድንጋይ እንዳትሰናከል በእጆቻቸው
ያነሡሃል።
በተኵላና በእባብ ላይ ትጫማለህ፤ አንበሳውንና ዘንዶውን
ትረግጣለህ ::
በእኔ ተማምኖአልና አስጥለዋለሁ፤ ስሜንም አውቆአልና
እጋርደዋለሁ። ይጠራኛል እመልስለትማለሁ፥ በመከራውም
ጊዜ ከእርሱ ጋራ እሆናለሁ፤ አድነዋለሁ አከብረውለሁ። ረጅምን
ዕድሜ አጠግበዋለሁ፥ ማዳኔንም አሳየዋለሁ። መዝ.
90/91/፡11-16
አፈቅሮ ፈድፋደ፡- ዑራኤል ሆይ፣ ከመልኮች ሁሉ ይልቅ ያንተን
መልክአ ጸሎት እወዳለሁ፡፡ የመልክህ ስነ ጸዳል በደመ ወልድ
እግዚአብሔር የታተመ ነውና፡፡
ዑራኤል ሆይ፣ እግዚአብሔር ሀይሉን የሚገልጽብን መልአከ
ብርሃናት አንተ ነህ፡፡ በዐለተ ሥቅለት በደመ ወልድ ዓለምን
ለመቀደስ ከሁሉ ይልቅ አንተ ተሰይመሃልና፡፡ ስለክብርህ
የሰማይ መላእክት አደነቁ፡፡
ለተፈጥሮትከ፡-
ዑራኤል ሆይ፡- ያለ መናገር በጥንት አርምሞ ከነፋስና ከእሳት
ለተፈጠረ ተፈጥሮህ ሰላም እላለሁ፡፡ ዑራኤል ሆይ የተፈጥሮና
የይቅርታና የቸርነት ክቡር መልአክ ነህና ስለኛ ስለሰው ልጆች
ወደ ልዑል እግዚአብሔር ማልድ አማላጅነትህ ዘወትር ከጥፋት
ያድናልና፡፡
ለዝክረ ስምከ፡-
ዑራኤል ሆይ፡- ከማርና ከወተት ይልቅ ለሚጥመው ስም
አጠራርህ ሰላም እላለሁ፡፡
ዑራኤል ሆይ፡- ክፍልህ /ክንፍህ/ በደመ ወልድ እግዚአብሔር
የተከበረ /የታለለ/ ነውና፡፡ ለዓለሙ ሁሉ መድሃኒት ትሆን ዘንድ
ግሩም የሚሆን የእግዚአብሔር ሥልጣን በክብር ከፍ ከፍ
አደረገ፡፡ (መልክአ ዑራኤል)
“የእግዚአብሔር መልአክ በሚፈሩት ሰዎች ዙሪያ ይሰፍራል፥
ያድናቸውማል።” መዝ.33/34/፡7 የሊቀ መልአኩ የክዱስ
ዑራኤል ረድኤቱ በረከቱ ፍጹም አማላጅነቱ ከሁላችን ጋር
ይሁን፡፡
ካለመኖር ወደ መኖር ያመጣኝ፣ ካለማወቅ ወደ መረዳት
ያደረሰኝ አነሳስቶ ላስጀመረኝ አስጀምሮ ላስፈጸመኝ ጥንት
ላሌለው ቀዳማዊ ፍጻሜ ላሌለው ድህራዊ ያልኖረበት ጊዜ
የሌለ የማይኖርበት ጊዜም የማይኖር የዘላለም ንጉስ ሁሉን
ቻይ ፈጣሪ እግዚአብሔርን በራስ ፀጉሬ ቁትር በአጥንቶቼም
ልክ አመሰግናለሁ፡፡
በሰማይ ያሉ መላእክት በምድርም የሚኖሩ የአዳም ዘር ሁሉ
የሚያመሰግኗት በአማላጅነቷ ሁል ጊዜ የማትለየኝ ከፀሐይ
ሰባት እጅ የምታበራ የብርሃን እናት የሁሉ እመቤት የአምላክ
እናት ከተመረጡ የተመረጠች ከተለዩ የተለየች ከተከበሩ
የተከበረች እናቴ እመቤቴ ድንግል ማርያም በቃላት ልገልጸው
ከምችለው በላይ አመሰግናለሁ፡፡ ሌሊትና ቀን ቅዱስ ቅዱስ
ቅዱስ እያሉ የሰራዊት ጌታ እግዚአብሔርን የሚያመሰግኑና
ሳይሰለቹ የሚጠብቁን ሊቀነ መላእክት ቅዱስ ሚካኤል ቅዱስ
ገብርኤል ቅዱስ ሩፋኤል ቅዱስ ዑራኤል ቅዱስ ራጉኤል ቅዱስ
ፋኑኤል እልፍ አእላፋት የሆኑ ጠባቂ መላእክት ሳመሰግን
በደስታ ነው፡፡
በጸሎታቸው ያልተለዩኝን ጻድቃን አባቶቼን አቡነ
ተክለሃይማኖትን አቡነ ገብረምንፈስ ቅዱስን አቡነ
ሀብተማርያምን አቡነ አረጋዊን አቡነ ኪሮስንና ሌሎች ቅዱሳን
አባቶቼን እንዲሁም እናቶቼን ቅድስት ክርስቶስ ሰምራን
ቅድስት አርሴማን ብዙ ያልጠቀስኳቸው ቅዱሳንን ለማመስገን
ቃላት የለኝም፡፡
በሰማኝትነታቸው የጥንካሬ ምሳሌ የሆኑልኝ በጸሎታቸው
የረዱኝን ቅዱሳን ሰማዕታት ቅዱስ ጊዮርጊስን ቅዱስ
እስጢፋኖን መጥመቀ መለኮት ቅዱስ ዮሐንስንና ሌሎችን
ቅዱሳን ሰማዕታትን ሁሉ በእጅጉ አመሰግናለሁ ለዘላለሙ
አሜን፡፡
ወስብሐት ለእግዚአብሔር ለዘበቅዱሳኒሁ ይሴባሕ ይእዜኒ
ወዘልፈኒ ወለዓለም ዓለም አሜን፡፡ ወአሜን ለይኩን ለይኩን፡፡

ኦርቶዶክስ ተዋህዶ ነኝ: 21

21 21 21 21 21 21 21
# ራእየ_ማርያም
21 21 21 21 21 21 21
# እመቤታችን_በጎልጎታ_ስጸ
ልይ_ልጇ_ፈጣሪዋ_ጌታችን
_አምላካችንና_መድኃኒታች ን_ኢየሱስ_ክርስቶስ_የገ
ለጸላት_ምሥጢር_ራእየ_ማ ርያም ቀርቧልና ይነበብ...
21 21 21 21 21 21 21
በስመ አብ ወወልድ ወመንፈስ ቅዱስ አሐዱ አምላክ ንዌጥን
በረድኤተ እግዚአብሔር ሕያው ራእየ ማርያም ወላዲተ
አምላክ ጸሎታ ወበረከታ የሃሉ ምስሌነ ለዓለመ ዓለም
አሜን።
21
ማርያም ለዮሐንስ እንዲህ አለችው ረቂቅ ምሥጢር በልቡናየ
የማይታወቅ ጌታዬ ፈጣሪዬ ልጄ የገለጸልኝ ምሥጢር በጎልጎታ
ስጸልይ ዐርብ ቀን በቀትር ብሩህ ደመና መጥቶ ከ፫ቱ ሰማያት
አውጥቶ አስቀመጠኝ ሁሉንም አሳየኝ ከአንቺ ከፈለገ ሰማይ
ተወልጃለሁና አንቺም ሰላምታ ይገባሻል እኔም ዕጹብ ድንቅ
ምሥጢርን እገልጽልሻለሁ አለኝ። እኔም መለስኩለት ጌታዬ
ፈጣሪዬ እንዳልህ ይሁን አልሁት ወደታች እይ አለኝ ወደ ታች
ስመለከት ዓለምን ሁሉ አየሁ ሰብእሰ ከንቶ የመሰል
መውዋዕሊሁኒ ከመ ጽላሎት የኃልፍ ሰው ከንቱ ነገርን
ይመስላል ዘመኑም እንደ ጥላ ያልፋል ይጠፋል ነፍሱም
ከሥጋው ትለያለች ለዘለዓለም አትኖርም የምትኖርበትም
አይታወቅም መዝሙር ፻፵፫:፬
21
እንግዲህ ሰው ሁሉ በከንቱ ነውን አልሁት እሱም መልሶ ዳዊት
ያለውን አልሰማሽምን አለኝ ሰው ሁሉ በከንቱ ለምን ይኮራል
ዕለት ዕለትስ ለምን ኃጢአት ይሠራል ዳግመኛስ ጢስ ታይቶ
እንደሚጠፋ የሰውም አኗኗር እንዲሁ ነው አለኝ መዝሙር
፶፩:፩። እኔም መለስሁለት የጻድቃን ነፍስ ከሥጋዋ ስትለይ
አሳየኝ አልሁት። መለሰልኝ ጥቂት ቆዪ አሳይሻለሁ አለኝ።
ከዚህ በኋላ ፲፪ መላእክተ ብርሃን በእጃቸው የወርቅ መስቀል
የወርቅ ጥና ይዘው በደረታቸው የእግዚአብሔርን ምልክት
አድርገው የጻድቃንን ነፍስ ለመቀበል ሲወርዱ አየሁ።
ወደዚያች ነፍስ መላእክተ ጽልመትም መጥተው መረመሯት
ምክንያትም አጥተው ሄዱ መላእክተ ብርሃን ግን ፫ ጊዜ
ጋርደው ከሥጋዋ ስትለይ እንዲህ አሏት ደስ ሲያሰኛት
ሲመክሩዋት አንቺ ንጽሕትና ብርሕት ነፍስ ሆይ ደስ ይበልሽ
ዕፅፍ ድርብ ደስታ ይገባሻል ነይ ውጪ ወደ አገርሽ እንሂድ አሏት
አንቺ ንጽሕት ብርህት ነፍስ ሆይ ቅዱስ ዳዊት የዕድሜዬን
መጠኑን ንገረኝ በእኩሌታው ዕድሜዬ አትውሰደኝ ያለውን
አስተውለሻልና። መዝሙር ፻፩:፳፬።
21
ዳግመኛም ጳውሎስ ዛሬ የሚገዙ የሚነዱ ኋላ እንዳልገዙ
እንዳልነዱ ይሆናሉ ዛሬ የሚበሉ የሚጠጡ ኋላ እንዳልበሉ
እንዳልጠጡ ይሆናሉ። የዚህም ዓለም ንብረት ብልጽግና ኃላፊ
ጠፊ መሆኑን አስበሽ ዲያብሎስን ድል ነስተሽዋልና ዓለምንም
ንቀሽ ጉዱፍ እንደሆነ እንደመርገም ጨርቅ ጥለሽዋልና
የማያረጀውን የማይጠፋውን መርጠሻልና ለዘለዓለም የሚኖር
መንግሥተ ሰማያትን ወደሻልና ነይ ወደ ፈጣሪሽ እንሂድ አሏት
የዚያን ጊዜ ሌሎች መላእክተ ብርሃን ወረዱ የወርቅ ዝርግፍ
ዕንቁ የብርሃን ቀጸላ ፲፪ የብርሃን መብራት ይዘው ከብርሃን
አክሊሎች ጋር ወረዱ ብርሃናቸውም ከፀሐይ ከጨረቃ ፯ እጅ
ያበራል ክርስቶስም ከ፭ኛው ሰማይ ድረስ መጣ እኔም ያችን
ነፍስ ለመገናኘት ሄድኩ መላእክተ ብርሃን ዕልል አሉ እኔም
ከእርሳቸው ጋር ዕልል አልኩ ምእመናን ሁሉ በእጃቸው
አጨበጭበው በቃላቸው ዕልል ብለው ለእግዚአብሔር
ምሥጋና አቀረቡ ዳግመኛ ክብር ሞቱ ለጻድቃን በቅድመ
እግዚአብሔር ፊት የከበረ ነው እንዳለ መዝሙር ፻፲፭:፮።
21
ያችን ነፍስ ወደ እግዚአብሔር አቀረቧት ነፍስ ሆይ ደስ ይበልሽ
ደስታ ይገባሻልና ወደ ፈጣሪሽም እጅ ንሺ ስገጂ አሏት እርሷም
ሰገደች ፈጣሪዋንም እጅ ነሳች አስቀድሞ ይጠብቃት የነበረው
መልአክ እግዚአብሔርን እንዲህ አለው አቤቱ የዚያች ነፍስ
ምግባሯን ነገርኩት እንደ አውነተኛነቷ አክብራት አለው
በእውነት የሚፈርድ ጌታም እንደፈጠርኩሽ ንጽሕት ሆነሽ
የኖርሽ ነፍስ ሆይ እንዴት ነሽ ቃሌን ያላቃለልሽብኝ
ያላበላሸሽብኝ እኔም አላበላሽሽም ሥጋሽንም በጊዜ ምጽአት
አነሣዋለሁ በክብር ከእኔ ዘንድ ትኖሪያለሽ ብሎ በሰው እጅ
ያልተፈተለ ከወተት የነፃ ነጭ ልብሽ ሰጣት ከፀሐይ ከጨረቃ ፯
እጅ የሚያበራ ፫ አክሊለ ብረሃን አቀዳጃት ሚካኤልን ጠርቶ
ንሳ ወደ ገነት ውሰዳት በአብርሃም በይስሐቅ በያዕቆብ አጠገብ
ተቀምጣ በደስታ ትኑር ዳግመኛ እስክመጣ ድረስ ያንጊዜ
ዋጋዋን እከፍላታለሁ ከቅዱሳን ጋር ትቆየኝ አለው፡፡
21
መላእክተ እግዚአብሔርም ይህን ፍርድ በሰሙ ጊዜ አቤቱ
ጌታችን ፍርድህ የተቃና አገዛዝህም በእውነት ነው ብለው ደስ
አላቸው እኔም እንደነሳቸው ደስ አለኝ ያችንም ነፍስ ሸኙዋት
ወደ ገነትም አደረሷት ጻድቃን ሰማዕታት አብርሃምና ይስሐቅ
ያዕቆብ አባቶቻችን እናቶቻችን ባሉበት ቅዱስ ዳዊት
በመካከላቸው በገናውን እየመታ ተቀበሏት እንዲህም አሉዋት
ንጽህትና ብርሕት ነፍስ ሆይ ለዘለዓለም የሚኖር ደስታ ሕይወት
ወደ አለበት ነይ ውጪ አሏት ያችም ነፍስ ከነሱ ጋራ ሄደች፡፡
21
እኛም ከዚህ በኃላ ተመለስን እነኛም እንዲህ እያሉ ሃሌ ሉያ
ቅዱስ ቅዱስ ቅዱስ እግዚአብሔር ፀባኦት ፍጹም ምሉዕ
ሰማያት ወምድር ቅዱሳተ ስብሐቲከ ዳግመኛም ስብሐት ለአብ
ስብሐት ለወልድ ስብሐት ለመንፈስ ቅዱስ እያሉ ፈጣሪያቸውን
አመሰገኑ እኔም ልጄን እንዲህ ስል መለስሁለት የኃጥአን ነፍስ
ከሥጋዋ ስትለይ አሳየኝ አልሁት ጥቂት ቆዬ አሳይሻለሁ አለኝ
ወደታችም አየሁ መላእክተ ብርሃንና መላእክተ ጽልመት ወደ
ኃጥእ ነፍስ ሄዱ መላእክት ብርሃን ቀርበው ያቺን የኃጥእ ነፍስ
መረመሩዋት መልካም ነገር አጥተው ሄዱ ያን ጊዜውን
መንፈስ ቅዱስ ተለያት የገሃነም እሳት ሹም ቆሞ ከሆዷ ገባ ያቺ
ነፍስ በብዙ ጭንቅ ከሥጋዋ ተለየች ሞቱ ለኃጥእ ጽዋግ የኃጥእ
ሞት የከፋ ነው እንዳለ መዝሙር ፴፫:፳፩
21
በክፋቷ በእሳት በትር በእሳት አለንጋ እየደበደቡ እያገረፉ ከሥጋዋ
ለይተው ወሰዷት አንቺ ነፍስ ወደ ማን ትሄጂ እግዚአብሔርን
አታውቂ እያሉ ሲደፏት ሲያዳፏት ወሰዷት ያቺም ነፍስ ኩነኔ
መኖሩን አላውቅም ነበር አውቄ ቢሆን ልልበስ ልብላ ልጠጣ
አልልም ነበር አሁንም ስለእግዚአብሔር ስለእግዝእትነ
ማርያም ደከመኝ አሳርፉኝ አለች ፈጣሪሽንና ማርያምን የካድሽ
ወንጀለኛ አናሳርፍሽም አሏት ሁለተኛም ስለ እግዝእትነ
ማርያም ደከመኝ አሳርፉኝ አለች ማርያም ወዴት
ታውቂያታለሽ እያሉ ሲወስዷት አይቼ ብዙ አለቀስኩ ብዙም
አዘንኩ ልጄን እንዲህ አልኩት ሰው ሆኖ የማይበድል እንጨት
ሆኖ የማይጤስ የለምና እባክህ ማርልኝ አልኩት፡፡
21
ልጄም መለሰልኝ አትዘኝ እናቴ ሆይ ሰው በምድር መልካም
ግብር ካልሰራ መማር አይገባውም አለኝ፡፡ ያን ጊዜ ልቅሶ
አበዛች ይህች ነፍስ ስለእግዝእትነ ማርያም ጥቂት አሳርፉኝ
እያለች ጩኸቷን ማብዛቷን በሰማሁ ጊዜ መሪር ዕንባ
አለቀስሁ ልቅሶዬንም ልጄ በሰማ ጊዜ ስለ እናቴ ስለ ማርያም
ብላችሁ ጥቂት አሳርፏት ይህቺን ነፍስ አለ ያቺንም ነፍስ ጥቂት
አሳረፏት፡፡ ከዚያም በኃላ አንቺ ጎስቋላ ነፍስ ወዴት ትሄጃለሽ
መግቢያሽ ወዴት ነው ወዮለሽ ወዮታ አለብሽ እያሉ ወሰዷት
ከኃጥእም ቦታ አደረሷት አቡሃ ለሐሰት የሐሰት አባት ሐሰት
የሚያናግር ሰው የሚያሳማ ዝሙት የሚያሰራ ወደ መሸታ ቤት
የሚያኬድ ዘፈን የሚያስወድድ ነፍስ የሚያስገድል ሰይጣን ወደ
እርስዋ ከጭፍሮቹ ከመላእክተ ጽልመት ጋር ተሸቀዳደመው
ሄዱ መረመሯትም ወገናቸው ሆና አገኙዋት አንቺ ጎስቋላ ነፈስ
ወደ ማን ትሄጂ ወደ መንግሥተ ሰማያት ትገቢ ትወጃለሽን
እያሉ ተዘባበቱባት ሠራዊተ መላእክት ካሉበት አደረሷት
በመካከላቸው ብትቆም ይህቺን የተረገመች ነፍስ ውሰዱልን
አሉ ሽታዋ አስቸገረን ብለው ጮሁ፡፡
21
ከዚህም በኃላ አንቺ ርግምት ነፍስ ወዮልሽ ወዮታ አለብሽ እያሉ
ወደ ሰማይ አወጧት ከእግዚአብሔር ፊት አደረሷት የፈጠረሽ
እግዚአብሔር ይህ ነው ስገጂ እጅ ንሺ አሏት ያችም ነፍስ
ሰገደች እጅም ነሳች ቀድሞ ይጠብቃት የነበረው መልአክ
ውቃቢ እቤቱ ጠብቅ ያልከኝ ነፍስ ይህቺው ብሎ ለጌታ
አቀረባት ጌታም መልሶ ነፍስ ሆይ ለምን በደልሽኝ ፀሐይና
ጨረቃን እያፈራረቅሁ ሳወጣ ከጻድቃን አለየሁሽ እህልን
ለምግብ ወሀን ለመጠጥ ዕፅዋትን አትክልትን ፈጠርኩልሽ
የነፍስሽን መድኃኒት መልካም ግብር መሥራት ለምን እረሳሽ
ቢላት እኔ ኩነኔ መኖሩን አላወቅም ነበር አውቄ ቢሆን ልብላ
ልጠጣ ልልበስ አልልም ነበር፡፡ ጌታም ካህናትና መጻሕፍት
ካንቺ ዘንድ አልነበሩምን ለምን አልሰማሻቸውም ለነፍስሽ
ስንቅ መልካም ግብር ለምን አልሰራሽም ብሎ ቢጠይቃት
እርሷም የምትመልሰው ብታጣ ዝም አለች፡፡ ከዚህ በኃላ ጌታ
በምድር መልካም ግብር ያልሰራ መማር አይገባውምና ንሱ
ወደ አባቷ ወደ ሰይጣን ውሰዷት ለገሃነመ እሳት ሹም
ለጥልምያኮስ ስጧት አለ ዳግመኛም እስክመጣ ድረስ በሲኦል
በጨላማ ቤት ትኑር አለ ይሀንንም በሰማች ጊዜ ጮኸች ወይኔ
ሳልፈጠር በቀረሁት ይሻለኝ ነበር የተወለድኩባት ቀን ርጉም
ትሁን ብላ አለቀሰች ያች ነፍስ ብታለቅስ ሁላችንም አለቀስን
መላእክትም አክሊላቸውን አውርደው አለቀሱ፡፡
21
ቅዱስ ዳዊትም ቦኑ ለከንቱ ፈጠርኮ ለሰብእ በውኑ የሰውን ልጅ
ለከንቱ ፈጥረኸዋልን እንዳለ መዝሙር ፹፰፡ ፵፯ ጌታም
ወምንት ይበቁዖ ለሰብእ ለእመ ኩሎ ዓለመ ረብሀ ወነፍሶ ኅጎለ
ሰው ሁሉ ዓለምን ቢገዛ ቢነዳ ነፍሱን ካጣ ምን ይጠቅመዋል
እንዳለ ማርቆስ ፰፡፴፮ ለዚያች ነፍስ ሁላችንም አለቀስን፡፡
21
ከዚህ በኃላ ልጄ እንዲህ አለኝ ወደ ገነት እንሂድ አለኝ ሂጄም
ጻድቃን ሰማዕታት ደናግል መነኮሳት መልካም ሰዎች
የሚኖሩበትን አየሁ ወደላይ አወጣኝ ሥሩ የማይታይ ከትልቅ
ገደል አደረሰኝ ከዚያው ፯ ብርሃናትን ከፀሐይ ከጨረቃ ፲፪ እጅ
የሚያበሩ አየሁ ፩ አረጋዊ (ሽማግሌ) ሰው መጥቶ ማርያም
ሆይ አንቺ የከበርሽ የማኀፀንሽም ፍሬ የከበረ ነው አንቺን ያዩ
ዓይኖቼ የከበሩ ናቸው ብሎ እጅ ነሳኝ ልጄን ይህ ሰው ማነው
ብየ ጠየቅሁት ሄኖክ ነው አለኝ፡፡
21
ዳግመኛም እንደሱ አንድ ሰው መጥቶ እጅ ነሳኝ ልጄን ይህስ
ሰው ማነው አልሁት ኤልያስ ነው አለኝ ከዚህ በኃላ ከታች አስከ
ላይ በወርቅ ቀለም የተጻፈ ዓምድ ወርቅ አየሁ ቁመቱ
በመላኩ ክንድ ፲፭ ይሆናል ጽሕፈቱም ረቂቅ ነው እኔም
ይኸንን አይቼ ልጄን ጠየቅሁት ይህ ረቂቅ ጽሕፈት የተጻፈበት
ዓምድ ወርቅ ምንድነው አልሁት የጻድቃን ስማቸው ነው አለኝ
የፊታቸው መልክ ብቻ ነው የተጻፈው ብዬ ብጥይቅ አይደለም
ሁለንተናቸውም ተጽፏል እንጂ አለኝ ሳይወለዱ ነው ከተወለዱ
በኃላ ብለው ካባታቸው ከአዳም በፊት ተጽፈዋል አለኝ፡፡
21
ዳግኛም በዓምደ ወርቅ ከተጻፈው ጽሕፈት የሚበልጥ
የተጻፈበት የእሳት ዓምድ ወርቅ አየሁ በዚያ በእሳት ዓምድ ላይ
የተጻፉ እነማን ናቸው ብለው ኃጥአን ናቸው አለኝ ሳይፈጠሩ ነው
ከተፈጠሩ በኃላ የተጻፈው ብለው ለዚህ ለሥቃይ አስቀድመው
የተጻፉ ናቸው ብሎ አለኝ መጽሐፍ ያለውን አልሰማሽምን አለኝ
ቦ እለ ተሐርዩ እምከርሠ እሞሙ እመሂ ለሢመት ወእመሂ
ለነዲ ከእናታቸው ማኀፀን የተመረጡ ለሹመትም ሆነ ለድኀነት
አሉ እንዳለ ቅዳሴ አትናቴዎስ ቁ. ፻፲፫።
21
ከዚህ በኃላ ወደሌላ ቦታ ወሰደኝ ከፀሐይ ከጨረቃ ፲፪ እጅ
የምታበራ አገር አየሁ በየሰዓቱ ፼ ፼ የሚያፈራ ብዙ ፍሬ ያለው
ብዙ አትክልትም አየሁ ዳግመኛም ተምር ገውዝ ለውዝ ሎሚ
ትርንጎ ፬፼ ከ፷፯ አትክልት መዓዛቸው ልቦና የሚመስጥ በዚያ
ቦታ አየሁ ልጄንም ጠየቅሁት ይህ ቦታ ለማን ይሆናል አልሁት
ወንድ በ፩ሴት ሴት በ፩ ወንድ ተወስነው በንጽሕና ቢኖሩ በሞቱ
ጊዜ መኖሪያቸው ይህ ነው በልቡናቸው ንጹሕ የሆኑ ሰዎች
እግዚአብሔርን ያዩታል ወደ እግዚአብሔርም ይወስዱዋቸዋል
እንዳለ ማቴዎስ ፭:፰።
21
ከዚህ በኃላ በዚህ ቦታ አንፃር የወይን ወንዝ ወደአለበት ቦታ
ወሰደኝ በዚያም ቦታ ደጋጎች አባቶቻችን አዳም አቤል ሴት
መላልኤል ቃይናን ያሬድ አልፋስክድ የቀደሙ አባቶቻችን ሁሉ
አሉበት መጀመሪያ አባታችን አዳም መጥቶ ማርያም ሆይ
እንዴት ነሽ አለኝ አንቺን ያዩ ዓይኖቼ ንዑዳት ክቡራት ናቸው
አለኝ አቤልም መጥቶ አንዴት ነሽ አለኝ የቀደሙ አባቶቻችን
ሁሉ እየመጡ መልካሚቱ ርግብ ማርያም ሆይ እንዴት ነሽ
አንቺን ያዩ ዓይኖቻችን ንዑዳት ክቡራት ናቸው ብለው እጅ ነሡኝ
ሰገዱልኝ ከዚህ በኃላ የመዓር ወንዝ ወዳለበት ወሰደኝ በዚያው
ቦታ ሙሴ አሮን አሞጽ ኢሳይያስ ናሆም ኤርሚያስ ሶፎንያስ
ነቢያት ሁሉ ኤልሳቤጥ ራሔል ሣራ ርብቃ የጸደቁ ሴቶች ሁሉ
አሉ የነቢያት አለቃ ሙሴ መጥቶ እጅ ነሣኝ ሰገደልኝ ፀምር
ፀዐዳ ማርያም ሆይ እነዴት ነሽ አለኝ አንቺን ያዩ ዓይኖች
ንዑዳት ክቡራት ናቸው አለኝ ነቢያትም ሁሉ መጥተው እጅ
ነሡኝ ሰገዱልኝ ጽርሕ ንጽሕት ማርያም ሆይ አንቺን ያዩ
ዓይኖቻችን ንዑዳት ክቡራት ናቸው ብለው እጅ ነሡኝ ሰገዱልኝ
እናቴ ሔዋን መጥታ እንዴት ነሽ አለችኝ ጽርሕት ንጽሕት
እንዴት ነሽ አለችኝ ጽርሕት ንጽሕት ማርያም ሆይ አንቺን ያዩ
ዓይኖቼ ንዑዳት ክቡራት ይሁኑ አለችኝ ክቡራት ቅዱሳት
አንስትም ሁሉ መጥተው እጅ ነሡኝ ሰገዱልኝ የእግዚአብሔር
ማደርያ እንዴት ነሽ አሉኝ ከዚህ በኃላ የወተት ወንዝ ወደአለነት
ቦታ ወሰደኝ በዚያ ቦታ ሄሮድስ የገደላቸው ፲፬፼ ከ፬፻ ሕፃናት
አሉ እነሱም ባዩኝ ጊዜ መጥተው እጅ ነሡኝ ሰገዱልኝ የደናግል
መመኪያቸው ማርያም ሆይ አንቺ ከሁሉ ይልቅ የከበርሽ ነሽ
አንቺን ያዩ ዓይኖቻችን የከበሩ ይሁኑ ብለው እጅ ነሡኝ
ሰገዱልኝ፡፡
21
ከዚህ በኃላ የወይን ወንዝ ወደአለበት ቦታ የሚኖሩ እነማናቸው
አልሁት ባልንጀራቸውን እንደራሳቸው ማለት እንደ ነፍሳቸው
የሚወዱ ለተራበ ያበሉ ለተጠማ ያጠጡ ለታረዘ ያለበሱ ሰዎች
በሞቱ ጊዜ ወደ እግዚአብሔር ይወስዳቸዋል እጅ ለመንሳት
ለመስገድ ወደፈለገ ሰማይ ሲወስዳቸው ቅዱሳን መጥተው
ይቀበሏቸዋል ዓለምን ድል ነሥተዋልና ዲያብሎስን
አሸንፈዋልና መልካም ግብር በመሥራት በእውነት ጎልማሶች
ናቸውና አገራችሁ ግቡ እንደኛ ደስ ይበላችሁ ይሏቸዋል አለኝ፡፡
21
ዳግመኛም ልጄን የማር ወንዝ ወደአለበት ቦታ እነማን
ይኖራሉ አልሁት ለችግረኛና ለምስኪን አስቦ የሚሰጥ እሱ
ምስጉን ነው እግዚአብሔር ከክፉ ቀን ያድነዋል ይጠብቀዋልም
ሕያውም ያደርገዋል፡፡ በምድር ላይ በሕይወት ሥጋ
በሚኖርበር ጊዜ ያስመሰግነዋል በጠላቶቹም እጅ አሳልፎ
አይሰጠውም ታምሞ በአልጋው ላይ ይረዳዋል፡፡ መልካሙን
ምንጣፍ ያነጥፍለታል እንዳለ ቅዱስ ዳዊት መዝሙር ፵፡፩ ፡፡
ዳግመኛም እግዚአብሔር ይራራላቸዋል ደካማውን ከብርቱ
ረዳት የሌለውን ከቀማኛ እጅ ያድናቸዋል ከግፍና ከነፍስ
ጭንቀት ይሠውራቸዋል፡፡ ለሰው የሚራሩ ሰዎች ከቡራን
ናቸው፡፡ መዝሙር ፸፩፡፳ የተበደሉ ሰዎች መንግሥተ
ሰማያትን እጅ ያደርጓታልና ለተበደለ የሚራራ እናት አባት
ለሌለው እናት አባት የሚሆን ክርስቲያንም አረመኔም ቢሆን
ሁሉም የእግዚአብሔር ፍጥረት ነውና ለድኃ ሁሉ የሰጠ በቅንነት
የሚሄድ ጽድቅንም የሚያደርግ ልቦናው ተንኮል የሌለበት
በአንደበቱ ዕውነትን የሚናገር በሰውነቱ ክፋት በቃሉ ሐሰት
የማይገኝበት በባልንጀራው ላይ ክፋትን የማያደርግ ወገኖቹን
የማይዘልፍ የማይሳደብ እግዚአብሔርን የሚፈራ ሰውን
የሚያከብር ባልንጀራውን የማይከዳ ገንዘቡን በአራጣ
የማያበድር ከንጹሑ ላይ መማለጃን ጉቦን የማይቀበል ፍርድን
የማያጓድል ድሀን የማይበድል የከበረ ነው እንዳለ ሮሜ. ፩፡፲፫
ለመስጠት እጃቸውን የዘረጉ ሰዎች በሞቱ ጊዜ ከእግዚአብሔር
ዘንድ ያቀርቧቸዋል እጅ ነሥተው ሰግደው ወደዚህ ያመጧቸዋል
ዋጋቸውንም ያሰጣቸዋል በዚህ ቦታ ለዘለዓለም ደስ ብሎአቸው
ይኖራሉ አለኝ፡፡
21
ዳግመኛም የወተት ወንዝ ወዳለበት ቦታ እነማን ይኖራሉ
አልሁት፤ ከዝሙት ሰውነታቸውን ንጹሕ ያደረጉ ሴቶቸም
በድንግልና የኖሩ በሞቱ ጊዜ ወደ እግዚአብሔር ይወስዳቸዋል
ዋጋቸውንም ይሰጣቸዋል፤ በዚያው ቦታ ደስ ብሏቸው ይኖራሉ
አለኝ፤ ከዚህ በኋላ በወርቅ በዕንቁ የተሸለመች ከፀሐይ
ከጨረቃ ፪ እጅ የምታበራ ምድር አሳየኝ፤ ይህ ቦታ ለማን
ይሆናል ብዬ ልጄን ጠየቅሁት መለሰልኝ፤ አንደበቱን ከሐሜት
የጠበቀ ኩራት የሌለበት ባልንጀራውን የማያዋርድ ምክንያተ
ሐኬት የሌለበት፤ በልቡናው ቂም በቀል የማያኖር የዋህ የሆነ
እነዚህ ሁሉ በሞቱ ጊዜ ወደ እግዚአብሔር ይወስዱዋቸዋል
እጅ ነሥተው ሰግደው ያመጧቸዋል፤ የዋሃንስ ይወርስዋ
ለምድር፡፡ የዋሃን መንግሥተ ሰማይትን ወርሰው በውስጧ
ይኖራሉ፡፡ እንዳለ መዝሙር ፲፬:፪-፭ ዋጋቸውን ይህንን
ይሰጣቸዋል አለኝ፡፡
21
ዳግመኛም በዚህ ቦታ አንፃር ብዙ ሰዎች ተበትነው አየሁ በገነት
በር ብዙ ፍሬ ያለው የሚመስል ትልቅ ዛፍ አለ እነዚያ ሰዎች
ፍሬ ያለው መስሎአቸው በተራቡ ጊዜ ለመብላት ወደ ላይ
ሲወጣ ይወጣሉ፤ ወደታች ሲወርድ ይወርዳሉ ፍሬውን
አያገኙትም ይኸንን ባየሁ ጊዜ መሪር ዕንባ አለቀስኩ ልጄንም
ጠየቅሁት እሊህ ሰዎች ምንድር ናቸው፡፡ አልሁት፤ ይህስ ዕጽ
ምንድር ነው እኔ ዛፉ ፍሬ ያለው መስሎኝ ነበር እነዚህ የተራቡ
ሰዎች ፍሬውን ለመብላት ወደታች ሲወርዱ ይወርዳሉ፡፡
ወደላይ ሲወጣ ይወጣሉ ፍሬውን አላገኙትም ነገሩ ምንድር ነው
አልሁት እረሱም የነዚህን ሰዎች ኃጢአት እነግርሻለሁ አለኝ
በጾም በጸሎት የተጸመዱና በትዕግሥት ፍጹማን ቢሆኑ ለተራቡ
አላበሉም ለተጠማ አላጠጡም ለታረዘ አላለበሱም እንግዳ
አልተቀበሉም ትዕቢተኞች ኩራተኞች ናቸው አለኝ እነዚህ ቃላት
ሰውን ያስኮንናሉን ብዬ ልጄን ጠየቅሁት መለሰልኝ ከነዚህ
ከ፫ቱ ኃጢአት የበለጠ የለም ዲያብሎስም በትዕቢቱና በኩራቱ
ተዋርዷልና አለኝ፡፡ እንዲህም ብዬ ልጄን ጠየቅሁት አስከ መቼ
ድረስ ይኮነናሉ አልሁት ጻድቃን ስለእነርሳቸው
ስለሚለምኑላቸው ዳግመኛ እስከመጣ ድረስ ነው እኔም
እምራቸዋለሁ አልጥላቸውም ወደመንግሥተ ሰማያት ይገባሉ
አለኝ፡፡ ይኸንን በሰማሁ ጊዜ ልጄን አመሰገንኩት፡፡
21
ከዚህም በኃላ ወደሌላ ቦታ ወሰደኝ ከወርቅ መርከብ ላይም
አወጣኝ ወስዶም ከቤት አገባኝ ያች ቤትም ከፀሐይ ከጨረቃ
ይልቅ ታበራለች በውስጧም ብርሃኑን የሚያንፀባርቅ የግምጃ
ምንጣፍ ወሳንሳ ተነጥፎባታል የወርቅ የብርሃን አልጋ
ተዘርግቶባታል ይህች ቦታ ለማን ትሆናለች ብዬ ልጄን
ጠየቅሁት እግዚአብሔር እንድ ያደረጋቸው ባልና ሚስት
አይለያዩም ባልና ሚስት አንድ አካል ናቸው እንዳለ ማቴ. ፲፱፡፯
።
21
ወንድ በአንድ ሴት ሴት በአንድ ወንድ ተጠብቀው ቢኖሩ በሞቱ
ጊዜ ከዚህ ቦታ ያገባቸዋል ለዘለዓለምም ደስ ብሎአቸው
ይኖራሉ አለኝ፡፡ ከዚህ በኋላ ፬ሺ ከ፬፻ እንደ ፀሐይ የሚያበሩ
መናብርተ ብርሃን አየሁ እሊህ ማናብርት ለማን ይሆናሉ ብዬ
ልጄን ጠየቅሁት በስሜ ስለማመን የሚያስተምሩ ናቸው
አለኝ፡፡ ሁሉም ይጠሏቸዋል ሁሉም ይደበድቧቸዋል
ይገድሏቸዋል ኋላ ግን ከራሳቸው ፀጉር አንዲት አትጠፋም፡፡
በመቻላችሁ ነፍሳችሁን ታድኗታላችሁ እንዳለ ማቴዎስ ፲፡፳፪
፡፡
21
ሲርባቸው ሲጠማቸው ከሀገር ወደ ሀገር ሲሰደዱ ዓለምን የናቁ
ስለሃይማኖት ሰውነታቸውን ለሞት አሳልፈው የሰጡ ፲፪
ሐዋርያት ፸፪ አርድእት እነዚህ ሁሉ ይቀበሏቸዋል አለኝ፡፡
የቅዱሳን ሠራዊት ሁሉ የእግዚአብሔር ማደሪያው ማርያም
ሆይ እንዴት ነሽ ብለው እጅ ነሡኝ ሰገዱልኝ ከዚህ በኋላ
ወደሌላ ቦታ ወሰደኝ ከፀሐይ ከጨረቃ ይልቅ የሚያበሩ ፪፻
ቤተ ክርስቲያን አየሁ እነዚህ ለማን ይሆናሉ ብዬ ልጄን
ጠየቅሁት ለጳጳሳት ለኤጲስ ቆጶሳት ለቀሳውስት ለዲያቆናት
ለአናጎንስጢስ ለመዘምራን ይሆናሉ አለኝ ሁሉም ይገባሉ ብዬ
ጠየቅሁት አይገቡም ጥቂት ናቸው የሚገቡት አለኝ እግዚኦ
እግዚኦ እያሉ የሚዘባበቱብኝ ሁሉ ከመንግሥተ ሰማያት
አይገቡም የአባቴን ፍቃድ የፈጸሙ ይገባሉ ብዬ የተናገርኩትን
አልሰማሽምን አለኝ ማቴዎስ ፲፭:፬ ፡፡
21
ሰውነታቸውን ከዝሙት ንጹሕ ያደረጉ ከሰው ሚስት ያልሄዱ
ኩራት የሌለባቸው ትእቢት ምቀኝነት የሌለባቸው ቂም
በልቦናቸው ያላኖሩ ከአንድ ሴት ወደ አንድ ሴት ከአንድ ወንድ
ወደ አንድ ወንድ የማይሉ ቁጡና ሰካራም ያልሆኑ ለጣኦት
ያልሰገዱ በአምልኮ ባዕድ ያላመለኩ በሐሰት ያልማሉ ቤተ
ክርስቲያን የሚያዘወትሩ በንጹሕ ሆነው ሥጋዬን ደሜን
የሚቀበሉም የሚያቀብሉ ሰዎች እነዚህ ናቸው ከመንግስሥተ
ሰማያት የሚገቡ እነዚህን የነገርኩሽን ቃላት ያልፈጸሙ
መንግሥተ ሰማያት አይገቡም አለኝ፡፡
21
ከዚህ በኋላ ወደ ኢየሩሳሌም ሰማያዊት አደረሰኝ የእሳት
መጋረጃ ያለበት የብርሃን ቤተ መቅደስ አየሁ በእጁ መሰንቆ
በገና ይዞ እየመታ እንደ ፀሐይ የሚያበራ አንድ ሰው አየሁ ያም
ሰው መሰንቆ በገና ሲመታ ምድሯን ያናውጻታል ከኢየሩሳሌም
ደጁ ቆሟል እኔም በገባሁ ጊዜ ወደእኔ መጣ ማርያም ሆይ
ከሁሉ ይልቅ አንቺ የከበርሽ ነሽ ብሎ እጅ ነሳኝ ሰገደልኝ የዚህ
ሰው ስሙ ማነው፤ ብዬ ልጄን ጠየቅሁት ቅዱስ ዳዊት ነው
አለኝ ሃሌ ሉያ ብሎ ሲያመሰግን ሰምቼው፡፡ ሃሌ ሉያ ሲሉ
የሰማኋቸው በዳዊት ቃል ምስጋና ሁሉ ተነግሯልን ብዬ ልጄን
ጠየቅሁት አዎን ምስጋና ሁሉ በዳዊት ቃል ተነግሯል አለኝ
እኔም መልሼ ሃሌ ሉያ ማለት ምን ማለት ነው ብዬ ልጄን
ጠየቅሁት ዓለም ሳይፈጠር የነበረ ዓለምን አሳልፎ የሚኖር
አምላክ የተመሰገነ አምላክ ማለት ነው አለኝ ሃሌ ሉያ ቢል
ለሰው ምስጋና ይሆንለታልን ብዬ ጠየቅሁት አወን በጥቡዕ
ልቡና ሆኖ ሃሌ ሉያ ብሎ ቢያመሰግን ምስጋናው እንደ
መላእክት ይሆንለታል አለኝ ዳግመኛም መለስሁለት ሰው
የታመመ እንደ ሆነ ተኝቶ ቢጸልይ ኃጢአት ይሆንበታልን
አልሁት ለድውይ አይሆንበትም አለኝ፡፡ ከዚህ በኋላ ወደሌላ ቦታ
ወሰደኝ የወርቅ ልብስ ያለበት ዳርቻው የማይታወቅ እንደ
ፀሐይ የሚያበራ አገር አሳየኝ ይህ ቦታ ለማን ይሆናል ብዬ
ልጄን ጠየቅሁት ንብረታቸውን ትተው ዓለመን ንቀው ለመነኑ
ሰዎች ይሆናል አለኝ ይህችን ሀገር የሚያውቃት የለም፡፡ ካህናተ
ሰማይ አይገቡም ከበር ይቆማሉ እንጂ የባሕርይ አባቴ አብ
የሕይወት መንፈስ ቅዱስ እነገባለን አንቺም ግቢ ሀገር
ይሁንልሽ አልኝ ፫ሺ መላእክት ያገልግሉሽ አለኝ መነኮሳት ሁሉ
ይጋባሉን ብዬ ጠየቅሁት ሁሉም አይገቡም አለኝ ሰውነታቸውን
ከዝሙት ንጹሕ ያደረጉት ዓለምን ንቀው የመነኑ ደስታን
ተድላን የጠሉ ቁጡ ያልሆኑ ትዕቢት ኩራት የሌለባቸው ቂም
በልቦናቸው ያላኖሩ ሰውን ከሰው የማያጣሉ ንዝኅላል ያልሆኑ
በየጊዜው በየሰዓቱ ጸሎት የሚያደርጉ ይገባሉ አለኝ በጾም
ተጸምዶ የሚኖር መነኩሴ የሚበልጠው የለም ብሎ መጽሐፍ
የተናገረውን አልሰማሽምን ዳግመኛም ገንዘብ አግኝቶ
ከሚመጸውት መነኩሴ ገንዘብ የሌለው በትምህርትና በጸሎት
ተጸምዶ የሚኖር መነኩሴ ይበልጣል ዳግመኛም ጳውሎስ እኔ
በዓለም ዘንድ ምውት ነኝ ዓለምም በኔ ዘንድ ምውት ናት
እንዳለ፡፡
21
ይኸንን ሁሉ የፈጸመ መነኩሴ ከመንግሥተ ሰማያት ይገባልን
ብዬ ብጠይቀው የማይገቡትን እነግርሻለሁ አለኝ ትዕቢተኞች
ኩራተኞች ሴሰኞች ባልንጀሮቻቸውን የሚጠሉ ባንደበታቸው
እራሳቸውን ከፍ ከፍ የሚያደርጉ መነኮሳትም ሆነው ተሾመው
የሚገዙ የሚነዱ በፈረስ በበቅሎ የሚሄዱ ከቆብ በኋላ
የሚሰስኑ ለሆዳቸው የሚገዙ አለልክ የሚበሉ የሚጠጡ ሁል
ጊዜ ዛሬ ዓመት በዓል ነው እያሉ ለመብል የሚዘጋጁ እነዚህ
መንግሥተ ሰማያት አይገቡም አለኝ ዳግመኛም ነይ ወደ
ምዕራብ እንሂድ የኃጥአን ነፍስ የሚኖሩበትን አሳይሻለሁ አለኝ
ወስዶ በሰማይና በምድር ዳር ከባሕር ዳርቻ አደረሰኝ የእሳት
ባሕር ያለበት የገሃነም ቦታ አሳየኝ ይህ ቦታ ለማን ይሆናል ብዬ
ልጄን ጠየቅሁት በመልካም ግብር ያልተገኙ በኃጢአት የኖሩ
ቦታቸው ይህ ነው አለኝ በዚያ በባሕር ውስጥ ብዙ ሰዎች
ከጉልበታቸው ድረስ ከእንብረታቸው ድረስ ከደረታቸው ድረስ
ከአንገታቸው ድረስ ከከንፈራቸው ድረስ ከእራሳችው ድረስ
የእሳት ባሕር ያጠለቃቸው አየሁ ከጉልበታቸው ድረስ
ያጠለቃቸው እነማን ናቸው ብለው በ፫ ጊዜያት ጸሎት የማይዙ
ናቸው አለኝ፡፡ ከእንብረታቸው ድረስ ያጠለቃቸው እነማን ናቸው
አልሁት ከቤተ ክርስቲያን ውስጥ ዋዛ ፈዛዛ የሚጫወቱ ናቸው
አለኝ ከደረታቸው ድረስ ያጠለቃቸው እነማን ናቸው ብለው
ከቆረቡ በኋላ እህል ውሀ ሳይቀምሱ የሚናገሩ ናቸው አለኝ
ከአንገታቸው ድረስ ያጠለቃቸው እነማን ናቸው ብለው
ባልንጀሮቻቸውን የሚያሙ ናቸው አለኝ ከከንፈራቸው ድረስ
ያጠለቃቸው እነማን ናቸው ብለው ባልንጀራውን እንግደል
የሚሉ ናቸው አለኝ፡፡ ከራሳቸው ድረስ ያጠለቃቸው እነማን
ናቸው ብለው ከጽቅረ ቤተ ክርስቲያን ሴት የሚተኙ ናቸው
አለኝ፡፡ ከዚህም በኋላ ከሥር እስከ ጫፍ ከጫፍ እስከ ሥር
ድረስ በ፭ ሺህ ዓመት የማይደረስ ትልቅ ገደል አሳየኝ ያንዱ
ነፍስ ባንዱ ነፍስ ላይ ሲወድቅ አየሁ እኔም ምንድር ናቸው ብዬ
ልጄን ጠየቅሁት ባባታቸው በወንድማቸው በልጃቸው
በባልንጀራቸው ሚስት የሚሰስኑ ናቸው አለኝ ሴት አራስ ሆና
ወይም መርገሟ በመጣ ጊዜ በሩካቤ ሥጋ የሚገናኙና እንስሳን
ምድርን ሰንጥቀው የሚያወስቡ ወንዱንም በግብረ ሰዶም
የሚያመነዝሩ ካህን ሆኖ ከሌላ ሴት የካህኑም ሚስት ከሌላ
ወንድ ቢሄዱ እነዚህ ሁሉ የኩነኔ ቦታቸው ይህ ነው አለኝ ከዚህ
በኋላ ሌላ ቦታ አሳየኝ ፬ መላእክተ ጽልመት ተሸክመው
ወስደው በእሳት አልጋ አስቀመጠው በእሳት ፍላፃ ሲነድፉት
የእሳት ውሀ ሲአፈሱበት ፩ ሽማግሌ ሰው አየሁ ባየሁትም ጊዜ
ብዙ አለቀስሁ ይህ ሰው ማነው ብዬ ልጄን ጠየቅሁት ጳጳስ ነው
አለኝ ኃጢአቱንም እነግርሻለሁ አለኝ፡፡ የቤተ ክርስቲያንን ሥነ
ሥርዓት አልተከተለም በሕጌ ተጠብቆ አልኖረም ሥጋዬን
ደሜን ያረከሰ ነው ዘመኑንም በዝሙት የፈጸመ ነው ዳግመኛ
እንግዳ አልተቀበለም ለተራቡ አላበላም ለተጠማ አላጠጣም
ለታረዘ አላለበሰም የታመመ አልጠየቀም ያዘኑትን አላረጋጋም
የታሠሩትን አላስፈታም ስለዚህ የዘለዓለም ቦታው ይህ ነው
አለኝ፡፡ ከዚህ በኋላ ፬ መላእክተ ጽልመት በእሳት መንዶ
እየደበደቡ ከእሳት ባሕር ሲጨምሩት ፩ ታላቅ ሰው አየሁ፡፡ ይህ
ሰው ማነው ኃጢአቱስ ምንድር ነው ብዬ ጠየቅሁት፡፡ ሊቀጳጳስ
ነው ኃጢአቱን እነግርሻለሁ አለኝ ፩ነቴን ፫ነቴን ለሕዝብ
አላስተማረም እራሱን ወዳድ የግል ጥቅሙን ፈላጊ ነገሥታትን
መኳንንትን አይመክርም ፍርድ ሲጓደል ድሀ ሲበደል ዳኞችን
አይገሥጽም አያስተምርም ስለዚህ የዘለዓለም ኩነኔው ይህ ነው
አለኝ፡፡
21
ከዚህ በኋላ የመለኮትን ሥጋ ስትበላ ትራባለህን የመለኮትን ደም
ስትጠጣ ትጠማለህን ብለው በአፉ እሳት ሲያጎርሱት እሳት
ሲያጠጡት መላእክተ ጽልመት ሲጎትቱት አንድ ሰው አየሁ ይህ
ሰው ማነው ኃጢአቱስ ምንድር ነው አልሁት ቄስ ነው
ኃጢአቱንም እነግርሻለሁ አለኝ በክህነት ሥራ አልኖረም
ሰውነቱንም ንጹሕ አላደረገም ዘመኑንም በሳቅ በጨዋታ
የፈጸመ ነው የዘለዓለም ኩነኔው ይህ ነው አለኝ፡፡
21
ዳግመኛም መላእከተ ጽልመት ፊት ፊቱን እየደበደቡ በግምባሩ
ሲያዳፉት መላሱን በእሳት ምላጭ ቆርጠው በአፉ ደም ሲዘነብ
ወደ እሳት ባሕርም ሲጨምሩት አንድ ሰው አየሁ ይህ ሰው
ማነው ኃጢአቱስ ምንድር ነው ብዬ ልጄን ጠየቅሁት መለሰልኝ
ዲያቆን ነው አለኝ ኃጢአቱስ ምንድር ነው ብዬ ጠየቅሁት
ኃጢአቱንም እነግርሻለሁ አለኝ በሕጌ አልኖረም ሥጋዬን ደሜን
በንጹሕ አላዘጋጀም ቤተ ክርስቲያን አልወደደም ለግብረ
ተልእኮ አልተፋጠነም ድሀ ቢሞት አልቀበረም ኩሩ ትዕቢተኛ
ነው አለኝ ከዚህ በኋላ ብዙ የተበታተኑ ሰዎች በእሳት መካከል
አየሁ እነዚህ እነማናቸው ብለው በፀሐይ በጨረቃ በከዋክብት
በዕንጨት በድንጋይ የሚያመልኩ ለዛር ለቃልቻ ለጠንቋይ
የሚደግዱ ናቸው ስለዚህ ኩነኔያቸው ለዘለዓለም ይህ ነው አለኝ
ከዚህ በኋላ በእሳት ዛፍ ላይ የተሰቀሉ ብዙ ሰዎች አየሁ ምንድር
ናቸው ብዬ ልጄን ጠየቅሁት (ብዕልን) ክብርን የወደዱ ሀብት
ገንዘብ እያለቸው ለተራበ የማይሰጡ የማይመፀውቱ ድሆቸን
የሚበድሉ ባለጠጎች ናቸው ከመከራ ሥጋ ከመከራ ነፍስ ይድቃሉ
ስለዚህ ለዘለዓለምም ቦታቸው ይህ ነው አለኝ፡፡
21
ከዚህ በኋለ በእሳት ሰንሰለት አንገታቸውን ታስረው ጨለማ
የለበሱ ሴቶች አየሁ እነማን ናቸው ብዬ ልጄን ጠየቅሁት እናት
አባቶቻቸው በሕግ ሳያጋቧቸው ድንግልናቸውን ለማንም በዱር
በጫካ የሚሰጡ የሚሰስኑ ክብረ ንጽሕናቸውን የሚያጎድፉ
ናቸው ስለዚህ ኩነኔአቸውም ለዘለዓለም ይህ ነው አለኝ፡፡
21
ከዚህ በኋላ ልቅሶ ጥርስ ማፋጨት ከአለበት ገሃነመ እሳት
እጃቸውን እግራቸውን ታስረው በእሳት ግንድ ተሰቅለው ብዙ
ሰዎች አየሁ እነማናቸው ብዬ ጠየቅሁት የሰው ገንዘብ የሚበሉ
እንደልባቸው የሚናገሩ በዚህ ዓለም ያላግባብ የከበሩ ወይም
የበለጸጉ የሚገዙ የሚነዱ ብዑላን ነገሥታት መኳንንት ናቸው
ለዘለዓለም የኩነኔያቸው ቦታ ይህ ነው አለኝ፡፡
21
ከዚህ በኋላ የእሳት ውሾች የእሳት እባቦች የእሳት አንበሶች
እግራቸውን እጃቸውን ሲሰብራቸው በእሳት ዛፍ ላይ ተሰቅለው
ብዙ ሰዎች አየሁ እነማናቸው ብዬ ብጠይቀው ከቆብ በኋላ
የሚሰስኑ መነኮሳት ናቸው ሴቶችም በፀነሱ ጊዜ መድኃኒት
እየጠጡ የሚያስወርዱ ናቸው እነኛም ሕፃናት መልካምም ሆነ
ክፉ ብንሠራ ምነው ባደግን አለጊዜያችን አጠፉን ብለው አቤት
አቤት እያሉ ይጮሁባቸዋል አባቴ ግን መልአኩን ሕፃናቶቹን
ወደ መልካም ቦታ ውሰዳቸው ይለዋል እናቶቻቸውም
ለዘለዓለም ኩነኔያቸው ይህ ነው አለኝ በጥቡዕ ልቦና ነስሓ ቢገቡ
አትምራቸውምን አልሁት እምራቸዋለሁ አለኝ ቀሳውስቱም
የነፍስ ልጆቻቸውን መክርው ተቆጥተው ንስሓ ግቡ
አይሏቸውም እነደ ፈሌ እንደ (ፈላ) ይሆናሉ አለኝ፡፡
21
ከዚህ በኋላ እህል እንዳይበሉ ውሀ እንዳይጠጡ ተክልክለው
በእሳት ግንድ ታስረው ብዙ ሰዎች አየሁ እነማን ናቸው ብዬ
ብጠይቀው እንዲህ አለኝ ሴት በመርገም ጊዜዋ ሆና በሩካቤ
ሥጋ የተገናኙ ዓርብ ረቡን ፵ ጾም ሁዳዴን የማይጾሙ የኩነኔ
ቦታቸው ይህ ነው አለኝ ንስሓ ቢገቡ አትምራቸውም ብለው
እምራቸዋለሁ አለኝ፡፡
21
ከዚህ በኃላ በእሳት መካከል እጃቸውን እግራቸውን የተቆረጡ
ሰዎች አየሁ ምንድር ናቸው ብዬ ጠየቅሁት ለሰው ክፉ የሚጥሩ
የሚጽፉም የሰው ገንዘብ የሚሰርቁ የሚነጥቁ የሚዘርፉ
ጉልበት እያላቸው ሠርተው የማይበሉ አታላዮች ኪስ
አውላቂዎች የሰው ቤት በቀን መዝጊያ የሚሰብሩ ሌሊት
ግድግዳ የሚሠረሥሩ ለሰው ነፍስ የማይሳሱ ርኀራኄ የሌላቸው
በገንዘብ እየተገዙ የሰው ነፍስ የሚያጠፉ ዓይናቸውን በስው
ሀብት ላይ የሚያሳርፉ በጧት ወደ መሸታ ቤት የሚገሠግሡ
በብዙ ድካም ያገኙትን ገንዘብ ቤተሰባቸውን በድለው ለመሸታና
ለዝሙት የሚያጠፉ ሰካራሞች አጭበርባሪዎች ናቸው የኩነኔ
ቦታቸውም ለዘለዓለም ይህ ነው አለኝ፡፡
21
ከዚህ በኋላ በእሳት ልጓም ተለጉመው በእሳት ሜንዶ ፊት
ፊታቸውን ሲደበድቧቸው አየሁ ምንድር ናቸው ብዬ ልጄን
ጠየቅሁት ባልንጀራቸውን የሚሰድቡ የሚያዋርዱ ምቀኞች
ተንኮለኞች ሟርተኞች ሰላቢዎች ተዕቢተኞች ሰውን
አሽሟጣጮች ናቸው አለኝ፡፡
21
ዲያብሎስም አዳምን በሰደበ ከማዕረጉ ተዋርዷልና ዳግመኛም
ጨው ባሩድ የሞላበት ጨለማ ጉድጓድ አየሁ በዚያው ውስጥ
እግራቸውን እጃቸውን የተቆረጡ ብዙ ሰዎች አየሁ፤ ምንደር
ናቸው ብዬ ልጄን ጠየቅሁት አንድነቴን ሦስትነቴን ቅድመ
ዓለም ከአብ ያለ እናት መወለዴን ድኀረ ዓለም ከሰማየ ሰማያት
ወርጄ ከድንግል ማርየም ያለ አባት ወወለዴን በሄሮደስ ቅንዓት
ከሀገር ወደ ሀገር መሰደዴን መጠመቄን መገረፌን
በመልዕልተ መስቀል መስቀሌን በቀኖት መቸንከሬን ሞቼ
መነሣቴን ከትንሣኤዬም በኋላ በ፵ኛው ቀን ወደሰማይ ማረጌን
በኃላም ይህን ዓለም ለማሳለፍ በጌትነትና በታለቅ ግርማ
መምጣቴን የማያውቁ አረመኔዎች ናቸው ለዘለዓለም
የሚኖሩበት የኩነኔ ቦታቸው ይህ ነው አለኝ፡፡
21
ከዚህ በኋላ የእሳት እባብ በአንገታቸው በአፋቸው
ተጠምጥሞባቸው ከአፋቸው የእሳት ዲኝ ሲወጣ ብዙ ሰዎች
አየሁ ምንደር ናቸው አልሁት ብዙ ክርስቲያን ሂደው ያላገለገሉ
ካህናት ናቸው ለዘለዓለም የኩነኔ ቦታቸው ይህ ነው አለኝ፡፡
21
ከዚህ በኋላ በእሳት ገመድ አስረው ራሱን ወደታች እግሩን
ወደላይ አድርገው ሰቅለው አንድ ሰው አየሁ ዳግመኛ በእሳት
ጦር ፊት ፊቱን እየወጉ ከእሳት ላይ ሲጥሉት አየሁ ይህ ሰው
ማነው ብዬ ልጄን ጠየቅሁት ቄስ ነው ኃጢአቱንም እነግርሻለሁ
አለኝ በሰንበት ዕጣን አያጥንም ንዝኅላል ትዕቢተኛ ኩራተኛ ነው
ጸሎት አያደርስም የዘለዓለም የኩነኔ ቦታው ይህ ነው አለኝ
ልጄን እንዲህ ስል ጠየቅሁት ቁርባን ምን ጊዜ ይቁረብ እሁድ
በነግህ ቀዳሚት በ፫ ሰዓት ሊቀደስ ይገባል ኦሪት ነቢያትን
ልፈጽማቸው ነው እንጂ ላሳልፋቸውና ልሽራቸው አልመጣሁም
ብሎ መጽሐፍ የተናገረውን አልሰማሽምን አለኝ፡፡
21
ቀዳሚትንም ካንዲት ቀን በቀር አልሻርኳትም ሌሎችን
ሰንበታት እንደ እሁድ ያክብሯቸው አለኝ ማለትም እንደ እሁድ
ያክብሯት ማለት ነው፡፡
21
ከዚህ በኋላ በእሳት ፍላፃ ሲነድፉት አንድ ሰው አየሁ ይህ ሰው
ማነው ብዬ ልጄን ጠየቅሁት ዲያቆን ነው አለኝ ኃጢአቱስ
ምንድር ነው ብዬ ብጠይቀው እነግርሻለሁ አለኝ፡፡
21
መሥዋዕቱን በንጹሕ አላቀረበም በሰዓቱም አላዘጋጀም
ሰውነቱንም ከኃጢአት አላነፃም ለዘለዓለም የኩነኔ ቦታው ይህ
ነው አለኝ፡፡
21
ከዚህ በኋላ ከሌላ ቦታ ወሰደኝ የእሳት ጉድጓድ አየሁ ከውስጡ
ብዙ ሰዎች ሞልተው በአንገታቸው የእሳት እባቦች
ተጠምጥሞባቸው አራት መላእክተ ጽልመት የእሳት ጦር
ሲወረውሩባቸው አየሁ ባየኋቸውም ጊዜ ብዙ አለቀስኩ እሊህ
እናማናቸው ብዬ ልጄን ጠየቅሁት መነኮሳት ናቸው በሕጌ
አልኖሩም ሥራዓቱንም አልጠበቁም መነኮሳት ነን ሲሉ
የመነኮሳትን ሥራ አይሠሩም የማይረባቸውን
የማይጠቅማቸውን ሥጋዊና ዓለማዊ ሹመት ይፈልጋሉ
ዘመናቸውንም በኃጢአት የፈጸሙ ናቸው ለዘለዓለሙ የኩነኔ
ቤታቸው ይህ ነው አለኝ፡፡
21
ከዚህ በኋላ የተዘጋጀ ታላቅ ገሃነም አየሁ ልጄም እናቴም
ማርያም ታየዋለችና ክፈቱ ብሎ የገሃነመ እሳት በር ጠባቂውን
ጠርቶ አስከፍቶ በሮቹ በተከፈቱ ጊዜ አይቼ ፈራሁ ተንቀጠቀጥኩ
ይህ ቦታ ስሙ ማነው ብዬ ልጄን ጠየቅሁት ገሃነመ እሳት ነው
አለኝ በዚህስ ውስጥ የሚኖሩ ምንድን ናቸው ኃጢአታቸውስ
ምንድ ነው አልኩት ሰው ከውሀና ከመንፈስ ቅዱስ ካልተወለደ
በቀር ወደ እግዚአብሔር መንግሥት ይገባ ዘንድ አይቻለውምና
ስለዚህ ያልተጠመቁ አረመኔዎች ናቸው የዘለዓለም ቦታቸወም
ይህ ነው አለኝ፡፡ ዮሐንስ ፫፡፭፡፡ እነዚህም በስቃይ ያሉ ሁሉ
ባዩኝ ጊዜ ማርያም አንቺ ከሁሉ ይልቅ የከበርሽ ነሽ
የማኀፀንሽም ፍሬ የከበረ ነው አንቺን ያዩ ዓይኖቻቸን የከበሩ
ይሁኑ ብለው ጮሁ እኔም ሰው ሆኖ ኃጢአት የማይሠራ የለምና
ልጄን እባክህን ማርልኝ አልሁት እርሱም ዓርብ በሠርክ
መጥተው እስከ ሰኞ ድረስ ስለአንቺ በገነት ያሳርፏቸው አለኝ፡፡
21
ይህንም በሰማሁ ጊዜ ልጄን ፈጣሪዬን አመሰገንኩት
እመቤታችን ድንግል ማርያም ይህንን ከዚህ ቀጥሎ ያለውን
ማስጠንቀቂያ ሰጥታለች እወቁ ተጠንቀቁ ሴት አራስ ሆና
በሩካቤ ሥጋ የተገናኘ በመርገሟም ሰዓት ወንድ ከሴቷ ሴቷም
ከወንድ ፈቃደኛ ሆነው ቢገናኙ ኃጢአት ይሆንባቸዋል በልቡ
ክፋት ያለበት ሰው ይህች መጽሐፍ ካለችበት ቦታ አይድረስ
መጽሐፉንም ከእንደዚህ ካለው መጥፎ ቦታ አታኑሩ ብላ
ተናግራለች፡፡
21
ዳግመኛም ስለ በዓላት አከባበር ቢቻላችሁ ፴፫ቱን ባይቻላችሁ
፭ቱን የጥር ማርያምን የየካቲት ኪዳነ ምሕረትን የግንቦት
ልደታን የሰኔ ማርያም የነሐሴ ፲፮ ፍስለታን እነዚሀን በዓላቴን
ያከበረ ይህን መጽሐፍ የፃፈ ያጻፈ ያነበበ የተረጎመ የሰማ ያሰማ
እነዚህን ሁሉ የፈጸሙ በሞቱ ጊዜ እኔ እቆምላቸዋለሁ ብላ
ለዮሐንስ ነገረቸው፡፡
21
የአምላክ ልጅ ወልደ አምላክ ለችግር አማላጅቱ እመቤታችን
ማርያም የገለጸላት ራእይ ባጭሩ እዚህ ላይ ተፈጸመ፡፡ የልጅዋ
የወዳጅዋ ቸርነት ለሁላችን ይደረግልን የእመቤታችን ረድኤት
በረከት እስከ ዘለዓለሙ ይደርብን አሜን አቡነ ዘበሰማያት፡፡
°°°°°°°
ምንጭ: መዝገበ ጸሎት ወመጽሐፈ ጸሎት ባለ ሰባ ስምንት
ከተሰኘው የጸሎት መጽሐፍ ላይ ከገጽ 591 እስከ 636
የተወሰደ ነው። በዘሪሁን እሸቱ የተዘጋጀ 20/4/2008 ዓ.ም
†† †† † † †† ††
ለአባ ሕርያቆስ ፤ለቅዱስ ኤፍሬም ፤ለቅዱስ ያሬድ ፤ ለአባ
ጊዮርጊስ ዘጋስጫ የተገለጸች ዕመቤታችን እኛንም በበረከት እና
በረድኤት ትጎብኘን ፤ ከልጅዋ ከወዳጅዋ ከመድኃኔዓለም ዘንድ
ታማልደን ፤ አሜን!!!
ወ ስ ብ ሐ ት ለ እ ግ ዚ አ ብ ሄ ር